ಹೊಸ ಸಿಟ್ರನ್ ಸಿ3 ಈಗ ಆರು-ಸ್ಪೀಡ್ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಆಯ್ಕೆಯೊಂದಿಗೆ ಬಂದಿದೆ.
ನೀವು ಹೊಸ ಕಾರು ಹುಡುಕುತ್ತಿದ್ದರೆ, ಸಿಟ್ರನ್ ಸಿ3(Citroen C3) ನಿಮಗೆ ಸೂಕ್ತ ಆಯ್ಕೆಯಾಗಿರಬಹುದು. ಅಪ್ಡೇಟೆಡ್ ಸಿ3 ವೇರಿಯಂಟ್‌ಗಳಲ್ಲಿ ಹಲವಾರು ಹೊಸ ವೈಶಿಷ್ಟ್ಯಗಳು ಸೇರಿಸಲಾಗಿದೆ, ಈ ವೈಶಿಷ್ಟ್ಯಗಳಲ್ಲಿ ಕೆಲವನ್ನು ದೊಡ್ಡ ಮಾದರಿಯಾದ ಸಿ3 ಏರ್‌ಕ್ರಾಸ್‌ನಲ್ಲಿ ಕೂಡ ಪರಿಚಯಿಸಲಾಗುತ್ತದೆ. ಆದರೆ, ಗಮನ ಸೆಳೆಯುವ ಪ್ರಮುಖ ಅಂಶ ಎಂದರೆ, ಹಿಂದೆ ಕೇವಲ ಮ್ಯಾನುಯಲ್ ಗೇರ್‌ಬಾಕ್ಸ್‌ಗಳೊಂದಿಗೆ ಮಾತ್ರ ಲಭ್ಯವಿದ್ದ ಸಿ3 ಹ್ಯಾಚ್‌ಬ್ಯಾಕ್ ಇದೀಗ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಕೂಡ ಲಭ್ಯವಿದೆ. ಮ್ಯಾನುಯಲ್ ವೇರಿಯಂಟ್‌ಗಳ ಬೆಲೆ ₹6.16 ಲಕ್ಷದಿಂದ ₹9.42 ಲಕ್ಷ (ಎಕ್ಸ್-ಶೋರೂಮ್) ವರೆಗೆ ಇದೆ. ಆಟೋಮ್ಯಾಟಿಕ್ ರ್‌ಬಾಕ್ಸ್‌ ವೇರಿಯಂಟ್‌ಗಳ ಬೆಲೆ ಶೀಘ್ರದಲ್ಲೇ ಘೋಷಿಸಲಾಗುವುದು.
| Variant | Price (ex-showroom) |
| Live | Rs 6.16 lakh |
| Feel | Rs 7.47 lakh |
| Shine | Rs 8.10 lakh |
| Shine Vibe Pack | Rs 8.22 lakh |
| Shine Dual Tone | Rs 8.25 lakh |
| Shine Dual Tone + Vibe Pack | Rs 8.37 lakh |
| Shine Turbo Dual Tone | Rs 9.30 lakh |
| Shine Turbo Dual Tone + Vibe | Rs 9.42 lakh |
ಸಿಟ್ರನ್ ಸಿ3 ವೈಶಿಷ್ಟ್ಯಗಳು
ಸಿಟ್ರನ್ ಸಿ3(Citroen C3) ಹ್ಯಾಚ್‌ಬ್ಯಾಕ್‌ನ ಹೊರಗಿನ ವಿನ್ಯಾಸ ಹಳೆಯ ಮಾದರಿಯಂತೆಯೇ ಇದೆ, ಆದರೆ ಈಗ ಟಾಪ್-ಸ್ಪೆಕ್ ಶೈನ್ ಟ್ರಿಮ್‌ನಲ್ಲಿ ಪ್ರೊಜೆಕ್ಟರ್ ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಸೇರಿಸುವ ಮೂಲಕ ಕಾರಿನ ಮುಖಭಾಗಕ್ಕೆ ಹೊಸ ನೋಟ ನೀಡಲಾಗಿದೆ. ಮತ್ತೊಂದು ಸಣ್ಣ ಬದಲಾವಣೆ ಎಂದರೆ, ಎಲೆಕ್ಟ್ರಿಕಲ್ ಅಡ್ಜಸ್ಟ್ಮೆಂಟ್ ಸೈಡ್ ಮಿರರ್‌ಗಳಲ್ಲಿ ಟರ್ನ್ ಇಂಡಿಕೇಟರ್ ಅನ್ನುಅಳವಡಿಸಲಾಗಿದೆ, ಇದು ಶೈನ್ ಟ್ರಿಮ್‌ನಲ್ಲಿ ಮಾತ್ರ ಲಭ್ಯವಿರುತ್ತದೆ. ಹಿಂದಿನ ಸೈಡ್ ಮಿರರ್‌ಗಳಿದ್ದ ಜಾಗದಲ್ಲಿ ಈಗ ಹೊಸ ಸಿಟ್ರನ್ ಬ್ಯಾಡ್ಜ್ ಕಾಣಿಸುತ್ತದೆ.
