ಹೊಸ ಮಾರುತಿ ಸುಜುಕಿ Baleno Regal Edition ರೂ 60,199 ವರೆಗಿನ ಉಚಿತ ಆಕ್ಸೆಸರಿಗಳನ್ನು ಹೊಂದಿದೆ.
ಮಾರುತಿ ಸುಜುಕಿ (Maruti Suzuki) ಕಂಪನಿಯು ಇಂದು ತನ್ನ ಜನಪ್ರಿಯ ಬಲೆನೊ ಮಾದರಿಯ ಹೊಸ ರೀಗಲ್ ಆವೃತ್ತಿಯನ್ನು (Baleno Regal Edition) ಗ್ರಾಹಕರ ಮುಂದೆ ಹಾಕಿದೆ. ಈ ಹೊಸ ವಿಶೇಷ ಆವೃತ್ತಿಯು ನ್ಯೂ ಏಜ್ ಬಲೆನೊದ ಎಲ್ಲಾ ಮಾದರಿಗಳಲ್ಲಿ ಲಭ್ಯವಿದ್ದು, ಆಟೋಮ್ಯಾಟಿಕ್ ಮತ್ತು ಸಿಎನ್‌ಜಿ ಇಂಧನದ ಆಯ್ಕೆಗಳನ್ನು ಒಳಗೊಂಡಿದೆ. ಈ ಜನಪ್ರಿಯ ಪ್ರೀಮಿಯಂ ಹ್ಯಾಚ್‌ಬ್ಯಾಕ್‌ನ ಆಕರ್ಷಣೆಯನ್ನು ಇನ್ನಷ್ಟು ಹೆಚ್ಚಿಸಲು, ಅದರ ವಿನ್ಯಾಸವನ್ನು ಸೊಗಸಾಗಿ ಮಾರ್ಪಡಿಸಲಾಗಿದೆ ಮತ್ತು ಒಳಾಂಗಣ ಸೌಕರ್ಯಗಳನ್ನು ಇನ್ನಷ್ಟು ಸುಧಾರಿಸಲಾಗಿದೆ.
ಈ Baleno Regal Edition ಮಾದರಿಯು ರೂ 60,199 ವರೆಗಿನ ಮೌಲ್ಯದ ಹೆಚ್ಚುವರಿ ಆಕ್ಸಸರೀಸ್ ಪ್ಯಾಕೇಜ್‌ನೊಂದಿಗೆ ಬರುತ್ತದೆ. ಇದು ಆಂತರಿಕ ಮತ್ತು ಬಾಹ್ಯವಾಗಿ ವಿಶಿಷ್ಟವಾದ ವಿನ್ಯಾಸದೊಂದಿಗೆ ಸಾಮಾನ್ಯ ಮಾದರಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ಈ ವಿಶೇಷ ಆವೃತ್ತಿಯು ಆಲ್ಫಾ, ಝೀಟಾ, ಡೆಲ್ಟಾ ಮತ್ತು ಸಿಗ್ಮಾ ಎಂಬ ಎಲ್ಲಾ ರೂಪಾಂತರಗಳಲ್ಲಿ ಲಭ್ಯವಿದೆ. ಹೆಚ್ಚಿನ ಸೌಕರ್ಯ ಮತ್ತು ಸೊಗಸಾದ ನೋಟವನ್ನು ಬಯಸುವ ಗ್ರಾಹಕರಿಗೆ ಇದು ಪರಿಪೂರ್ಣ ಆಯ್ಕೆಯಾಗಿದೆ.
