Mahindra Thar Roxx 4×4 ವೇರಿಯಂಟ್ಗಳಿಗೆ ಹೊಸ ಲುಕ್: ಐವರಿ ಇಂಟೀರಿಯರ್ ಜೊತೆಗೆ ಹೊಸ ಮೋಚಾ ಬ್ರೌನ್ ಇಂಟೀರಿಯರ್ ಸೇರ್ಪಡೆ
ಮಹೀಂದ್ರಾ ಥಾರ್ ರೋಕ್ಸ್‌ಗೆ (Mahindra Thar Roxx) ಹೊಸ ನೋಟ ನೀಡಲು ಮಹೀಂದ್ರಾ (Mahindra) ಕಂಪನಿ ಮುಂದಾಗಿದೆ. ಈಗಾಗಲೇ ಜನಪ್ರಿಯವಾಗಿರುವ ಈ ಎಸ್‌ಯುವಿಯ 4×4 ರೂಪಾಂತರಗಳಿಗೆ ಹೊಸ ಮೋಚಾ ಬ್ರೌನ್ ಬಣ್ಣದ ಒಳಾಂಗಣವನ್ನು ಪರಿಚಯಿಸಲಾಗಿದೆ. ಇದು ಗ್ರಾಹಕರಿಗೆ ಹೆಚ್ಚಿನ ಆಯ್ಕೆಗಳನ್ನು ನೀಡುವುದಲ್ಲದೆ, ವಾಹನದ ಸೊಗಸನ್ನು ಹೆಚ್ಚಿಸುತ್ತದೆ. ಈ ಹೊಸ ಬಣ್ಣದ ಆಯ್ಕೆಯೊಂದಿಗೆ, ಥಾರ್ ರೋಕ್ಸ್ ಇನ್ನಷ್ಟು ಆಕರ್ಷಕವಾಗಿದೆ. ಈ ಹೊಸ ಬಣ್ಣದ ಆಯ್ಕೆಯನ್ನು ಥಾರ್ ರಾಕ್ಸ್ 2WD ಮಾದರಿಗಳೊಂದಿಗೆ ನೀಡಲಾಗುವುದಿಲ್ಲ ಎಂಬುದನ್ನು ಗಮನಿಸಬೇಕಾದ ಅಂಶವಾಗಿದೆ.
ಆಫ್-ರೋಡ್ ವಾಹನವೊಂದಕ್ಕೆ ಐವರಿ ಅಥವಾ ಬಿಳಿ ಬಣ್ಣದ ಆಂತರಿಕ ಭಾಗವು ಸಾಕಷ್ಟು ಸೂಕ್ಷ್ಮವೆನಿಸುತ್ತದೆ. ಈ ಬಣ್ಣಗಳು ಬೇಗನೆ ಕೊಳಕಾಗುವ ಸಾಧ್ಯತೆ ಹೆಚ್ಚಿರುವುದರಿಂದ ಗ್ರಾಹಕರು ಇದರ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು. ಮಹೀಂದ್ರಾ ಕಂಪನಿ ಈ ಬಣ್ಣವನ್ನು ಸುಲಭವಾಗಿ ಸ್ವಚ್ಛಗೊಳಿಸಬಹುದೆಂದು ಹೇಳಿದರೂ, ಅನೇಕ ಗ್ರಾಹಕರು ಇದನ್ನು ಒಪ್ಪಿಕೊಳ್ಳಲು ಹಿಂಜರಿದರು. ಆದಾಗ್ಯೂ, ಗ್ರಾಹಕರ ಈ ಆತಂಕವನ್ನು ಅರಿತು ಕಂಪನಿಯು ತೆಗೆದುಕೊಂಡ ನಿರ್ಧಾರ ಪ್ರಶಂಸನೀಯವಾಗಿದೆ. ಆದ್ದರಿಂದ ಗ್ರಾಹಕರು ಈಗ ಐವರಿ ಬಣ್ಣ ಅಥವಾ ಮೋಚಾ ಬ್ರೌನ್ ಬಣ್ಣದ ಇಂಟಿರಿಯರ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಇದನ್ನೂ ಓದಿ: ಮೊದಲ ಮಹೀಂದ್ರಾ ಥಾರ್ ರಾಕ್ಸ್ 1.31 ಕೋಟಿ ರೂ.ಗೆ ಮಾರಾಟ!