ಒಳಭಾಗದಲ್ಲಿ, ಸಿ3 ಹ್ಯಾಚ್‌ಬ್ಯಾಕ್ ಈಗ 7.0 ಇಂಚಿನ ಫುಲ್-ಡಿಜಿಟಲ್ ಇನ್ಸ್‌ಟ್ರುಮೆಂಟ್ ಡಿಸ್ಪ್ಲೇ ಮತ್ತು ಶೈನ್ ವೇರಿಯಂಟ್‌ಗಳಲ್ಲಿ ಆಟೋಮೆಟಿಕ್ ಕ್ಲೈಮೇಟ್ ಕಂಟ್ರೋಲ್ ಅನ್ನು ಹೊಂದಿದೆ. ಮತ್ತು ಡೋರ್ ಪ್ಯಾನೆಲ್ಗಳಲ್ಲಿ ಎಲೆಕ್ಟ್ರಾನಿಕ್ ಪವರ್ ವಿಂಡೋ ನಿಯಂತ್ರಣಗಳು ಸೇರಿ ಹೊಸ ವೈಶಿಷ್ಟ್ಯಗಳನ್ನು ಸೇರಿಸಲಾಗಿದೆ. ಸುರಕ್ಷತಾ ದೃಷ್ಟಿಯಿಂದ, ಫೀಲ್ ಮತ್ತು ಶೈನ್ ವೇರಿಯಂಟ್‌ಗಳು ಆರು ಏರ್‌ಬ್ಯಾಗ್‌ಗಳೊಂದಿಗೆ ಬರುತ್ತವೆ. ಹಾಗೆಯೇ ಹಿಲ್ ಹೋಲ್ಡ್ ಅಸಿಸ್ಟ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಂಎಸ್) ಮತ್ತು ರಿಯರ್ ಪಾರ್ಕಿಂಗ್ ಕ್ಯಾಮೆರಾವನ್ನು ಸೇರಿಸುವ ಮೂಲಕ ಸಿಟ್ರೋಯನ್ ಸುರಕ್ಷತಾ ಕ್ರಮಗಳನ್ನು ಹೆಚ್ಚಿಸಿದ್ದಾರೆ.
Citroen C3 ಪವರ್‌ಟ್ರೇನ್
ಪವರ್‌ಟ್ರೈನ್ ವಿಚಾರದಲ್ಲಿ, ಸಿಟ್ರನ್ ಸಿ3(Citroen C3) ನಲ್ಲಿ 3-ಸಿಲಿಂಡರ್, 1.2-ಲಿಟರ್ ಪೆಟ್ರೋಲ್ ಎಂಜಿನ್ ಅನ್ನು ಅಳವಡಿಸಲಾಗಿದೆ, ಈ ಎಂಜಿನ್ 82 ಬಿಎಚ್‌ಪಿ ಶಕ್ತಿಯೊಂದಿಗೆ 115 ಎನ್‌ಎಮ್ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‌ನ ಟರ್ಬೋಚಾರ್ಜ್ಡ್ ಆವೃತ್ತಿಯ ಆಯ್ಕೆಯ ಜೊತೆಗೆ. ನೈಸರ್ಗಿಕವಾಗಿ ಆಕರ್ಷಿತ ಪೆಟ್ರೋಲ್ ಎಂಜಿನ್ ಈಗಲೂ 5-ಸ್ಪೀಡ್ ಮ್ಯಾನುಯಲ್ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದೆ, ಆದರೆ ಟರ್ಬೋ-ಪೆಟ್ರೋಲ್‌ಗೆ ಈಗ 6-ಸ್ಪೀಡ್ ಆಟೊಮ್ಯಾಟಿಕ್ ಗೇರ್ಬಾಕ್ಸ್ ಆಯ್ಕೆಯು ಲಭ್ಯವಿದೆ, ಜೊತೆಗೆ ಹಿಂದಿನ 6-ಸ್ಪೀಡ್ ಮ್ಯಾನುಯಲ್ ಗೇರ್ಬಾಕ್ಸ್ ಕೂಡಾ ಇರುತ್ತದೆ. ಎರಡೂ ಗೇರ್ಬಾಕ್ಸ್ ಆಯ್ಕೆಗಳಲ್ಲಿ 110 ಬಿಎಚ್‌ಪಿ ಶಕ್ತಿ ಉತ್ಪಾದನೆ ಒಂದೇ ಆಗಿದ್ದರೂ, ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನಲ್ಲಿ ಟಾರ್ಕ್ ಸ್ವಲ್ಪ ಹೆಚ್ಚಿನದಾಗಿದೆ. ಟಾರ್ಕ್ ಕುರಿತು ಮಾತನಾಡುವುದಾದರೆ ಮ್ಯಾನುಯಲ್ ಗೇರ್‌ಬಾಕ್ಸ್‌ನಲ್ಲಿ 190 ಎನ್‌ಎಮ್ ಮತ್ತು ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನಲ್ಲಿ 205 ಎನ್‌ಎಮ್ ಟಾರ್ಕ್ ಉತ್ಪಾದನೆಯನ್ನು ಪಡೆಯಬಹುದು.
ಇದನ್ನೂ ಓದಿ: ಬಜೆಟ್‌ಗೆ ಸರಿಹೊಂದುವ ಸಿಟ್ರನ್ ಬಸಾಲ್ಟ್ ಎಸ್‍ಯುವಿ ಕೂಪೆ ಬಿಡುಗಡೆ
