ಮೂರನೇ ತಲೆಮಾರಿನ ಮಿನಿ ಕಂಟ್ರಿಮನ್ ಇ ಮೊದಲ ಬಾರಿಗೆ ಭಾರತದಲ್ಲಿ ಎಲೆಕ್ಟ್ರಿಕ್ ಎಸ್‌ಯುವಿ ಆಗಿ ಪರಿಚಯಿಸಲಾಗಿದೆ.
ಮಿನಿ ಇತ್ತೀಚೆಗೆ ಭಾರತದಲ್ಲಿ ಮೂರನೇ ತಲೆಮಾರಿನ ಮಿನಿ ಕಂಟ್ರಿಮನ್ ಎಲೆಕ್ಟ್ರಿಕ್(Mini Countryman Electric) ಅನ್ನು 54.90 ಲಕ್ಷ ರೂಪಾಯಿಗಳ ಆರಂಭಿಕ ಬೆಲೆಯಲ್ಲಿ ಪರಿಚಯಿಸಿದೆ (ಎಕ್ಸ್-ಶೋರೂಂ). ಹೊಸ ಕಂಟ್ರಿಮನ್ ವಿಶ್ವದಾದ್ಯಂತ ICE ಮತ್ತು EV ರೂಪಾಂತರಗಳಲ್ಲಿ ಬರುತ್ತದೆಯಾದರೂ, ಭಾರತದಲ್ಲಿ ಪ್ರಸ್ತುತ ಎಲೆಕ್ಟ್ರಿಕ್ ಆವೃತ್ತಿಯನ್ನು ಮಾತ್ರ ನೀಡಲಾಗುತ್ತಿದೆ. ಕಂಟ್ರಿಮನ್ ಎಲೆಕ್ಟ್ರಿಕ್ ಮತ್ತು BMW iX1 ಒಂದೇ ಬೇಸ್‌ನಲ್ಲಿ ನಿರ್ಮಿಸಲ್ಪಟ್ಟಿವೆ ಎಂಬುದು ಆಕರ್ಷಕವಾಗಿದೆ. ಎರಡೂ ಕಾರುಗಳು ಭಾರತೀಯ ಮಾರುಕಟ್ಟೆಯಲ್ಲಿ ನೇರವಾಗಿ ಪೈಪೋಟಿ ನಡೆಸುತ್ತಿವೆ
ಮಿನಿ ಕಂಟ್ರಿಮನ್ ಎಲೆಕ್ಟ್ರಿಕ್ ಎಕ್ಸ್ಟೀರಿಯರ್‌
ಹೊಸ Mini Countryman Electric ಹಿಂದಿನ ಮಾದರಿಯೊಂದಿಗೆ ಹೋಲಿಸಿದರೆ ಹಲವು ಗಮನಾರ್ಹ ಬದಲಾವಣೆಗಳಾಗಿವೆ. ಹೊಸ ಕೂಪರ್ ಎಸ್ ನೊಂದಿಗೆ ಹೋಲಿಕೆಗಳನ್ನು ಹಂಚಿಕೊಳ್ಳುತ್ತದೆ, ಹಿಂದಿನ ಮಾದರಿಗಿಂತ ಹಲವು ರೀತಿಯಲ್ಲಿ ಉತ್ತಮವಾಗಿದೆ. ಒಂದು ಪ್ರಮುಖ ಬದಲಾವಣೆ ಎಂದರೆ ಇದರ ದೊಡ್ಡ ಗಾತ್ರ, ಇದು ಹಳೆಯ ಆವೃತ್ತಿಯಿಗಿಂತ 60mm ಎತ್ತರ ಮತ್ತು 130mm ಉದ್ದವಾಗಿದೆ.
