ಯಮಹಾ ಆರ್15ಎಂ ಕಾರ್ಬನ್ ಫೈಬರ್ ಎಡಿಷನ್ ಹೊಸ ಕಾರ್ಬನ್ ಫೈಬರ್ ವಿನ್ಯಾಸವನ್ನು ಹೊಂದಿದೆ. ಕಾರ್ಬನ್ ಫೈಬರ್ ಮಾದರಿಯು 2,08,300 ರೂಗಳಿಗೆ ಮತ್ತು ಮೆಟಾಲಿಕ್ ಗ್ರೇ ಮಾದರಿಯು 1,98,300 ರೂಗಳಿಗೆ ಲಭ್ಯವಿದೆ
ದ್ವಿಚಕ್ರ ವಾಹನಗಳ ಪ್ರಿಯರ ಹೃದಯ ಗೆದ್ದಿರುವ ಯಮಹಾ ಮೋಟಾರ್ ಇಂಡಿಯಾ(Yamaha Motor India) ಕಂಪನಿಯು ತನ್ನ ಜನಪ್ರಿಯ Yamaha R15M ಬೈಕ್‌ಗೆ ಕಾರ್ಬನ್ ಫೈಬರ್ ವಿನ್ಯಾಸದೊಂದಿಗೆ ಹೊಸ ಆಯಾಮವನ್ನು ನೀಡಿದೆ. ಈ ವಿಶೇಷ ಆವೃತ್ತಿಯು ಕಾರ್ಬನ್ ಫೈಬರ್‌ನಿಂದ ತಯಾರಿಸಲ್ಪಟ್ಟ ಅತ್ಯಾಧುನಿಕ R1M ಬೈಕ್‌ನ ವಿನ್ಯಾಸದಿಂದ ಪ್ರೇರಿತವಾಗಿದೆ. ದೆಹಲಿಯ ಎಕ್ಸ್‌ಶೋರೂಂನಲ್ಲಿ ಈ ಯಮಹಾ R15M ಕಾರ್ಬನ್ ಫೈಬರ್ ಎಡಿಷನ್ (Yamaha R15M Carbon Fibre Edition) ಬೈಕ್‌ನ ಬೆಲೆ ರೂ. 2.08 ಲಕ್ಷ ನಿಗದಿಯಾಗಿದ್ದು, ಈ ವರ್ಷದ ಆರಂಭದಲ್ಲಿ ನಡೆದ ಭಾರತ್ ಮೊಬಿಲಿಟಿ ಎಕ್ಸ್‌ಪೋದಲ್ಲಿ ಇದನ್ನು ಪ್ರದರ್ಶಿಸಲಾಗಿತ್ತು. ಮತ್ತು ಇದರ ಜೊತೆಗೆ ಮೆಟಾಲಿಕ್ ಗ್ರೇ ಮಾದರಿಯು 1,98,300 ರೂಗಳಿಗೆ ಲಭ್ಯವಿದೆ.
ಯಮಹಾ R15M ಕಾರ್ಬನ್ ಫೈಬರ್ ಮಾದರಿಯು ಹಳೆಯ R1M ಬೈಕ್‌ನ ಕಾರ್ಬನ್ ಬಾಡಿವರ್ಕ್‌ನಿಂದ ಪ್ರೇರಿತವಾದ ನವೀನ ಗ್ರಾಫಿಕ್ಸ್‌ಗಳನ್ನು ಅಳವಡಿಸಿಕೊಂಡಿದೆ. ಈ ಮಾದರಿಯ ವಿಶಿಷ್ಟ ವಿನ್ಯಾಸವು ಮುಂಭಾಗದ ಕೌಲ್, ಸೈಡ್ ಫೇರಿಂಗ್ ಮತ್ತು ಹಿಂಭಾಗದ ಸೈಡ್ ಪ್ಯಾನೆಲ್‌ಗಳಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ. ಕಪ್ಪು ಬಣ್ಣದ ಫೆಂಡರ್‌ನ ಸೇರ್ಪಡೆಯು ಈ ಬೈಕ್‌ನ ಸ್ಪೋರ್ಟಿ ಮನೋಭಾವವನ್ನು ಇನ್ನಷ್ಟು ಹೆಚ್ಚಿಸಿದೆ.
