Royal Enfield Himalayan 450 ಮಾದರಿಯ ಹೊಸ ಅಪ್‌ಗ್ರೇಡ್: ರೂ 12,500ಕ್ಕೆ ಟ್ಯೂಬ್‌ಲೆಸ್ ಸ್ಪೋಕ್ಸ್ ಅನ್ನು ಪಡೆಯಿರಿ
ಭಾರತೀಯ ಮೋಟಾರ್‌ಸೈಕಲ್ ಮಾರುಕಟ್ಟೆಯಲ್ಲಿ ರಾಯಲ್ ಎನ್‌ಫೀಲ್ಡ್‌ನ (Royal Enfield) ಜನಪ್ರಿಯತೆ ಹೆಚ್ಚುತ್ತಲೇ ಇದೆ. ವಿಶೇಷವಾಗಿ, ಅಡ್ವೆಂಚರ್ ಬೈಕ್‌ಗಳನ್ನು ಇಷ್ಟಪಡುವವರಿಗೆ ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450 (Royal Enfield Himalayan 450) ಅತ್ಯುತ್ತಮ ಆಯ್ಕೆಯಾಗಿದೆ. ಕೈಗೆಟುಕುವ ಬೆಲೆ, ಸೊಗಸಾದ ವಿನ್ಯಾಸ ಮತ್ತು ಅತ್ಯುತ್ತಮ ಕಾರ್ಯಕ್ಷಮತೆಯ ಸಂಯೋಜನೆಯಿಂದಾಗಿ ಹಿಮಾಲಯನ್ 450 ಭಾರತೀಯ ಗ್ರಾಹಕರನ್ನು ಆಕರ್ಷಿಸುತ್ತಿದೆ. ಇತ್ತೀಚೆಗೆ ಬಿಡುಗಡೆಯಾದ ಹಿಮಾಲಯನ್ 450 ಮಾದರಿಯು ವೈರ್‌ಸ್ಪೋಕ್ ವೀಲ್‌ಗಳು ಮತ್ತು ಟ್ಯೂಬ್‌ಲೆಸ್ ಟೈರ್‌ಗಳೊಂದಿಗೆ ಬಂದಿದ್ದು, ಕಷ್ಟಕರವಾದ ರಸ್ತೆಗಳಲ್ಲಿ ಸುಲಭವಾಗಿ ಸಂಚರಿಸಲು ಸಹಾಯ ಮಾಡುತ್ತದೆ. ಈ ಹೊಸ ವೈಶಿಷ್ಟ್ಯಗಳು ಹಿಮಾಲಯನ್‌ನ ಅಡ್ವೆಂಚರ್ ಬೈಕ್ ಆಗಿರುವ ಗುಣವನ್ನು ಇನ್ನಷ್ಟು ಹೆಚ್ಚಿಸಿವೆ.
ಈಗ ನೀವು ಟ್ಯೂಬ್‌ಲೆಸ್ ಸ್ಪೋಕ್ಸ್ ಅನ್ನು ರೂ. 11,000 ಕ್ಕೆ ಪಡೆಯಬಹುದು. ನೀವು ಹೊಸ ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450 ಖರೀದಿಸುತ್ತಿದ್ದರೆ, ‘ಮೇಕ್ ಇಟ್ ಯುವರ್ಸ್’ (MiY) ಟೂಲ್ ಬಳಸಿ ಟ್ಯೂಬ್‌ಲೆಸ್ ಚಕ್ರಗಳೊಂದಿಗೆ ನೀವು ಅದನ್ನು ಕಸ್ಟಮೈಸ್ ಮಾಡಬಹುದು. ಈ ಟ್ಯೂಬ್‌ಲೆಸ್ ಚಕ್ರಗಳು ಮೋಟಾರ್‌ಸೈಕಲ್‌ನ ಯಾವುದೇ ರೂಪಾಂತರಗಳೊಂದಿಗೆ ಹೊಂದಿಕೊಳ್ಳುತ್ತವೆ. ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450 ರ ಪ್ರಸ್ತುತ ಮಾಲೀಕರಿಗೆ, ಈ ಟ್ಯೂಬ್‌ಲೆಸ್ ಸ್ಪೋಕ್‌ಗಳನ್ನು ಅಧಿಕೃತ ಡೀಲರ್‌ಗಳಿಂದ ಅಕ್ಟೋಬರ್ 3, 2024 ರಿಂದ ರೂ. 12,424 ಪಾವತಿಸುವ ಮೂಲಕ ಖರೀದಿಸಬಹುದು.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450 ಚಾಸಿಸ್ ವಿಫಲ ? ಇಲ್ಲಿದೆ ಕಾರಣ
ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450 ಬೈಕ್‌ನ ಪರಿಚಯವು ಅಡ್ವೆಂಚರ್ ಬೈಕ್ ವಿಭಾಗದಲ್ಲಿ ಹೊಸ ಮಾನದಂಡವನ್ನು ಸ್ಥಾಪಿಸಿತು. ಆದಾಗ್ಯೂ, ಟ್ಯೂಬ್‌ಲೆಸ್ ಟೈರ್ ಆಯ್ಕೆಯ ಕೊರತೆಯು ಕೆಲವರ ನಿರಾಶೆಗೆ ಕಾರಣವಾಯಿತು. ದೀರ್ಘಕಾಲದ ನಿರೀಕ್ಷೆಯ ನಂತರ, ಈಗ ಟ್ಯೂಬ್‌ಲೆಸ್ ಟೈರ್ ಆಯ್ಕೆ ಲಭ್ಯವಿದ್ದರೂ, ಆರಂಭದಲ್ಲಿ ವೈರ್-ಸ್ಪೋಕ್ ವೀಲ್‌ಗಳನ್ನು ಮಾತ್ರ ನೀಡಲಾಗಿತ್ತು, ಇದು ಟ್ಯೂಬ್‌ಲೆಸ್ ಟೈರ್‌ಗಳೊಂದಿಗೆ ಹೊಂದಿಕೆಯಾಗದ ಕಾರಣ ಖರೀದಿದಾರರ ನಿರಾಶೆಗೆ ಕಾರಣವಾಯಿತು.