ಈ ಕಾರಿನ ನವೀಕರಿತ ವಿನ್ಯಾಸವು ಕೂಪರ್ ಎಸ್ ನೊಂದಿಗೆ ಕೆಲವು ವೈಶಿಷ್ಟ್ಯಗಳನ್ನು ಹೊಂದಿದೆ, ಉದಾಹರಣೆಗೆ ಆಕ್ಟಾಗನಲ್‌ ಫ್ರೊಂಟ್ ಗ್ರಿಲ್, ಹೊಸ ಹೆಡ್‌ಲೈಟ್‌ಗಳು ಮತ್ತು ಟೈಲ್‌ಲೈಟ್‌ಗಳು. ಬಂಪರ್‌ಗಳಲ್ಲಿ ಹೆಚ್ಚು ಕಪ್ಪು ಪ್ಲಾಸ್ಟಿಕ್ ಬಳಕೆಯಾಗಿದೆ ಮತ್ತು ಕಂಟ್ರಾಸ್ಟ್ ಟ್ರಿಮ್‌ಗಳೊಂದಿಗೆ ಇದೆ, ಮತ್ತು ಕಾರಿನ ಉದ್ದಕ್ಕೂ ಮತ್ತು ವೀಲ್ ಆರ್ಚ್‌ಗಳ ಮೇಲೆ ಒಂದು ಗಮನಾರ್ಹವಾದ ಕ್ಯಾರೆಕ್ಟರ್ ಲೈನ್ ಇದೆ. ಹಾಗೂ ಈ ಕಾರು ಮೆಚ್ಚುಗೆ ಪಡೆಯುವುದು ಸಿ-ಪಿಲ್ಲರ್ ವಿನ್ಯಾಸ ಮತ್ತು ಡುಯಲ್-ಟೋನ್ ಪೇಂಟ್ ಮತ್ತು ಫ್ಲಶ್ ಡೋರ್ ಹ್ಯಾಂಡಲ್‌ಗಳಿಂದಾಗಿ. ಈ ಕಾರಿನ ವೀಲ್ 17 ರಿಂದ 19 ಇಂಚುಗಳವರೆಗೆ ಬೇರೆ ಬೇರೆ ಸೈಜ್ ಗಳಲ್ಲಿ ಬರುತ್ತವೆ. ಇದು ನೀವು ಆಯ್ಕೆ ಮಾಡುವ ಪ್ಯಾಕೇಜ್ ಅನ್ನು ಅವಲಂಬಿಸಿರುತ್ತದೆ.
Mini Countryman Electric ಇಂಟೀರಯರ್‌ ಮತ್ತು ವೈಶಿಷ್ಟ್ಯಗಳು
ಮೂರನೇ ತಲೆಮಾರಿನ ಮಿನಿ ಕಂಟ್ರಿಮನ್ ವಿಶಾಲವಾದ ಒಳಾಂಗಣವನ್ನು ಹೊಂದಿದ್ದು, ಡ್ಯಾಶ್‌ಬೋರ್ಡ್‌ನ ಮಧ್ಯದಲ್ಲಿ ದೊಡ್ಡ 9.5 ಇಂಚಿನ ರೌಂಡ್ ಶೇಪಿನ ಟಚ್‌ಸ್ಕ್ರೀನ್ ಇನ್ಫೋಟೇನ್ಮೆಂಟ್ ಸಿಸ್ಟಮ್ ಇದೆ. ಸಾಮಾನ್ಯ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಹೆಡ್-ಅಪ್ ಡಿಸ್ಪ್ಲೇಗೆ ಬದಲಾಯಿಸುವುದರಿಂದ ಕಂಟ್ರಿಮನ್ ತುಂಬಾ ಅದ್ಭುತವಾಗಿದೆ. ನಿಮಗೆ ಅಲ್ಲಿ ಫೋನ್ ಚಾರ್ಜರ್, ಆಪಲ್ ಕಾರ್ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ ಕೂಡ ಸಿಗುತ್ತದೆ, ಮತ್ತು ಫ್ಯಾನ್ಸಿ ಹಾರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್ ಹೊಂದಿದೆ.
ಅದರ ಜೊತೆಗೆ, ಈ Mini Countryman Electric ಕಾರಿನಲ್ಲಿ ದೊಡ್ಡ ಸನ್‌ರೂಫ್ ಇದೆ ಅದು ನಿಮಗೆ ಹೊರಗಿನ ಸಂಪೂರ್ಣ ನೋಟವನ್ನು ನೀಡುತ್ತದೆ, ನಿಮ್ಮ ಸೌಕರ್ಯಕ್ಕಾಗಿ ನೀವು ಎಲೆಕ್ಟ್ರಾನಿಕ್ ರೀತಿಯಲ್ಲಿ ಹೊಂದಿಸಬಹುದಾದ ಸೀಟುಗಳು ಮತ್ತು ನಿಮ್ಮ ಡ್ರೈವಿಂಗ್ ಅನುಭವವನ್ನು ಹೆಚ್ಚಿಸಲು ಸೌಮ್ಯವಾದ ಅಂಬಿಯೆಂಟ್ ಬೆಳಕು. ಇದಲ್ಲದೆ, ಒಳಗೆ ವಿವಿಧ ಫ್ಯಾಬ್ರಿಕ್ಸ್ ಗಳನ್ನು ಬಳಸಲಾಗಿದೆ, ಇವುಗಳು ಕಾರಿನ ಒಳಗಿನ ಅಂದವನ್ನು ಹೆಚ್ಚಿಸುತ್ತವೆ.