ಈ ಹೊಸ ಮಾದರಿಯಲ್ಲಿ ಇಂಧನ ಟ್ಯಾಂಕ್‌ನ ಮೇಲೆ ಹೊಸ ರೀತಿಯ ಡಿಕಾಲ್‌ಗಳನ್ನು ಅಳವಡಿಸಲಾಗಿದೆ. ಹಾಗೆಯೇ, ಮುಂಭಾಗ ಮತ್ತು ಹಿಂಭಾಗದ ಚಕ್ರಗಳು ವಿಶಿಷ್ಟವಾದ ನೀಲಿ ಬಣ್ಣದಲ್ಲಿರುತ್ತವೆ. ಬದಿಯ ಭಾಗದ ಫೇರಿಂಗ್‌ಗೆ ಹೊಸ ವಿನ್ಯಾಸವನ್ನು ನೀಡಲಾಗಿದ್ದು, ಇದು ಬೈಕ್‌ಗೆ ಒಂದು ವಿಶಿಷ್ಟವಾದ ನೋಟವನ್ನು ನೀಡುತ್ತದೆ. ಅಷ್ಟೇ ಅಲ್ಲ, ಈ ಬೈಕ್‌ನಲ್ಲಿ ಕಾರ್ಬನ್ ಫೈಬರ್ ಪ್ಯಾಟರ್ನ್ ಅನ್ನು ವಾಟರ್ ಡಿಪ್ಪಿಂಗ್ ತಂತ್ರಜ್ಞಾನವನ್ನು ಬಳಸಿ ಸೃಷ್ಟಿಸಲಾಗಿದೆ, ಇದು ಬೈಕ್‌ಗೆ ಹೆಚ್ಚಿನ ಪ್ರೀಮಿಯಂ ನೋಟವನ್ನು ನೀಡುತ್ತದೆ.
ಇದನ್ನೂ ಓದಿ: ಕವಾಸಕಿ ನಿಂಜಾ ZX-4RR ಬೈಕ್ ರೂ 9.10 ಲಕ್ಷಕ್ಕೆ ಬಿಡುಗಡೆ
ಯಮಹಾ ಆರ್15ಎಂ ಫೀಚರ್ಸ್ ಗಳು
ಯಮಹಾ ಆರ್15ಎಂ ಕಾರ್ಬನ್ ಎಡಿಷನ್‌ಗೆ (Yamaha R15M Carbon Edition) ಹೊಸ ಅಪ್‌ಡೇಟ್‌ಗಳು ಬಂದಿವೆ. ಇದರಲ್ಲಿ ಹೊಸ ಕಲರ್ ಟಿಎಫ್‌ಟಿ ಡ್ಯಾಶ್, ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಮತ್ತು ಮ್ಯೂಸಿಕ್ ಮತ್ತು ವಾಲ್ಯೂಮ್ ಕಂಟ್ರೋಲ್‌ಗಳು ಒಳಗೊಂಡಿವೆ. ಈ ಫೀಚರ್‌ಗಳನ್ನು ನೀವು ವೈ-ಕನೆಕ್ಟ್ ಆ್ಯಪ್ ಮೂಲಕ ನಿರ್ವಹಿಸಬಹುದು. ವೈ-ಕನೆಕ್ಟ್ ಆ್ಯಪ್ ಅನ್ನು ಆಂಡ್ರಾಯ್ಡ್‌ಗಾಗಿ ಪ್ಲೇ ಸ್ಟೋರ್‌ನಿಂದಲೂ, iOS ಗಾಗಿ ಆ್ಯಪ್ ಸ್ಟೋರ್‌ನಿಂದಲೂ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಇದು ನಿಮ್ಮ ಮೋಟರ್‌ಸೈಕಲ್‌ಗೆ ಸುಲಭವಾಗಿ ಲಿಂಕ್ ಆಗುವಂತೆ ಮಾಡುತ್ತದೆ. ಹೆಚ್ಚುವರಿಯಾಗಿ, ಈ ಮಾಡೆಲ್ ಅಪ್‌ಗ್ರೇಡ್ ಮಾಡಿದ ಸ್ವಿಚ್‌ಗಿಯರ್ ಮತ್ತು ಹೊಸ ಎಲ್ಇಡಿ ನಂಬರ್ ಪ್ಲೇಟ್ ಲೈಟ್‌ನೊಂದಿಗೆ ಬರುತ್ತದೆ. ಈ ಹೊಸ ಬದಲಾವಣೆಗಳು ಇತ್ತೀಚಿನ ಕಾರ್ಬನ್ ಫೈಬರ್ ಪ್ಯಾಟರ್ನ್ ಆವೃತ್ತಿ ಮತ್ತು ಪ್ರಸ್ತುತ ಮೆಟಾಲಿಕ್ ಗ್ರೇ ಆವೃತ್ತಿ ಎರಡರಲ್ಲೂ ಕಾಣಬಹುದು.
