ಮಸೆರಾಟಿ ಗ್ರ್ಯಾನ್‌ ಟ್ಯುರಿಸ್ಮೊ ಮೊಡೆನಾ ಮತ್ತು ಟ್ರೋಫಿಯೊ ಎಂಬ ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ
ಐಷಾರಾಮಿ ಕಾರು ತಯಾರಕ ಮಾಸೆರಾಟಿ ತನ್ನ ಜನಪ್ರಿಯ ಗ್ರ್ಯಾನ್‌ಟುರಿಸ್ಮೊ(Maserati GranTurismo) ಮಾದರಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಗ್ರಾಹಕರು ಮೊಡೆನಾ(Modena) ಮತ್ತು ಟ್ರೋಫಿಯೊ(Trofeo) ಎಂಬ ಎರಡು ಪೆಟ್ರೋಲ್ ಆಯ್ಕೆಗಳಿಂದ ಆರಿಸಿಕೊಳ್ಳಬಹುದು. ಮೊಡೆನಾ ಮಾದರಿಯ ಬೆಲೆ 2.72 ಕೋಟಿ ರೂಪಾಯಿ ಮತ್ತು ಟ್ರೋಫಿಯೊ ಮಾದರಿಯ ಬೆಲೆ 2.90 ಕೋಟಿ ರೂಪಾಯಿ (ಎಕ್ಸ್-ಶೋರೂಂ) ಆಗಿದೆ. ಜಾಗತಿಕ ಮಟ್ಟದಲ್ಲಿ, ಮಾಸೆರಾಟಿ ಗ್ರ್ಯಾನ್‌ಟುರಿಸ್ಮೊ ಫೋಲ್ಗೋರ್(Folgore ) ಎಂಬ ಎಲೆಕ್ಟ್ರಿಕ್ ಆವೃತ್ತಿಯನ್ನೂ ನೀಡುತ್ತಿದೆ. ಆದರೆ ಭಾರತೀಯ ಗ್ರಾಹಕರು ಈ ಮಾದರಿಯನ್ನು ಮುಂದಿನ ವರ್ಷದವರೆಗೆ ಕಾಯಬೇಕಾಗಿದೆ.
ಮಸೆರಾಟಿ ಗ್ರ್ಯಾನ್‌ ಟ್ಯುರಿಸ್ಮೊ: ಇಂಟೀರಿಯರ್, ಎಕ್ಸ್ಟೀರಿಯರ್ ಮತ್ತು ವೈಶಿಷ್ಟ್ಯಗಳು
ಗ್ರ್ಯಾನ್‌ಟುರಿಸ್ಮೊದ ವಿಶಿಷ್ಟ ನೋಟವು ಎಲ್-ಆಕಾರದ ಎಲ್ಇಡಿ ಡೇಟೈಮ್ ರನ್ನಿಂಗ್ ಲ್ಯಾಂಪ್‌ಗಳೊಂದಿಗೆ ಸಜ್ಜಿತವಾದ ಲಂಬ ಹೆಡ್‌ಲ್ಯಾಂಪ್‌ಗಳಿಂದ ಇನ್ನಷ್ಟು ಹೊಳೆಯುತ್ತದೆ. ಮುಂಭಾಗದಲ್ಲಿರುವ ತ್ರಿಶೂಲದ ಲಾಂಛನವು ಮಾಸೆರೋಟಿಯ ಸಾಂಪ್ರದಾಯಿಕ ಗ್ರಿಲ್‌ನಲ್ಲಿ ಹೆಮ್ಮೆಯಿಂದ ಕಂಗೊಳಿಸುತ್ತದೆ. ಕೂಪ್ ಶೈಲಿಯ ಎರಡು ಬಾಗಿಲುಗಳ ವಿನ್ಯಾಸವು ಗ್ರ್ಯಾನ್‌ಟುರಿಸ್ಮೊವನ್ನು ರಸ್ತೆಗಳಲ್ಲಿ ಅತ್ಯಂತ ಆಕರ್ಷಕವಾಗಿಸುತ್ತದೆ. ಮಾಸೆರೋಟಿ ತನ್ನ ವಿನ್ಯಾಸದಲ್ಲಿ ಆಧುನಿಕತೆಯನ್ನು ತಂದಿದ್ದು, ಮೊದಲು ಇದ್ದ ಕಾರಿನ ಡೋರ್ ಹ್ಯಾಂಡಲ್ ಗಳನ್ನು ಕಾರಿನ ಬಾಡಿ ಒಳಗೆ ಸಮ್ಮಿಳನಗೊಳಿಸುವ ಮೂಲಕ ಕಾರಿನ ಸೌಂದರ್ಯವನ್ನು ಹೆಚ್ಚಿಸಿದೆ.
