ಹೊಸ ಫೀಚರ್‌ಗಳೊಂದಿಗೆ ಮಾರುಕಟ್ಟೆಗೆ Tata Safari SUV – ಎಕ್ಸ್-ಶೋ ರೂಂ ಬೆಲೆ 15.49 ಲಕ್ಷದಿಂದ 25.09 ಲಕ್ಷವರೆಗೆ!
ಟಾಟಾ ಮೋಟಾರ್ಸ್ (Tata Motors) ತನ್ನ ಪ್ರತಿಷ್ಠಿತ SUV ಮಾದರಿಯಾದ ಟಾಟಾ ಸಫಾರಿಯಲ್ಲಿ (Tata Safari) ಕೆಲವು ಗಮನಾರ್ಹ ಬದಲಾವಣೆಗಳನ್ನು ಮಾಡಿದೆ. ಈ ನವೀಕರಣದಲ್ಲಿ, ಕೆಲವು ವೈಶಿಷ್ಟ್ಯಗಳನ್ನು ಹೊಸದಾಗಿ ಸೇರಿಸಲಾಗಿದ್ದರೆ ಮತ್ತೆ ಕೆಲವನ್ನು ತೆಗೆದುಹಾಕಲಾಗಿದೆ. ಈ ಬದಲಾವಣೆಗಳ ಮೂಲಕ ಗ್ರಾಹಕರಿಗೆ ಇನ್ನಷ್ಟು ಆಕರ್ಷಕ ಅನುಭವ ನೀಡುವುದು ಕಂಪನಿಯ ಉದ್ದೇಶ.
ಭಾರತೀಯ ಮಾರುಕಟ್ಟೆಯಲ್ಲಿ ಈಗಾಗಲೇ ಜನಪ್ರಿಯವಾಗಿರುವ ಸಫಾರಿಗೆ ಈ ನವೀಕರಣ ಮತ್ತಷ್ಟು ಜನಪ್ರಿಯತೆ ತಂದುಕೊಡಲಿದೆ ಎಂದು ನಿರೀಕ್ಷಿಸಲಾಗಿದೆ. ವಿಶೇಷವಾಗಿ ಪ್ಯೂರ್ ವೆರಿಯೆಂಟ್ ಆವೃತ್ತಿಯಲ್ಲಿ ಈ ಬದಲಾವಣೆಗಳು ಸ್ಪಷ್ಟವಾಗಿ ಗಮನಕ್ಕೆ ಬರುತ್ತವೆ. ಆದರೂ, ಈ ಎಲ್ಲಾ ಬದಲಾವಣೆಗಳ ನಂತರವೂ ವಾಹನದ ಬೆಲೆಯಲ್ಲಿ ಯಾವುದೇ ಹೆಚ್ಚಳವಾಗಿಲ್ಲ. ಟಾಟಾ ಸಫಾರಿಯನ್ನು ಈಗ ರೂ. 15.49 ಲಕ್ಷದಿಂದ ರೂ. 25.09 ಲಕ್ಷ (ಎಕ್ಸ್-ಶೋರೂಂ) ಬೆಲೆಗೆ ಖರೀದಿಸಬಹುದು.
ಇದನ್ನೂ ಓದಿ: ಹೊಸ ಟಾಟಾ ನೆಕ್ಸಾನ್ ಕೈಗೆಟುಕುವ ಬೆಲೆಯಲ್ಲಿ ಸನ್‌ರೂಫ್‌ನೊಂದಿಗೆ ಲಾಂಚ್
ಟಾಟಾ ಸಫಾರಿ ಫೀಚರ್ಸ್ ಗಳು
ಪ್ಯೂರ್, ಪ್ಯೂರ್ (ಓ), ಪ್ಯೂರ್ +, ಮತ್ತು ಪ್ಯೂರ್ + ಎಸ್ ಮಾದರಿಗಳಲ್ಲಿ ಕೆಲವು ವೈಶಿಷ್ಟ್ಯಗಳನ್ನು ತೆಗೆದುಹಾಕಲಾಗಿದೆ. ಇವುಗಳಲ್ಲಿ ಆರ್ಮ್‌ರೆಸ್ಟ್‌ಗಳು, ಸ್ಪೇರ್ ವೀಲ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಂಎಸ್), ಎಲ್‌ಇಡಿ ಲೈಟಿಂಗ್, ಎರಡನೇ ಮತ್ತು ಮೂರನೇ ಸಾಲಿನ ರೂಫ್ ಲೈಟ್‌ಗಳು, ಮತ್ತು ಮೂರನೇ ಸಾಲಿನ ಏರ್ ಕಂಡಿಷನಿಂಗ್ ವೆಂಟ್‌ಗಳು ಸೇರಿವೆ. ಹಾಗೆಯೇ, ಆಟೋ-ಡಿಮ್ಮಿಂಗ್ ಇಂಟೀರಿಯರ್ ರಿಯರ್‌ವ್ಯೂ ಮಿರರ್ (ಐಆರ್‌ವಿಎಂ) ಬದಲಾಗಿ ಮ್ಯಾನುವಲ್ ಯೂನಿಟ್ ಅನ್ನು ಬಳಸಲಾಗುವುದು.
