Renault Kiger, Kwid and Triber ನೈಟ್ & ಡೇ ಲಿಮಿಟೆಡ್ ಎಡಿಷನ್ ಕಾರುಗಳು ಡ್ಯುಯಲ್-ಟೋನ್ ಕಲರ್ ನೊಂದಿಗೆ ಕೇವಲ 1,600 ಯುನಿಟ್ಗಳಿಗೆ ಸೀಮಿತವಾಗಿದೆ.
ಪ್ರಸಿದ್ಧ ವಾಹನ ತಯಾರಕ ಕಂಪನಿಯಾದ ರೆನಾಲ್ಟ್ ಇಂಡಿಯಾ (Renault India) ಇತ್ತೀಚೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಜನಪ್ರಿಯ ಕಾರುಗಳಾದ ಕಿಗರ್, ಟ್ರೈಬರ್ ಮತ್ತು ಕ್ವಿಡ್‌ಗಳಿಗೆ (Kiger, Kwid and Triber) ವಿಶೇಷವಾದ ‘ನೈಟ್’ & ‘ಡೇ’ (Night & Day) ಎಂಬ ಹೊಸ ಎಡಿಷನ್ ಬಿಡುಗಡೆ ಮಾಡಿದೆ. ಈ ಸೀಮಿತ ಆವೃತ್ತಿಯ ಕಾರುಗಳು ಆಕರ್ಷಕವಾದ ಡ್ಯುಯಲ್-ಟೋನ್ ಬಣ್ಣಗಳು ಮತ್ತು ಹಲವಾರು ಹೊಸ ಆಧುನಿಕ ವೈಶಿಷ್ಟ್ಯಗಳೊಂದಿಗೆ ಗ್ರಾಹಕರನ್ನು ಸೆಳೆಯುವ ನಿರೀಕ್ಷೆಯಲ್ಲಿವೆ. ಈ ಹೊಸ ಆವೃತ್ತಿಗಳು ತಮ್ಮ ಸೊಗಸಾದ ವಿನ್ಯಾಸ ಮತ್ತು ಆಧುನಿಕ ತಂತ್ರಜ್ಞಾನದ ಸಂಯೋಜನೆಯೊಂದಿಗೆ ಗ್ರಾಹಕರನ್ನು ಮೆಚ್ಚಿಸುವ ನಿರೀಕ್ಷೆಯಲ್ಲಿವೆ. ಹಬ್ಬದ ಸಮಯದಲ್ಲಿ ಈ ವಿಶೇಷ ಆವೃತ್ತಿಗಳು ಕಂಪನಿಯ ಮಾರಾಟದಲ್ಲಿ ಗಣನೀಯ ಹೆಚ್ಚಳಕ್ಕೆ ಕಾರಣವಾಗಲಿವೆ ಎಂದು ಕಂಪನಿಯು ನಿರೀಕ್ಷಿಸುತ್ತಿದೆ.
ಮಿಸ್ಟರಿ ಬ್ಲ್ಯಾಕ್ ರೂಫ್ ಜೊತೆಗೆ ಡ್ಯುಯಲ್ ಟೋನ್ ಪಾರ್ಲ್ ವೈಟ್ ಬಾಡಿ ಬಣ್ಣದಲ್ಲಿ ಲಭ್ಯವಿರುವ ನೈಟ್ ಅಂಡ್ ಡೇ ಲಿಮಿಟೆಡ್ ಎಡಿಷನ್ ವಿಶೇಷ ಕಾರುಗಳು ತಮ್ಮ ಆಕರ್ಷಕ ಬಣ್ಣಗಳು ಮತ್ತು ಹೊಸ ವೈಶಿಷ್ಟ್ಯಗಳಿಂದ ಕಾರು ಪ್ರಿಯರನ್ನು ಸೆಳೆಯುತ್ತಿವೆ. ಈ ವಿಶೇಷ ಆವೃತ್ತಿಯ ಕಾರುಗಳು ಸ್ಟ್ಯಾಂಡರ್ಡ್ ಮಾದರಿಯ ಟಾಪ್ ಎಂಡ್ ವರ್ಷನ್‌ಗಿಂತ ಕೇವಲ 15,000 ರಿಂದ 20,000 ರೂಪಾಯಿ ಹೆಚ್ಚು ಬೆಲೆಯಲ್ಲಿ ಲಭ್ಯವಿದ್ದು, ಕೇವಲ 1,600 ಯುನಿಟ್ ಗಳು ಮಾತ್ರ ಮಾರುಕಟ್ಟೆಯಲ್ಲಿ ಲಭ್ಯವಿರುವುದು ಇದರ ವಿಶೇಷತೆ. ಕ್ವಿಡ್ ಮಾದರಿಯು ಎಕ್ಸ್ ಶೋರೂಂ ಬೆಲೆ 5 ಲಕ್ಷ ರೂಪಾಯಿಯಿಂದ, ಕೈಗರ್ ಮಾದರಿಯು 6.75 ಲಕ್ಷ ರೂಪಾಯಿಯಿಂದ ಮತ್ತು ಟ್ರೈಬರ್ ಮಾದರಿಯು 7 ಲಕ್ಷ ರೂಪಾಯಿಯಿಂದ ಆರಂಭವಾಗುತ್ತದೆ.
