Royal Enfield Bear 650: ರಾಯಲ್ ಎನ್ಫೀಲ್ಡ್ ಬಿಯರ್ 650 ಬೈಕ್ ಬೆಲೆ ರೂ 3.39 ಲಕ್ಷದಿಂದ ರೂ 3.59 ಲಕ್ಷ
ರಾಯಲ್ ಎನ್ಫೀಲ್ಡ್ ತನ್ನ ಗ್ರಾಹಕರಿಗೆ ಮತ್ತೊಂದು ಆಕರ್ಷಕ ಆಯ್ಕೆಯನ್ನು ನೀಡುತ್ತಾ, ಭಾರತೀಯ ಮಾರುಕಟ್ಟೆಯಲ್ಲಿ ಬೇರ್ 650 (Royal Enfield Bear 650) ಅನ್ನು ಪರಿಚಯಿಸಿದೆ. ಜನಪ್ರಿಯ ಇಂಟರ್ಸೆಪ್ಟರ್ 650 ಮಾದರಿಯನ್ನು ಆಧರಿಸಿ ರೂಪಿಸಲಾದ ಈ ಹೊಸ ಸ್ಕ್ರಾಂಬ್ಲರ್ ಬೈಕ್, 650 ಟ್ವಿನ್ ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಾಣವಾಗುವ ಐದನೇ ಮೋಟಾರ್‌ಸೈಕಲ್ ಆಗಿದೆ. ರೂ. 3.39 ಲಕ್ಷದಿಂದ ರೂ. 3.59 ಲಕ್ಷ (ಎಕ್ಸ್-ಶೋರೂಂ) ವರೆಗಿನ ಬೆಲೆಯಲ್ಲಿ ಲಭ್ಯವಿರುವ ಬೇರ್ 650, ತನ್ನ ವಿಶಿಷ್ಟವಾದ ಸ್ಕ್ರಾಂಬ್ಲರ್ ನೋಟದೊಂದಿಗೆ ಹೊಸ ವಿನ್ಯಾಸ ಮತ್ತು ವೈಶಿಷ್ಟ್ಯಗಳ ಸಮಾಗಮವು ಈ ಬೈಕ್‌ಗೆ ಹೊಸ ಆಯಾಮವನ್ನು ನೀಡಿದೆ.
ರಾಯಲ್ ಎನ್ಫೀಲ್ಡ್ ಬೇರ್ 650 ವಿನ್ಯಾಸ, ವೈಶಿಷ್ಟ್ಯಗಳು
ರಾಯಲ್ ಎನ್ಫೀಲ್ಡ್ ಬೇರ್ 650 (Royal Enfield Bear 650) ಬೈಕ್‌ನ ವಿನ್ಯಾಸವು ಇಂಟರ್ಸೆಪ್ಟರ್ 650 ಮಾದರಿಯನ್ನು ಆಧರಿಸಿದ್ದರೂ, ಸ್ಕ್ರಾಂಬ್ಲರ್ ಶೈಲಿಯಲ್ಲಿ ಹೊಸ ನೋಟವನ್ನು ಪಡೆದಿದೆ. ಈ ಬೈಕ್‌ನಲ್ಲಿ ಡಬಲ್ ಡೌನ್‌ಟ್ಯೂಬ್ ಚಾಸಿಸ್ ಅನ್ನು ಬಳಸಲಾಗಿದ್ದು, ಯುಎಸ್‌ಡಿಗಳನ್ನು ಸರಿಹೊಂದಿಸುವ ಮೂಲಕ ಬಲಪಡಿಸಲಾಗಿದೆ. ಇದರ ವಿಶೇಷತೆ ಎಂದರೆ ಸಬ್‌ಫ್ರೇಮ್‌ನ ಅಳವಡಿಕೆ.