ಟಾಟಾ ಸಫಾರಿಯ ಪ್ಯೂರ್ (Tata Safari Pure) ಮಾದರಿಯಲ್ಲಿ ಕೆಲವು ಗಮನಾರ್ಹ ಬದಲಾವಣೆಗಳು ಕಂಡುಬಂದಿವೆ. ಹಳೆಯ ಮಾದರಿಗಳಿಗೆ ಹೋಲಿಸಿದರೆ ಕೆಲವು ವೈಶಿಷ್ಟ್ಯಗಳು ಕಡಿಮೆಯಾಗಿರುವುದು ನಿಜವಾದರೂ, ಹೊಸ ಮಾದರಿಗಳು ಇನ್ನಷ್ಟು ಆಕರ್ಷಕವಾಗಿವೆ. ಹಿಂಬದಿಯ ಕ್ಯಾಮೆರಾ, ಶಾರ್ಕ್-ಫಿನ್ ಆಂಟೆನಾ ಮತ್ತು 10.25 ಇಂಚಿನ ಟಚ್‌ಸ್ಕ್ರೀನ್‌ನಂತಹ ಆಧುನಿಕ ವೈಶಿಷ್ಟ್ಯಗಳು ಈ ಮಾದರಿಗೆ ಹೊಸ ಆಯಾಮವನ್ನು ನೀಡಿವೆ. ಸಫಾರಿ ಪ್ಯೂರ್, ಪ್ಯೂರ್+ ಮತ್ತು ಪ್ಯೂರ್+ ಎಸ್ ಮಾದರಿಗಳಲ್ಲಿ ಹೆಚ್ಚಿನ ಬದಲಾವಣೆಗಳಿಲ್ಲ. ಅಲ್ಲದೆ, ಈ ಮಾದರಿಗಳ ಬೆಲೆಯಲ್ಲಿ ಯಾವುದೇ ಹೆಚ್ಚಳವಾಗಿಲ್ಲ.
ಟಾಟಾ ಸಫಾರಿ ನಿಮ್ಮ ಪ್ರಯಾಣವನ್ನು ಸುರಕ್ಷಿತವಾಗಿಸಲು ಹಲವು ಆಧುನಿಕ ತಂತ್ರಜ್ಞಾನಗಳನ್ನು ಹೊಂದಿದೆ. ಆರು ಏರ್‌ಬ್ಯಾಗ್‌ಗಳು, ಎಬಿಎಸ್ ಜೊತೆಗೆ ಇಬಿಡಿ, ಐಸೊಫಿಕ್ಸ್ ಚೈಲ್ಡ್ ಸೀಟ್ ಮೌಂಟ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಮತ್ತು ಹಿಲ್ ಹೋಲ್ಡ್ ಕಂಟ್ರೋಲ್‌ನಂತಹ ವೈಶಿಷ್ಟ್ಯಗಳು ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ಸುರಕ್ಷಿತ ಪ್ರಯಾಣವನ್ನು ಖಚಿತಪಡಿಸುತ್ತವೆ. ಹೆಚ್ಚುವರಿಯಾಗಿ, ಹೆಚ್ಚು ಹೈ-ಎಂಡ್ ಮಾದರಿಗಳಲ್ಲಿ ಡ್ರೈವರ್ ನೀ ಆರ್‌ಬ್ಯಾಗ್ ಸಹ ಲಭ್ಯವಿದೆ. ಇದಲ್ಲದೆ, ಅಡ್ವೆಂಚರ್+ ಎ, ಅಕಾಂಪ್ಲಿಶ್ಡ್+, ಮತ್ತು ಅಕಾಂಪ್ಲಿಶ್ಡ್+ ಡಾರ್ಕ್ ಮಾದರಿಗಳು ರಸ್ತೆಯಲ್ಲಿ ಹೆಚ್ಚಿನ ಸುರಕ್ಷತೆಗಾಗಿ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ (ಎಡಿಎಎಸ್) ಜೊತೆಗೆ ಬರುತ್ತವೆ.
ಇದನ್ನೂ ಓದಿ: ಟಾಟಾ ಪಂಚ್ ಕಾರಿನ ಜನಪ್ರಿಯ ವೇರಿಯೆಂಟ್‌ಗಳ ಮಾರಾಟ ಸ್ಥಗಿತ
ಟಾಟಾ ಸಫಾರಿ ಪವರ್‌ಟ್ರೇನ್
ಟಾಟಾ ಸಫಾರಿ (Tata Safari) ಎಸ್‌ಯುವಿ 2.0 ಲೀಟರ್ 4 ಸಿಲಿಂಡರ್ ಟರ್ಬೋಚಾರ್ಜ್ಡ್ ಡೀಸೆಲ್ ಎಂಜಿನ್ನಿಂದ ಕಾರ್ಯನಿರ್ವಹಿಸುತ್ತದೆ. ಗ್ರಾಹಕರು 6- ಸ್ಪೀಡ್ ಮ್ಯಾನ್ಯುವಲ್ ಮತ್ತು 6- ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗಳ ನಡುವೆ ಆಯ್ಕೆ ಮಾಡಬಹುದು. ಈ ಎಂಜಿನ್ ಗರಿಷ್ಠ 168 ಬಿಹೆಚ್‌ಪಿ ಶಕ್ತಿ ಮತ್ತು 350 ಎನ್‌ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಮ್ಯಾನ್ಯುವಲ್ ಗೇರ್‌ಬಾಕ್ಸ್ ಆಯ್ಕೆಯು ಲೀಟರ್‌ಗೆ 16.30 ಕಿಲೋಮೀಟರ್‌ಗಳಷ್ಟು ಹೆಚ್ಚಿನ ಇಂಧನ ದಕ್ಷತೆಯನ್ನು ನೀಡುತ್ತದೆ. ಆದರೆ, ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಯು ಲೀಟರ್‌ಗೆ 14.50 ಕಿಲೋಮೀಟರ್‌ಗಳಷ್ಟು ಇಂಧನ ದಕ್ಷತೆಯನ್ನು ನೀಡುತ್ತದೆ.