ಗ್ರಾಹಕರ ಬೇಡಿಕೆಯಂತೆ, ರಾಯಲ್ ಎನ್ಫೀಲ್ಡ್ ಹೊಸ ಹಿಮಾಲಯನ್ 450 ಬೈಕ್‌ಗೆ ಟ್ಯೂಬ್‌ಲೆಸ್ ವೈರ್-ಸ್ಪೋಕ್ ವ್ಹೀಲ್‌ಗಳನ್ನು ಸೇರಿಸುವ ಭರವಸೆ ನೀಡಿತ್ತು. ಆದರೆ, ಕಾನೂನುಬದ್ಧ ಕ್ರಮಗಳ ಪೂರ್ಣಗೊಳಿಸುವಲ್ಲಿ ಸ್ವಲ್ಪ ವಿಳಂಬವಾಗಿದ್ದರಿಂದ ಈ ವೈಶಿಷ್ಟ್ಯವು ನಿರೀಕ್ಷಿತ ಕಾಲಾವಧಿಯಲ್ಲಿ ಲಭ್ಯವಾಗಲಿಲ್ಲ. ಆದಾಗ್ಯೂ, ಕಂಪನಿಯು ಈಗ ಈ ವೈಶಿಷ್ಟ್ಯವನ್ನು ಎಲ್ಲಾ ಹಿಮಾಲಯನ್ 450 ಮಾದರಿಗಳಿಗೆ ವಿಸ್ತರಿಸಿದೆ.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಗೆರಿಲ್ಲಾ450 ರೂ. 2.39 ಲಕ್ಷಕ್ಕೆ ಬಿಡುಗಡೆಯಾಗಿದೆ
ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450: ಬೆಲೆಗಳು
Royal Enfield Himalayan 450 ಬೈಕಿನ ಬೆಲೆ ಆಯ್ಕೆ ಮಾಡುವ ಬಣ್ಣವನ್ನು ಅವಲಂಬಿಸಿ ಬದಲಾಗುತ್ತದೆ. ಬೆಲೆಗಳು ಕಾಜಾ ಬ್ರೌನ್‌ಗೆ ರೂ. 2.85 ಲಕ್ಷದಿಂದ ಹಿಡಿದು ಸ್ಲೇಟ್ ಹಿಮಾಲಯನ್ ಸಾಲ್ಟ್ ಮತ್ತು ಸ್ಲೇಟ್ ಪಾಪಿ ಬ್ಲೂಗಳಿಗೆ ರೂ. 2.89 ಲಕ್ಷ, ಕಾಮೆಟ್ ವೈಟ್‌ಗೆ ರೂ. 2.93 ಲಕ್ಷ ಮತ್ತು ಹಾನ್ಲೆ ಬ್ಲ್ಯಾಕ್‌ಗೆ ರೂ. 2.98 ಲಕ್ಷದವರೆಗೆ ಇರುತ್ತದೆ. (ಎಲ್ಲ ಬೆಲೆಗಳು ಎಕ್ಸ್-ಶೋರೂಮ್ ಆಗಿವೆ).
ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450: ವೈಶಿಷ್ಟ್ಯಗಳು
ಹೊಸ ಟ್ಯೂಬ್‌ಲೆಸ್ ಚಕ್ರಗಳು ಟ್ರೆಡಿಷನಲ್ ಟ್ಯೂಬ್ ಸ್ಪೋಕ್ ವೀಲ್ಸ್‌ನಂತೆಯೇ ಅದೇ ಆಯಾಮಗಳೊಂದಿಗೆ ಲಭ್ಯವಿದ್ದು, ಈ ಬೈಕ್‌ನ ಮುಂಭಾಗದಲ್ಲಿ 21 ಇಂಚಿನ ಮತ್ತು ಹಿಂಭಾಗದಲ್ಲಿ 17 ಇಂಚಿನ ಚಕ್ರಗಳನ್ನು ಅಳವಡಿಸಲಾಗಿದೆ. ಬ್ರೇಕಿಂಗ್ ವಿಚಾರಕ್ಕೆ ಬಂದರೆ ಈ ಬಾರಿ ಹಿಮಾಲಯನ್ 450 ಸುಧಾರಣೆಯನ್ನು ಕಂಡಿದೆ, ಬೈಕ್ ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ 270 ಎಂಎಂ ಡಿಸ್ಕ್ ಬ್ರೇಕ್ ಹೊಂದಿದೆ. ಸುರಕ್ಷತೆಯನ್ನು ಮತ್ತಷ್ಟು ಹೆಚ್ಚಿಸಲು ಡ್ಯುಯಲ್-ಚಾನೆಲ್ ABS ವ್ಯವಸ್ಥೆಯನ್ನು ಆಯ್ಕೆ ಮಾಡುವ ಆಯ್ಕೆ ಕೂಡ ಲಭ್ಯವಿದೆ.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಹೊಸ ಎಡಿಷನ್‌ ಬಿಡುಗಡೆ, ಬೆಲೆ ಮತ್ತು ವೈಶಿಷ್ಟ್ಯಗಳು
ದೀರ್ಘ ಪ್ರಯಾಣಕ್ಕೆ ಸೂಕ್ತವಾದ 17 ಲೀಟರ್ ಪೆಟ್ರೋಲ್ ಟ್ಯಾಂಕ್‌ನೊಂದಿಗೆ ಈ ಬೈಕ್ ನಿಮ್ಮನ್ನು ನಿರಾಶೆಗೊಳಿಸುವುದಿಲ್ಲ. ಅದರ ಆಕರ್ಷಕ ವಿನ್ಯಾಸದ ಜೊತೆಗೆ, ಎಲ್ಇಡಿ ದೀಪಗಳು, ರೈಡ್ ಬೈ ವೈರ್ ತಂತ್ರಜ್ಞಾನ, ಬೇಕಾದಾಗ ಆಫ್ ಮಾಡಬಹುದಾದ ABS, ಗೂಗಲ್ ಮ್ಯಾಪ್ ತೋರಿಸುವ ವ್ಯವಸ್ಥೆ, ಯುಎಸ್ಬಿ-ಸಿ ಚಾರ್ಜಿಂಗ್ ಪೋರ್ಟ್, ಮತ್ತು ಬ್ಲೂಟೂತ್ ಕನೆಕ್ಟಿವಿಟಿಯೊಂದಿಗೆ ಬರುವ ದೊಡ್ಡ, ವೃತ್ತಾಕಾರದ 4 ಇಂಚಿನ TFT ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ನಿಮ್ಮ ಪ್ರಯಾಣವನ್ನು ಇನ್ನಷ್ಟು ಆನಂದದಾಯಕವಾಗಿಸುತ್ತದೆ.
ರಾಯಲ್ ಎನ್ಫೀಲ್ಡ್ ಹಿಮಾಲಯನ್ 450: ಪವರ್‌ಟ್ರೇನ್
ರಾಯಲ್ ಎನ್ಫೀಲ್ಡ್ ಮೊದಲ ಬಾರಿಗೆ ಲಿಕ್ವಿಡ್ ಕೂಲ್ಡ್ 452 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಅನ್ನು ಪರಿಚಯಿಸಿದೆ. ಈ ಎಂಜಿನ್ 8,000 ಆರ್ಪಿಎಂನಲ್ಲಿ 39.5 ಬಿಹೆಚ್ಪಿ ಪವರ್ ಮತ್ತು 5,500 ಆರ್ಪಿಎಂನಲ್ಲಿ 40 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಇದು 6 ಸ್ಪೀಡ್ ಗೇರ್ಬಾಕ್ಸ್ನೊಂದಿಗೆ ಬರುತ್ತದೆ. ಹೆಚ್ಚುವರಿಯಾಗಿ, ರೈಡಿಂಗ್ ಮೋಡ್ಗಳಾದ ಇಕೋ ಮತ್ತು ಪರ್ಫಾರ್ಮೆನ್ಸ್ ಮತ್ತು ಸ್ಲಿಪ್-ಅಂಡ್-ಅಸಿಸ್ಟ್ ಕ್ಲಚ್ ಅನ್ನು ಒಳಗೊಂಡಿದೆ. ಈ ಹೊಸ ಎಂಜಿನ್ಗೆ ರಾಯಲ್ ಎನ್ಫೀಲ್ಡ್ ಶೆರ್ಪಾ 450 ಎಂದು ಹೆಸರಿಟ್ಟಿದೆ.