ಇದನ್ನೂ ಓದಿ: ಗ್ರ್ಯಾಂಡ್ ವಿಟಾರಾ ಡೊಮಿನಿಯನ್ ಲಿಮಿಟೆಡ್ ಎಡಿಷನ್ ಬಿಡುಗಡೆ
ಬಲೆನೋ ರೀಗಲ್ ಎಡಿಷನ್: ಫೀಚರ್ಸ್ ಗಳು
ಬಲೆನೊ ರೀಗಲ್ ಆವೃತ್ತಿಯು (Baleno Regal Edition) ತನ್ನ ವಿಶಿಷ್ಟ ವಿನ್ಯಾಸ ಮತ್ತು ಹೆಚ್ಚುವರಿ ಆಕ್ಸಸರೀಸ್ ಗಳೊಂದಿಗೆ ನಿಮ್ಮನ್ನು ಮೋಡಿ ಮಾಡುತ್ತದೆ. ಈ ಆವೃತ್ತಿಯಲ್ಲಿ, ಮುಂಭಾಗ ಮತ್ತು ಹಿಂಭಾಗದ ಅಂಡರ್‌ಬಾಡಿ ಸ್ಪಾಯ್ಲರ್‌ಗಳು ವಾಹನಕ್ಕೆ ಒಂದು ಆಕರ್ಷಕ ನೋಟವನ್ನು ನೀಡುತ್ತವೆ. ಮುಂಭಾಗ ಮತ್ತು ಹಿಂಭಾಗಕ್ಕೆ ಅಳವಡಿಸಲಾದ ಕ್ರೋಮ್ ಅಲಂಕರಣಗಳು ಮತ್ತು ಫಾಗ್ ಲ್ಯಾಂಪ್ ಗಾರ್ನಿಶ್ ವಾಹನದ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ಇದಲ್ಲದೆ, ಡೋರ್ ವೈಸರ್‌ಗಳು, ಬಾಡಿ ಸೈಡ್ ಮೋಲ್ಡಿಂಗ್, ಮಿಡ್-ಕ್ರೋಮ್ ಗಾರ್ನಿಶ್ ಮತ್ತು ಮಡ್ ಫ್ಲಾಪ್‌ಗಳು ವಾಹನದ ರಕ್ಷಣೆ ಮತ್ತು ಸೊಗಸಾದ ನೋಟವನ್ನು ಒದಗಿಸುತ್ತವೆ. ಪ್ರೀಮಿಯಂ ಬಾಡಿ ಕವರ್ ವಾಹನದ ಬಣ್ಣವನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.
ವಾಹನದ ಒಳಭಾಗಕ್ಕೆ ಸಂಬಂಧಿಸಿದಂತೆ, ಹವಾಮಾನಕ್ಕೆ ತಕ್ಕ 3D ಮಾಟ್‌ಗಳು, ಡ್ಯುಯಲ್-ಟೋನ್ ಸೀಟ್ ಕವರ್‌ಗಳು, ಮೃದುವಾದ PU ಸ್ಟೀರಿಂಗ್ ಕವರ್, ಸ್ಟೈಲಿಶ್ ಕ್ರೋಮ್ ಬಾಗಿಲಿನ ಹ್ಯಾಂಡಲ್‌ಗಳು, ವಿಂಡೋ ಕರ್ಟನ್‌ಗಳು, ಹಿಂಭಾಗದ ಪಾರ್ಸೆಲ್ ಟ್ರೇ, ಸುವಾಸನೆಯ ಜೆಲ್ ಪರ್ಫ್ಯೂಮ್ – ಬ್ರೀಸ್, ಉಪಯುಕ್ತ ಡಿಜಿಟಲ್ ಏರ್ ಇನ್ಫ್ಲೇಟರ್, ಶಕ್ತಿಶಾಲಿ ವ್ಯಾಕ್ಯೂಮ್ ಕ್ಲೀನರ್, ಆರಾಮದಾಯಕ ನೆಕ್ಸಾ ಕುಶನ್‌ಗಳು ಮತ್ತು ಸ್ಟೈಲಿಶ್ ಇಂಟೀರಿಯರ್ ಸ್ಟೈಲಿಂಗ್ ಕಿಟ್ ಸೇರಿವೆ. ಈ ಪ್ಯಾಕೇಜ್‌ನ ವೆಚ್ಚವು ನಿಮ್ಮ ಆಯ್ಕೆಯ ವೇರಿಯಂಟ್ ಅನ್ನು ಅವಲಂಬಿಸಿ ರೂ. 45,829 ರಿಂದ ರೂ. 60,199 ರವರೆಗೆ ಇರುತ್ತದೆ. ಅತ್ಯುತ್ತಮ ಭಾಗವೆಂದರೆ, ಈಗ ನೀವು ಈ ಎಲ್ಲಾ ಅಪ್‌ಗ್ರೇಡ್‌ಗಳನ್ನು ಉಚಿತವಾಗಿ ಪಡೆಯಬಹುದು.