ಇದನ್ನೂ ಓದಿ: ಐಷಾರಾಮಿ ಮಾಸೆರಾಟಿ ಗ್ರಿಕೇಲ್ SUV ಬಿಡುಗಡೆಯಾಗಿದೆ: ಬೆಲೆ ರೂ 1.31 ಕೋಟಿ
ವಾಹನದ ಹಿಂಭಾಗವನ್ನು ಗಮನಿಸಿದಾಗ, ತ್ರಿಕೋನಾಕಾರದ ಹಿಂಭಾಗದ ಟೈಲ್ ಲೈಟ್ಸ್ ಅದಕ್ಕೆ ಸೊಗಸಾದ ನೋಟವನ್ನು ನೀಡುತ್ತವೆ. ಹಳೆಯ ಗ್ರ್ಯಾನ್‌ ಟ್ಯುರಿಸ್ಮೊ ಮಾದರಿಗಳಲ್ಲಿ ಅಳವಡಿಸಿರುವಂತೆ ನಾಲ್ಕು ಎಕ್ಸಾಸ್ಟ್ ಓಪನಿಂಗ್‌ಗಳು ಮತ್ತು ತೆಳುವಾದ ಎಲ್ಇಡಿ ಲೈಟ್ಸ್ ಗಳು ನೋಟವನ್ನು ಹೆಚ್ಚು ಆಕರ್ಷಿಸುತ್ತದೆ. ಚಕ್ರಗಳ ಗಾತ್ರವನ್ನು ಗಮನಿಸಿದರೆ, ಮುಂಭಾಗದ ಚಕ್ರಗಳು 20 ಇಂಚುಗಳಷ್ಟು ಮತ್ತು ಹಿಂಭಾಗದ ಚಕ್ರಗಳು 21 ಇಂಚುಗಳಷ್ಟು ದೊಡ್ಡದಾಗಿರುತ್ತವೆ.
ಮಸರಾಟಿ ಗ್ರಾನ್‌ಟುರಿಸ್ಮೊದ ಒಳಾಂಗಣವು ಸಂಪೂರ್ಣವಾಗಿ ನವೀಕರಣಗೊಂಡಿದೆ. ಹಳೆಯ ನಾರ್ಮಲ್ ಬಟನ್ ಬದಲಾಗಿ, ಇದೀಗ ಆಧುನಿಕ ಟಚ್ ಸ್ಕ್ರೀನ್‌ಗಳು ಬಳಕೆಯಲ್ಲಿವೆ. ಡ್ಯಾಶ್‌ಬೋರ್ಡ್‌ನಲ್ಲಿನ ಮೊದಲಿನ ಕ್ಲಾಕ್ ಅನ್ನು ಡಿಜಿಟಲ್ ರೂಪಕ್ಕೆ ಬದಲಾಯಿಸಲಾಗಿದೆ. ಈಗ, ಒಳಗೆ ಕುಳಿತರೆ ಡಿಜಿಟಲ್ ಇನ್ಸ್ಟ್ರುಮೆಂಟ್ ಪ್ಯಾನೆಲ್ ಮತ್ತು ದೊಡ್ಡ ಸೆಂಟ್ರಲ್ ಟಚ್ ಸ್ಕ್ರೀನ್ ಕಣ್ಣಿಗೆ ಎದ್ದು ಕಾಣುತ್ತವೆ. 12.3 ಸೆಂಟ್ರಲ್ ಟಚ್ ಸ್ಕ್ರೀನ್ ಕೆಳಗೆ, ಹವಾನಿಯಂತ್ರಣ ಮತ್ತು ಸೀಟುಗಳನ್ನು ನಿಯಂತ್ರಿಸಲು 8.8 ಇಂಚಿನ ಟಚ್ ಸ್ಕ್ರೀನ್ ಇದೆ. ಮತ್ತು ನವೀಕರಿಸಿದ ಸ್ಟೀರಿಂಗ್ ವೀಲ್ ನಲ್ಲಿ ಮಾತ್ರ ಕೆಲವು ಬಟನ್ಗಳನ್ನು ನೋಡಬಹುದು.