ಇದನ್ನೂ ಓದಿ: ಆಕರ್ಷಕ ವೈಶಿಷ್ಟ್ಯಗಳೊಂದಿಗೆ ಹ್ಯುಂಡೈ ವೆನ್ಯೂ ಅಡ್ವೆಂಚರ್ ಎಡಿಷನ್ ಬಿಡುಗಡೆ
ರೆನಾಲ್ಟ್ ಕೈಗರ್, ಕ್ವಿಡ್ ಮತ್ತು ಟ್ರೈಬರ್ ನೈಟ್ & ಡೇ ಎಡಿಷನ್ ವೈಶಿಷ್ಟ್ಯಗಳು
ವಾಹನಗಳ ಕಾಸ್ಮೆಟಿಕ್ ಅಲಂಕಾರಗಳಲ್ಲಿ ಪಿಯಾನೋ ಬ್ಲ್ಯಾಕ್ ವೀಲ್ ಕವರ್‌ಗಳು, ಪಿಯಾನೋ ಬ್ಲ್ಯಾಕ್ ಗ್ರಿಲ್ ಇನ್ಸರ್ಟ್‌ಗಳು, ಪಿಯಾನೋ ಬ್ಲ್ಯಾಕ್ ನೇಮ್‌ಪ್ಲೇಟ್, ಕೈಗರ್ ಮತ್ತು ಟ್ರೈಬರ್‌ನಲ್ಲಿ ಪಿಯಾನೋ ಬ್ಲ್ಯಾಕ್ ORVM ಗಳು, ಹಾಗೆಯೇ ಕೈಗರ್‌ನಲ್ಲಿ ಪಿಯಾನೋ ಬ್ಲ್ಯಾಕ್ ಟೇಲ್ಗೇಟ್ ಗಾರ್ನಿಶ್ ಸೇರಿವೆ. ಒಟ್ಟಾರೆಯಾಗಿ, ಈ ವಿಶೇಷ ಆವೃತ್ತಿಯ ವಿನ್ಯಾಸವು ಎಲ್ಲರನ್ನೂ ಆಕರ್ಷಿಸುತ್ತದೆ.
ಕಿಗರ್ ಮತ್ತು ಟ್ರೈಬರ್‌ನಲ್ಲಿ ಇರುವ ವೈಶಿಷ್ಟ್ಯಗಳ ಕುರಿತು ಮಾತನಾಡುವುದಾದರೆ, ಇವುಗಳಲ್ಲಿ 9 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೈರ್‌ಲೆಸ್ ಸ್ಮಾರ್ಟ್‌ಫೋನ್ ರೆಪ್ಲಿಕೇಶನ್, ಮತ್ತು ಹಿಂಭಾಗದ ದೃಶ್ಯವನ್ನು ನೀಡುವ ರಿಯರ್-ವ್ಯೂ ಕ್ಯಾಮೆರಾ ಸೇರಿದಂತೆ ಇತ್ತೀಚಿನ ತಂತ್ರಜ್ಞಾನವಿದೆ. ಇದಲ್ಲದೆ, ರೆನಾಲ್ಟ್ ಟ್ರೈಬರ್ ನೈಟ್ ಮತ್ತು ಡೇ ಆವೃತ್ತಿಯಲ್ಲಿ ಹೆಚ್ಚುವರಿಯಾಗಿ ಹಿಂಭಾಗದ ಪವರ್ ವಿಂಡೋಗಳ ಸೌಲಭ್ಯ ಕೂಡ ಲಭ್ಯವಿದೆ.
ಇದನ್ನೂ ಓದಿ: ಕೈಗೆಟುಕುವ ಬೆಲೆಯಲ್ಲಿ ಹೋಂಡಾ ಎಲಿವೇಟ್ ಅಪೆಕ್ಸ್ ಎಡಿಷನ್ ಬಿಡುಗಡೆ
ರೆನಾಲ್ಟ್ ಕೈಗರ್, ಕ್ವಿಡ್ ಮತ್ತು ಟ್ರೈಬರ್ ನೈಟ್ & ಡೇ ಎಡಿಷನ್: ಪವರ್‌ಟ್ರೇನ್
ಈ ವಿಶೇಷ ಆವೃತ್ತಿಗಳಲ್ಲಿ ಕಾರುಗಳ ಎಂಜಿನ್‌ಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಅಂದರೆ, ಈ ಹಿಂದೆ ಯಾವ ಎಂಜಿನ್ ಇತ್ತು ಅದೇ ಇದೆ. ಉದಾಹರಣೆಗೆ, ಕ್ವಿಡ್ (Kwid) ಕಾರಿನಲ್ಲಿ 68 ಹಾರ್ಸ್‌ಪವರ್ ಶಕ್ತಿಯನ್ನು ನೀಡುವ 1.0 ಲೀಟರ್ ಪೆಟ್ರೋಲ್ ಎಂಜಿನ್ ಇದ್ದರೆ, ಟ್ರೈಬರ್ (Triber) ಕಾರಿನಲ್ಲಿ 72 ಹಾರ್ಸ್‌ಪವರ್ ಶಕ್ತಿಯನ್ನು ನೀಡುವ 1.0 ಲೀಟರ್ ಪೆಟ್ರೋಲ್ ಎಂಜಿನ್ ಇದೆ. ಹಾಗೆಯೇ, ಕೈಗರ್ (Kiger) ಕಾರಿನಲ್ಲಿ ಈ ಹಿಂದಿನಂತೆಯೇ 72 ಹಾರ್ಸ್‌ಪವರ್ ಶಕ್ತಿಯನ್ನು ನೀಡುವ 1.0 ಲೀಟರ್ ಪೆಟ್ರೋಲ್ ಎಂಜಿನ್ ಮತ್ತು 100 ಹಾರ್ಸ್‌ಪವರ್ ಶಕ್ತಿಯನ್ನು ನೀಡುವ 1.0 ಲೀಟರ್ ಟರ್ಬೋ ಪೆಟ್ರೋಲ್ ಎಂಜಿನ್ ಎಂಬ ಎರಡು ಆಯ್ಕೆಗಳು ಇವೆ.