ಬಾಲೆನೋ ರೀಗಲ್ ಎಡಿಷನ್ ನಿಮ್ಮ ಸುರಕ್ಷತೆಗಾಗಿ ಆರು ಏರ್ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಎಲ್ಇಡಿ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು, ಇಎಸ್‌ಪಿ, ಹಿಲ್ ಹೋಲ್ಡ್ ಅಸಿಸ್ಟ್, ಮತ್ತು ಎಬಿಎಸ್ ಜೊತೆಗೆ ಇಬಿಡಿ ಸಹಿತ ಬರುತ್ತದೆ. ಒಳಗೆ, 9.0-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಡ್ರೈವರ್‌ಗಾಗಿ ಕಲರ್ ಹೆಡ್-ಅಪ್ ಡಿಸ್ಪ್ಲೇ ಮತ್ತು ಆಟೋ-ಡಿಮ್ಮಿಂಗ್ ಇಂಟೀರಿಯರ್ ರಿಯರ್ವ್ಯೂ ಮಿರರ್ ಅನ್ನು ನೀವು ಕಾಣಬಹುದು.
ಇದನ್ನೂ ಓದಿ: ಮಾರುತಿ ಸುಜುಕಿ ಫ್ರಾಂಕ್ಸ್ ವೆಲೋಸಿಟಿ ಎಡಿಷನ್ ಬೆಲೆ ರೂ 7.29 ಲಕ್ಷದಿಂದ ಪ್ರಾರಂಭ
ಬಲೆನೋ ರೀಗಲ್ ಎಡಿಷನ್: ಪವರ್‌ಟ್ರೇನ್
ಈ ವಿಶೇಷ ಮಾದರಿಯನ್ನು 1.2-ಲೀಟರ್ ಡ್ಯುಯಲ್-ಜೆಟ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ವಿನ್ಯಾಸಗೊಳಿಸಲಾಗಿದೆ. ಈ ಎಂಜಿನ್ 89 ಬಿಹೆಚ್‌ಪಿ ಶಕ್ತಿ ಮತ್ತು 113 ಎನ್‌ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಗ್ರಾಹಕರ ಆಯ್ಕೆಗೆ ಅನುಗುಣವಾಗಿ, ಇದನ್ನು 5-ಸ್ಪೀಡ್ ಮ್ಯಾನ್ಯುವಲ್ ಅಥವಾ 5-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗಳಲ್ಲಿ ಒಂದನ್ನು ಆಯ್ಕೆ ಮಾಡಬಹುದು. ಸಿಎನ್‌ಜಿ ಆವೃತ್ತಿಯು 5-ಸ್ಪೀಡ್ ಮ್ಯಾನ್ಯುವಲ್ ಗೇರ್‌ಬಾಕ್ಸ್‌ನೊಂದಿಗೆ ಬರುತ್ತದೆ ಮತ್ತು 76.4 ಬಿಹೆಚ್‌ಪಿ ಶಕ್ತಿ ಹಾಗೂ 98.5 ಎನ್‌ಎಂ ಟಾರ್ಕ್ ನೀಡುತ್ತದೆ.
ಮಾರುತಿ ಸುಜುಕಿ ಬಲೆನೋ ಕಾರಿನ ರೀಗಲ್ ಆವೃತ್ತಿಯು ತನ್ನ ಸಾಮಾನ್ಯ ಮಾದರಿಗಳಿಗೆ ಸಮಾನವಾದ ಬೆಲೆಯನ್ನು ಹೊಂದಿದೆ. ಈ ಆವೃತ್ತಿಯ ಬೆಲೆಗಳು ಎಕ್ಸ್-ಶೋರೂಂ ಬೆಲೆಯಲ್ಲಿ 6.66 ಲಕ್ಷ ರೂಪಾಯಿಗಳಿಂದ 9.83 ಲಕ್ಷ ರೂಪಾಯಿಗಳವರೆಗೆ ವ್ಯಾಪಿಸಿವೆ. ಬಲೆನೋ ಕಾರು ಹುಂಡೈ ಐ20 ಮತ್ತು ಟಾಟಾ ಅಲ್ಟ್ರೋಜ್ ಕಾರುಗಳಂತಹ ಪ್ರತಿಸ್ಪರ್ಧಿ ಮಾದರಿಗಳೊಂದಿಗೆ ನೇರ ಸ್ಪರ್ಧೆಯಲ್ಲಿ ಭಾಗವಹಿಸುತ್ತದೆ.