ಬಿಯರ್ 650 ಬೈಕ್‌ನ ವಿನ್ಯಾಸವು ಸಾಹಸ ಪ್ರಿಯರಿಗೆ ನಿಜಕ್ಕೂ ಆಕರ್ಷಕವಾಗಿದೆ. ಹೊಸ ಚಕ್ರಗಳ ಗಾತ್ರ ಮತ್ತು ಹಿಂಭಾಗದಲ್ಲಿ ಸ್ವಲ್ಪ ಎತ್ತರದ ಸ್ಕ್ರಾಂಬ್ಲರ್ ಶೈಲಿಯ ಸೀಟು ಎದ್ದು ಕಾಣುತ್ತದೆ. ಹೊಸ ಎಲ್ಇಡಿ ಟರ್ನ್ ಸಿಗ್ನಲ್‌ಗಳು ಮತ್ತು ರೌಂಡ್ ಎಲ್ಇಡಿ ಹೆಡ್‌ಲೈಟ್ ಮತ್ತು ಟೇಲ್‌ಲೈಟ್‌ಗಳು ಆಧುನಿಕತೆಯ ಸ್ಪರ್ಶವನ್ನು ನೀಡುತ್ತವೆ. ಸೈಡ್ ಪ್ಯಾನೆಲ್‌ಗಳಲ್ಲಿರುವ ಸ್ಪರ್ಧೆಯ ನಂಬರ್ ಪ್ಲೇಟ್‌ಗಳು ಇದಕ್ಕೆ ಒಂದು ರೇಸಿಂಗ್ ಸ್ಪರ್ಶವನ್ನು ನೀಡುತ್ತವೆ ಮತ್ತು 184 ಎಂಎಂನ ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಎಂದರೆ ನೀವು ಯಾವುದೇ ರಸ್ತೆಯಲ್ಲಾದರೂ ಸುಲಭವಾಗಿ ಸಂಚರಿಸಬಹುದು.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಹೊಸ ಎಡಿಷನ್‌ ಬಿಡುಗಡೆ, ಬೆಲೆ ಮತ್ತು ವೈಶಿಷ್ಟ್ಯಗಳು
ರಾಯಲ್ ಎನ್ಫೀಲ್ಡ್ ಬೇರ್ 650 (Bear 650)ಬೈಕ್‌ನಲ್ಲಿನ ಒಂದು ಪ್ರಮುಖ ನವೀಕರಣವೆಂದರೆ ಅದರ ಇನ್ಸ್ಟ್ರುಮೆಂಟೇಶನ್. ಹಿಂದಿನ ಮಾದರಿಗಳಲ್ಲಿ ಬಳಸಲಾಗುತ್ತಿದ್ದ ಸರಳವಾದ ಡ್ಯುಯಲ್ ಪಾಡ್ ಇನ್ಸ್ಟ್ರುಮೆಂಟ್ ಕನ್ಸೋಲ್‌ಗೆ ಬದಲಾಗಿ, ಈ ಬೈಕ್‌ನಲ್ಲಿ ಗುರಿಲ್ಲಾ ಮತ್ತು ಹಿಮಾಲಯನ್ ಮಾಡೆಲ್‌ಗಳಿಂದ ಪಡೆದ ಅತ್ಯಾಧುನಿಕ 4.0-ಇಂಚಿನ ಸರ್ಕ್ಯುಲರ್ ಟಿಎಫ್‌ಟಿ ಡಿಸ್ಪ್ಲೇ ಅಳವಡಿಸಲಾಗಿದೆ. ಈ ಹೊಸ ಡಿಸ್ಪ್ಲೇ ಗೂಗಲ್ ಮ್ಯಾಪ್ಸ್‌ನಂತಹ ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ ವೈಶಿಷ್ಟ್ಯಗಳನ್ನು ಹೊಂದಿದೆ ಮತ್ತು ಹೊಸ ಸ್ವಿಚ್‌ಗಿಯರ್ ಮೂಲಕ ಕಾರ್ಯನಿರ್ವಹಿಸುತ್ತದೆ.