Mahindra Thar Roxx 4×4 ಮಾದರಿಗಳು ರೂ. 18.79 ಲಕ್ಷದಿಂದ ಆರಂಭವಾಗುವ ಬೆಲೆಯಲ್ಲಿ ಲಭ್ಯವಿರುತ್ತವೆ ಮತ್ತು ಟಾಪ್-ಎಂಡ್ ಮಾದರಿಯ ಬೆಲೆ ರೂ. 22.49 ಲಕ್ಷ (ಎಕ್ಸ್-ಶೋರೂಂ) ವರೆಗೆ ಹೋಗಬಹುದು. ಈ 4×4 ವೈಶಿಷ್ಟ್ಯವು ಪ್ರಸ್ತುತ ಡೀಸೆಲ್ ಎಂಜಿನ್‌ಗಳೊಂದಿಗೆ ಮಾತ್ರ ಲಭ್ಯವಿದ್ದು, MX5, AX5 L ಮತ್ತು AX7 L ಎಂಬ ಮೂರು ವಿಭಿನ್ನ ಟ್ರಿಮ್ ಹಂತಗಳಲ್ಲಿ ಲಭ್ಯವಿರುತ್ತದೆ. ಮಹೀಂದ್ರಾ ಥಾರ್ ರಾಕ್ಸ್ 4×2 ಮಾದರಿಗಳು ಎಕ್ಸ್-ಶೋರೂಂ ಬೆಲೆ ರೂ. 12.99 ಲಕ್ಷದಿಂದ ರೂ. 20.49 ಲಕ್ಷದವರೆಗೆ ಹೋಗುತ್ತವೆ. ವಾಹನವನ್ನು ಬುಕ್ ಮಾಡಲು ಗ್ರಾಹಕರು ರೂ. 21,000/-ನ ಬುಕ್ಕಿಂಗ್ ಶುಲ್ಕವನ್ನು ಪಾವತಿಸಬೇಕು. ವಿತರಣೆ ಅಕ್ಟೋಬರ್ ತಿಂಗಳಲ್ಲಿ ಆರಂಭವಾಗಲಿದೆ.
ಮಹೀಂದ್ರಾ ಥಾರ್ ರಾಕ್ಸ್: ವೈಶಿಷ್ಟ್ಯಗಳು
ವಾಹನದ ಒಳಗೂ ಹಲವಾರು ಫೀಚರ್ಸ್ ಗಳಿದ್ದು, ದೊಡ್ಡ 10.25-ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ, ವೈರ್ಲೆಸ್ ಚಾರ್ಜಿಂಗ್ ಪ್ಯಾಡ್, ಪನೊರಮಿಕ್ ಸನ್ರೂಫ್, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ವೆಂಟಿಲೇಟೆಡ್ ಮುಂಭಾಗದ ಸೀಟುಗಳು, ಕ್ರೂಸ್ ಕಂಟ್ರೋಲ್, ಎಲೆಕ್ಟ್ರಿಕ್ ಅಡ್ಜಸ್ಟ್ ಒಆರ್ವಿಎಂ, ರಿಯರ್ ಡಿಫಾಗರ್, ಕಪ್ ಹೋಲ್ಡರ್ನೊಂದಿಗೆ ರಿಯರ್ ಆರ್ಮ್ ರೆಸ್ಟ್, 6 ವೇ ಪವರ್ಡ್ ಡ್ರೈವರ್ ಸೀಟ್, ಇದಲ್ಲದೇ ಸಂಪೂರ್ಣ ಡಿಜಿಟಲ್ ಆಗಿರುವ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಅತ್ಯುತ್ತಮ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್ ಅನ್ನು ಪಡೆಯುತ್ತೀರಿ.