ಸುರಕ್ಷತೆ ವಿಚಾರಕ್ಕೆ ಬಂದಾಗ, ಈ ಕಾರು ನಿಮ್ಮನ್ನ ರಕ್ಷಿಸಲು ಸಿದ್ದವಾಗಿದೆ, ಬ್ರೇಕ್ ಅಸಿಸ್ಟ್, ಸ್ಟೆಬಿಲಿಟಿ ಕಂಟ್ರೋಲ್, ಕ್ರ್ಯಾಶ್ ಸೆನ್ಸರ್, ಆಂಟಿ-ಲಾಕ್ ಬ್ರೇಕ್ಸ್, ಕಾರ್ನರಿಂಗ್ ಬ್ರೇಕ್ ಕಂಟ್ರೋಲ್, ರಿಯರ್ ವ್ಯೂ ಕ್ಯಾಮೆರಾ, ಟೈರ್ ಪ್ರೆಶರ್ ಮಾನಿಟರ್ ಅಂತಹ ಸುರಕ್ಷತಾ ವೈಶೇಷ್ಯತೆಗಳನ್ನ ಹೊಂದಿದೆ. ಅಷ್ಟೇ ಅಲ್ಲ, ಮಿನಿ ಇನ್ನೊಂದು ಸ್ಟೆಪ್ ಮುಂದೆ ಹೋಗಿ, ಲೆವೆಲ್ 2 ಎಡಿಎಸ್ ಅನ್ನೂ ಕೊಟ್ಟಿದೆ. ಹೌದು, ನೀವು ಗಂಟೆಗೆ 60 ಕಿಮೀ ವೇಗದವರೆಗೆ ಕಾರು ಸ್ವಯಂ ಚಾಲನೆ ಮಾಡುವುದನ್ನು ನೋಡಬಹುದು.
ಮಿನಿ ಕೂಪರ್ ಎಸ್ ಪವರ್‌ ಟ್ರೈನ್
ಮಿನಿ ಕಂಟ್ರಿಮ್ಯಾನ್ ಎಲೆಕ್ಟ್ರಿಕ್(Mini Countryman Electric) ಒಂದೇ ಮೋಟಾರು ಶಕ್ತಿಯಿಂದ ಚಲಿಸುತ್ತದೆ, ಇದು 201 ಬಿಹೆಚ್‌ಪಿ ಶಕ್ತಿ ಮತ್ತು 250 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು ಕೇವಲ 8.6 ಸೆಕೆಂಡುಗಳಲ್ಲಿ 0 ರಿಂದ 100 ಕಿಮೀ/ಗಂಟೆ ವೇಗವನ್ನು ತಲುಪುತ್ತದೆ. ಈ ಕಾರಿನಲ್ಲಿ 66.45 ಕೆಡಬ್ಲ್ಯೂಹೆಚ್ ಬ್ಯಾಟರಿ ಪ್ಯಾಕ್ ಇದೆ, ಇದು ಒಂದು ಬಾರಿ ಚಾರ್ಜ್ ಮಾಡಿದರೆ 462 ಕಿಮೀ ವರೆಗೆ ಸಾಗಬಹುದು.
ನೀವು ಇದರ ಬ್ಯಾಟರಿಯನ್ನು 130 ಕಿಲೋವ್ಯಾಟ್ ವರೆಗಿನ ವೇಗದಲ್ಲಿ ತ್ವರಿತವಾಗಿ ಚಾರ್ಜ್ ಮಾಡಬಹುದು. ಇದರರ್ಥ ನೀವು ಅರ್ಧ ಗಂಟೆಗಿಂತ ಕಡಿಮೆ ಸಮಯದಲ್ಲಿ ಬ್ಯಾಟರಿಗಳನ್ನು 10 ರಿಂದ 80 ಪ್ರತಿಶತಕ್ಕೆ ತುಂಬಿಸಬಹುದು, ನೀವು 22 ಕಿಲೋವ್ಯಾಟ್ ಎಸಿ ಚಾರ್ಜರ್ ಬಳಸಿದರೆ, ಬ್ಯಾಟರಿಯನ್ನು 0 ರಿಂದ 100 ಪ್ರತಿಶತಕ್ಕೆ 3 ಗಂಟೆ 45 ನಿಮಿಷಗಳಲ್ಲಿ ಚಾರ್ಜ್ ಮಾಡಬಹುದು.
ಇದನ್ನೂ ಓದಿ: ಮಿನಿ ಕೂಪರ್ ಎಸ್ 3-ಡೋರ್ ಕಾರು ರೂ. 44.90 ಲಕ್ಷಕ್ಕೆ ಬಿಡುಗಡೆಯಾಗಿದೆ