ಹ್ಯಾಂಡಲ್‌ಬಾರ್‌ನಲ್ಲಿರುವ ಯುಎಸ್‌ಬಿ ಟೈಪ್-ಸಿ ಚಾರ್ಜಿಂಗ್ ಪೋರ್ಟ್ ಮೊಬೈಲ್ ಫೋನ್‌ಗಳು ಅಥವಾ ಇತರ ಸಾಧನಗಳನ್ನು ಚಾರ್ಜ್ ಮಾಡಲು ಅನುಕೂಲಕರವಾಗಿದೆ. ರಾಯಲ್ ಎನ್ಫೀಲ್ಡ್ ಬಿಯರ್ 650 ಬೈಕಿನಲ್ಲಿ ಬ್ರಾಡ್ ವಾಕ್ ವೈಟ್, ಪೆಟ್ರೋಲ್ ಗ್ರೀನ್, ವೈಲ್ಡ್ ಹನಿ, ಗೋಲ್ಡನ್ ಷಾಡೋ ಮತ್ತು ಟೂ ಫೋರ್ ನೈನ್ ಎಂಬ ಐದು ಬಣ್ಣಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಗೆರಿಲ್ಲಾ450 ರೂ. 2.39 ಲಕ್ಷಕ್ಕೆ ಬಿಡುಗಡೆಯಾಗಿದೆ
ಹೊಸ ಬೇರ್ 650 ನ ಚಕ್ರಗಳ ಗಾತ್ರದಲ್ಲಿ ಗಮನಾರ್ಹ ಬದಲಾವಣೆ ಕಂಡುಬಂದಿದೆ. ಹಿಂದಿನ 18-ಇಂಚು/18-ಇಂಚು ಚಕ್ರಗಳ ಬದಲಿಗೆ, ಈಗ 19-ಇಂಚು ಮುಂಭಾಗದ ಚಕ್ರ ಮತ್ತು 17-ಇಂಚು ಹಿಂಭಾಗದ ಚಕ್ರವನ್ನು ಅಳವಡಿಸಲಾಗಿದೆ. ಈ ಬದಲಾವಣೆಯು ಬೈಕ್‌ಗೆ ಹೆಚ್ಚು ಆಧುನಿಕ ಸ್ಕ್ರ್ಯಾಂಬ್ಲರ್ ನೋಟವನ್ನು ನೀಡುತ್ತದೆ ಮತ್ತು ಹ್ಯಾಂಡ್ಲಿಂಗ್‌ನಲ್ಲಿ ಸುಧಾರಣೆ ಮಾಡುತ್ತದೆ. ಬ್ರೇಕಿಂಗ್ ವ್ಯವಸ್ಥೆಯನ್ನು ಸುಧಾರಿಸಲು, ಹಿಂಭಾಗದ ಡಿಸ್ಕ್ ಬ್ರೇಕ್‌ನ ಗಾತ್ರವನ್ನು 270 ಮಿಮಿಗೆ ಹೆಚ್ಚಿಸಲಾಗಿದೆ, ಆದರೆ ಮುಂಭಾಗದ ಡ್ಯುಯಲ್ 320 ಮಿಮೀ ಡಿಸ್ಕ್‌ಗಳು ಇಂಟರ್‌ಸೆಪ್ಟರ್‌ನಂತೆಯೇ ಇರುತ್ತವೆ. ಎಲ್ಲಾ ಮಾದರಿಗಳು ಡ್ಯುಯಲ್-ಚಾನೆಲ್ ABS ವ್ಯವಸ್ಥೆಯೊಂದಿಗೆ ಬರುತ್ತವೆ.
ಇದನ್ನೂ ಓದಿ: ಗೋಲ್ಡ್ ಸ್ಟಾರ್ 650 vs ಇಂಟರ್ಸೆಪ್ಟರ್ 650, ಯಾವುದು ಉತ್ತಮ?
ರಾಯಲ್ ಎನ್ಫೀಲ್ಡ್ ಬೇರ್ 650 ಎಂಜಿನ್
ರಾಯಲ್ ಎನ್ಫೀಲ್ಡ್ ಬೇರ್ 650 (Royal Enfield Bear 650) ಎಂಜಿನ್ ಅನ್ನು ಇತರ 650 ಸಿಸಿ ಮಾದರಿಗಳಿಂದ ಆಧರಿಸಿದ್ದರೂ, ಅದರಲ್ಲಿ ಕೆಲವು ಗಮನಾರ್ಹ ಬದಲಾವಣೆಗಳನ್ನು ಮಾಡಲಾಗಿದೆ. ಹಿಂದಿನ ಮಾದರಿಗಳ ಎರಡು ಎಕ್ಸಾಸ್ಟ್ ಪೈಪ್‌ಗಳಿಗೆ ಬದಲಾಗಿ, ಬೇರ್ 650 ಒಂದು ಟೂ-ಇನ್-ಒನ್ ಎಕ್ಸಾಸ್ಟ್ ಸಿಸ್ಟಮ್ ಅನ್ನು ಹೊಂದಿದೆ. ಈ ಎಂಜಿನ್ 5,150 ಆರ್‌ಪಿಎಂನಲ್ಲಿ 52 ಎನ್‌ಎಂ ಟಾರ್ಕ್ ಮತ್ತು 7,250 ಆರ್‌ಪಿಎಂನಲ್ಲಿ 47 ಬಿಎಚ್‌ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಹೊಸ ಎಂಜಿನ್ ವಿನ್ಯಾಸವು ಬೈಕ್‌ನ ಕಾರ್ಯಕ್ಷಮತೆಯನ್ನು ಹೆಚ್ಚಿಸುವುದರ ಜೊತೆಗೆ, ಇಂಧನ ದಕ್ಷತೆಯನ್ನು ಸುಧಾರಿಸುತ್ತದೆ. ಈ ಎಂಜಿನ್ ಇನ್ನೂ ಆರು-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.