ಮಹೀಂದ್ರಾ ಥಾರ್ ರಾಕ್ಸ್(Mahindra Thar Roxx) ಕಾರಿನಲ್ಲಿ ನಿಮ್ಮ ಪ್ರಯಾಣವನ್ನು ಸಂಪೂರ್ಣವಾಗಿ ಸುರಕ್ಷಿತವಾಗಿಸಲು ಎಲ್ಲಾ ವ್ಯವಸ್ಥೆ ಮಾಡಲಾಗಿದೆ. ಆರು ಏರ್‌ಬ್ಯಾಗ್‌ಗಳು, ಇಎಸ್ಇ, ತ್ರಿಪಾಯಿಂಟ್ ಸೀಟ್‌ಬೆಲ್ಟ್‌ಗಳು, ಎಲ್ಲಾ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್‌ಗಳು, ಟೈರ್ ಪ್ರೆಷರ್ ಮಾನಿಟರಿಂಗ್ ಸಿಸ್ಟಮ್, ಮುಂಭಾಗದ ಪಾರ್ಕಿಂಗ್ ಸೆನ್ಸಾರ್, ಕ್ರೂಸ್ ಕಂಟ್ರೋಲ್, 360 ಡಿಗ್ರಿ ಕ್ಯಾಮೆರಾ, ಆಟೋ ಹೆಡ್‌ಲೈಟ್‌ಗಳು ಮತ್ತು ವೈಪರ್‌ಗಳು ಹಾಗೂ ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್ ಸಿಸ್ಟಮ್‌ನಂತಹ ಅತ್ಯಾಧುನಿಕ ಸುರಕ್ಷತಾ ವೈಶಿಷ್ಟ್ಯಗಳು ನಿಮ್ಮ ಪ್ರತಿಯೊಂದು ಪ್ರಯಾಣವನ್ನು ಸುಗಮಗೊಳಿಸುತ್ತವೆ. ಇದಲ್ಲದೆ, ಟಾಪ್-ಎಂಡ್ ಮಾದರಿಯಲ್ಲಿ ನೀಡಲಾಗಿರುವ ಲೆವಲ್ 2 ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ ನಿಮಗೆ ಹೆಚ್ಚಿನ ಆತ್ಮವಿಶ್ವಾಸದೊಂದಿಗೆ ಚಲಿಸಲು ಅವಕಾಶ ಮಾಡಿಕೊಡುತ್ತದೆ.
ಇದನ್ನೂ ಓದಿ: ಮಹೀಂದ್ರಾ ಥಾರ್ ರಾಕ್ಸ್ ಬಿಡುಗಡೆ ರೂ.12.99 ಲಕ್ಷಕ್ಕೆ ಪವರ್‌ಫುಲ್ SUV
ಮಹೀಂದ್ರಾ ಥಾರ್ ರಾಕ್ಸ್: ಪವರ್‌ಟ್ರೇನ್
Mahindra Thar Roxx 4×4 ನ 2.2-ಲೀಟರ್ ಡೀಸೆಲ್ ಎಂಜಿನ್, ಅದರ ಅತ್ಯುತ್ತಮ ಕಾರ್ಯಕ್ಷಮತೆಯಿಂದ ಗಮನ ಸೆಳೆಯುತ್ತದೆ. 6-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ 150 bhp ಶಕ್ತಿ ಮತ್ತು 330 Nm ಟಾರ್ಕ್ ಅನ್ನು ನೀಡುವ ಈ ಎಂಜಿನ್, ಯಾವುದೇ ರಸ್ತೆಯಲ್ಲೂ ನಿಮಗೆ ಅಗತ್ಯವಾದ ಶಕ್ತಿಯನ್ನು ಒದಗಿಸುತ್ತದೆ. ಆದರೆ ನಿಮಗೆ ಇನ್ನಷ್ಟು ಶಕ್ತಿ ಬೇಕಿದ್ದರೆ, 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ 172 bhp ಶಕ್ತಿ ಮತ್ತು 370 Nm ಟಾರ್ಕ್‌ನೊಂದಿಗೆ ಹೆಚ್ಚಿನ ಆವೃತ್ತಿಯನ್ನು ಆಯ್ಕೆ ಮಾಡಬಹುದು.
ನೀವು 2.0-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ನೊಂದಿಗೆ ಮಹೀಂದ್ರಾ ಥಾರ್ ರಾಕ್ಸ್ 2WD ಮಾದರಿಯನ್ನು ಸಹ ಪಡೆಯಬಹುದು. ಇದು ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ 162 ಬಿಹೆಚ್ಪಿ ಮತ್ತು 330 ಎನ್ಎಂ ಟಾರ್ಕ್ ಅನ್ನು ಮತ್ತು ಆಟೋಮ್ಯಾಟಿಕ್ ಗೇರ್ಬಾಕ್ಸ್ನೊಂದಿಗೆ ಜೋಡಿಸಿದಾಗ 177 ಬಿಹೆಚ್ಪಿ ಮತ್ತು 380 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ಗಳು 6-ಸ್ಪೀಡ್ ಮ್ಯಾನುವಲ್ ಅಥವಾ ಆಟೋಮೆಟಿಕ್ ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ ಲಭ್ಯವಿದೆ.