ಹೊಸ ಬೈಕಿನಲ್ಲಿ 37 ಮಿಮೀ ಅಪ್ಸೈಡ್-ಡೌನ್ ಮುಂಭಾಗದ ಫೋರ್ಕ್‌ಗಳು ಮತ್ತು ಹಿಂಭಾಗದ ಮೋನೋ-ಶಾಕ್ ಅನ್ನು ಹೊಂದಿದೆ. ಬ್ರೇಕಿಂಗ್‌ಗಾಗಿ ಮುಂಭಾಗದಲ್ಲಿ 282 ಮಿಮೀ ಒಂದೇ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 220 ಮಿಮೀ ಒಂದೇ ರೋಟರ್ ಇದೆ. 141 ಕೆಜಿ ತೂಕದ ಈ ಬೈಕು 100/80-ಸೆಕ್ಷನ್ ಮುಂಭಾಗ ಮತ್ತು 140/70-ಸೆಕ್ಷನ್ ಹಿಂಭಾಗದ ಟೈರ್‌ಗಳೊಂದಿಗೆ 17-ಇಂಚಿನ ಅಲೋಯ್ ಚಕ್ರಗಳನ್ನು ಹೊಂದಿದೆ. ಈ ಬೈಕಿನ ಕೆಲವು ಇತರ ವೈಶಿಷ್ಟ್ಯಗಳೆಂದರೆ ಅದು 815 ಮಿಮೀ ಸೀಟ್ ಎತ್ತರ ಮತ್ತು 170 ಮಿಮೀ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ.
ಇದನ್ನೂ ಓದಿ: ಟ್ರಯಂಫ್ ಡೇಟೋನಾ 660 ಭಾರತದಲ್ಲಿ ಬಿಡುಗಡೆ, ಬೆಲೆ ಮತ್ತು ವಿಶೇಷತೆಗಳು
Yamaha R15M ಎಂಜಿನ್
ಈ ಬೈಕಿನಲ್ಲಿ ಯಾವುದೇ ಮೆಕ್ಯಾನಿಕಲ್ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಇದು ಇನ್ನೂ 155 cc ಸಿಂಗಲ್-ಸಿಲಿಂಡರ್ ಲಿಕ್ವಿಡ್-ಕೂಲ್ಡ್ ಫ್ಯೂಯಲ್-ಇಂಜೆಕ್ಟೆಡ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 7,500 ಆರ್ಪಿಎಂನಲ್ಲಿ 14.2 ಎನ್ಎಂ ಟಾರ್ಕ್ ಮತ್ತು 10,000 ಆರ್ಪಿಎಂನಲ್ಲಿ 18.10 ಬಿಹೆಚ್ಪಿ ಪವರ್ ಉತ್ಪಾದಿಸುತ್ತದೆ. ಈ ಬೈಕ್ ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್ನೊಂದಿಗೆ 6-ಸ್ಪೀಡ್ ಗೇರ್ಬಾಕ್ಸ್ ಅನ್ನು ಹೊಂದಿದ್ದು, ಕ್ವಿಕ್ ಶಿಫ್ಟರ್ ಅನ್ನು ಸಹ ಹೊಂದಿದೆ. ಹೆಚ್ಚುವರಿಯಾಗಿ, ಯಮಹಾ ಟ್ರಾಕ್ಷನ್ ಕಂಟ್ರೋಲ್ ಮತ್ತು ವಿವಿಎ ಅನ್ನು ಒಳಗೊಂಡಿದೆ, ಇದು 7,400 ಆರ್ಪಿಎಂನಲ್ಲಿ ಆಕ್ಟಿವ್ ಆಗುತ್ತದೆ.