ಮಸೆರಾಟಿ ಗ್ರ್ಯಾನ್‌ ಟ್ಯುರಿಸ್ಮೊ(Maserati GranTurismo): ಪವರ್ಟ್ರೇನ್
ಮಾಸೆರೋಟಿ ಗ್ರಾನ್‌ಟುರಿಸ್ಮೋ ವಾಹನವು ವಿಶ್ವದಾದ್ಯಂತ ಗ್ರಾಹಕರಿಗೆ ಮೂರು ಪವರ್ ಟ್ರೈನ್ ಆಯ್ಕೆಗಳನ್ನು ನೀಡುತ್ತದೆ.. ಮೊಡೆನಾ ಮತ್ತು ಟ್ರೋಫಿಯೊ ಮಾದರಿಗಳು 3.0-ಲೀಟರ್, ಟ್ವಿನ್-ಟರ್ಬೊ ವಿ6 ಎಂಜಿನ್‌ನೊಂದಿಗೆ ಬರುತ್ತವೆ. ಆದರೆ, ಫೋಲ್ಗೋರ್ ಮಾದರಿಯು ಟ್ರೈ-ಮೋಟಾರ್ ಎಲೆಕ್ಟ್ರಿಕ್ ಪವರ್ಟ್ರೇನ್ ಮೋಟಾರ್‌ಗಳ ವ್ಯವಸ್ಥೆಯನ್ನು ಹೊಂದಿದೆ. ಮತ್ತೊಂದು ಗಮನಾರ್ಹ ಅಂಶವೆಂದರೆ, ಈ ಎಲ್ಲಾ ಮೂರು ಮಾದರಿಗಳು ಆಲ್-ವೀಲ್-ಡ್ರೈವ್ ವ್ಯವಸ್ಥೆಯೊಂದಿಗೆ ಬರುತ್ತವೆ.
ಇದನ್ನೂ ಓದಿ: ಭಾರತದಲ್ಲಿ ಬಿಡುಗಡೆಯಾಯ್ತು ಐಷಾರಾಮಿ ಆಸ್ಟನ್ ಮಾರ್ಟಿನ್ ವಾಂಟೇಜ್
ಗ್ರ್ಯಾನ್‌ ಟ್ಯುರಿಸ್ಮೊ ಮೊಡೆನಾ: ಮೊಡೆನಾ(GranTurismo Modena) ಮಾದರಿಯು ತನ್ನ ಪ್ರತಿಸ್ಪರ್ಧಿಗಳಿಗೆ ಹೋಲಿಸಿದರೆ ಹೆಚ್ಚು ಆರ್ಥಿಕವಾಗಿ ಲಾಭದಾಯಕ ಆಯ್ಕೆಯಾಗಿದೆ. ಇದರಲ್ಲಿ ಅಳವಡಿಸಲಾಗಿರುವ 3.0-ಲೀಟರ್ V6 ಎಂಜಿನ್ 490 ಹೆಚ್ಚುವರಿ ಶಕ್ತಿ ಮತ್ತು 600 ನ್ಯೂಟನ್ ಮೀಟರ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಶಕ್ತಿಯುಳ್ಳ ಎಂಜಿನ್‌ನೊಂದಿಗೆ, ಮೊಡೆನಾ ಕೇವಲ 3.9 ಸೆಕೆಂಡುಗಳಲ್ಲಿ 0 ರಿಂದ 100 ಕಿಲೋಮೀಟರ್ ವೇಗವನ್ನು ತಲುಪುತ್ತದೆ ಮತ್ತು ಮತ್ತು ಗಂಟೆಗೆ 302 ಕಿಲೋಮೀಟರ್ ಗರಿಷ್ಠ ವೇಗವನ್ನು ಹೊಂದಿದೆ.
ಗ್ರ್ಯಾನ್‌ ಟ್ಯುರಿಸ್ಮೊ ಟ್ರೋಫಿಯೊ: ಟ್ರೋಫಿಯು(GranTurismo Trofeo) ಮಾದರಿಯು ಶಕ್ತಿಶಾಲಿ 3.0-ಲೀಟರ್ ಎಂಜಿನ್‌ನಿಂದ ಶಕ್ತಿಯನ್ನು ಪಡೆಯುತ್ತದೆ, ಇದು ಅದ್ಭುತವಾದ 550hp ಮತ್ತು 650Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‌ನೊಂದಿಗೆ ಟ್ರೋಫಿಯು ತ್ವರಿತವಾಗಿ ವೇಗವನ್ನು ಪಡೆಯುತ್ತದೆ, ಕೇವಲ 3.5 ಸೆಕೆಂಡುಗಳಲ್ಲಿ 0 ರಿಂದ 100 ಕಿಲೋಮೀಟರ್ ವೇಗವನ್ನು ತಲುಪುತ್ತದೆ ಮತ್ತು ಗಂಟೆಗೆ 320 ಕಿಲೋಮೀಟರ್ ಗರಿಷ್ಠ ವೇಗವನ್ನು ಹೊಂದಿದೆ.
