Mahindra Scorpio ಕ್ಲಾಸಿಕ್ ಬಾಸ್ ಎಡಿಷನ್ ಕಪ್ಪು ಬಣ್ಣದ ಸೀಟ್ ಅಪ್ಹೋಲ್ಸ್ಟರಿ, ಮತ್ತು ಹೆಡ್ಲೈಟ್ಗಳು ಮತ್ತು ಟೈಲ್ಲೈಟ್ಗಳಲ್ಲಿ ಡಾರ್ಕ್ ಕ್ರೋಮ್ ಹೈಲೈಟ್ಸ್ ಅನ್ನು ಹೊಂದಿದೆ
ಭಾರತೀಯ ರಸ್ತೆಗಳ ರಾಜ ಎಂದೇ ಖ್ಯಾತಿ ಪಡೆದ ಮಹೀಂದ್ರಾ, ತನ್ನ ಸ್ಕಾರ್ಪಿಯೋ (Mahindra Scorpio) ಎಸ್‌ಯುವಿಯೊಂದಿಗೆ ಭಾರತೀಯರ ಹೃದಯ ಗೆದ್ದಿದೆ. ದಶಕಗಳಿಂದ ಗ್ರಾಹಕರ ನಂಬಿಕೆಯನ್ನು ಗಳಿಸಿರುವ ಈ ಮಹೀಂದ್ರಾ ಸ್ಕಾರ್ಪಿಯೋ, ಈಗ ದೀಪಾವಳಿಯ ಹಬ್ಬದ ಸಂಭ್ರಮದಲ್ಲಿ ಕಂಪನಿಯು ‘ಬಾಸ್ ಎಡಿಷನ್’ ಎಂಬ ಹೊಸ ಸ್ಕಾರ್ಪಿಯೋ ಅನ್ನು ವಿಶೇಷ ರೂಪದಲ್ಲಿ ಬಿಡುಗಡೆ ಮಾಡಿದೆ.
ಈ ಹೊಸ Mahindra Scorpio Boss Edition ಮಾದರಿಯು ತನ್ನ ಕಟ್ಟುಮಸ್ತ ಮತ್ತು ಸ್ಪೋರ್ಟಿ ನೋಟದಿಂದಾಗಿ ಭಿನ್ನವಾಗಿದೆ. ವಾಹನದ ಬಾಹ್ಯ ಮತ್ತು ಆಂತರಿಕ ಭಾಗಗಳಿಗೆ ಹೊಸ ನೋಟ ನೀಡಲಾಗಿದೆ. ಆದಾಗ್ಯೂ, ವಾಹನದ ಎಂಜಿನ್ ಮತ್ತು ಇತರ ತಾಂತ್ರಿಕ ವೈಶಿಷ್ಟ್ಯಗಳು ಹಿಂದಿನ ಮಾದರಿಯಂತೆಯೇ ಇರುತ್ತವೆ. ಸ್ಟ್ಯಾಂಡರ್ಡ್ ಸ್ಕಾರ್ಪಿಯೋ ಕ್ಲಾಸಿಕ್ ಮಾದರಿಯ ಎಕ್ಸ್ ಶೋರೂಂ ಬೆಲೆ ರೂ. 13.62 ಲಕ್ಷದಿಂದ ರೂ. 17.42 ಲಕ್ಷದವರೆಗೆ ಇದ್ದರೂ, ಬಾಸ್ ಎಡಿಷನ್ ನಿಖರವಾದ ಬೆಲೆ ಇನ್ನೂ ಪ್ರಕಟವಾಗಿಲ್ಲ.
ಇದನ್ನೂ ಓದಿ: ಮಹೀಂದ್ರಾ XUV 3X0 ಕಾರಿನ ಬೆಲೆ ಏರಿಕೆ: ವೈಶಿಷ್ಟ್ಯಗಳು ಮತ್ತು ಪ್ರಸ್ತುತ ಬೆಲೆ!
ಮಹೀಂದ್ರಾ ಸ್ಕಾರ್ಪಿಯೋ ಕ್ಲಾಸಿಕ್ ಬಾಸ್ ಎಡಿಷನ್: ಡಿಸೈನ್, ಫೀಚರ್ಸ್ ಗಳು
ಮಹೀಂದ್ರಾ ಸ್ಕಾರ್ಪಿಯೋ ಕ್ಲಾಸಿಕ್ ಬಾಸ್ ಎಡಿಷನ್ (Mahindra Scorpio Classic Boss Edition) ಎಸ್‌ಯುವಿಯ ಹೊರಭಾಗವು ಸಂಪೂರ್ಣವಾಗಿ ಕಪ್ಪು ಬಣ್ಣದಲ್ಲಿ ವಿನ್ಯಾಸಗೊಳಿಸಲ್ಪಟ್ಟಿದೆ. ಡಾರ್ಕ್ ಕ್ರೋಮ್ ಬಣ್ಣದಲ್ಲಿ ಗ್ರಿಲ್, ಸಿಲ್ವರ್ ಸ್ಕಿಡ್ ಪ್ಲೇಟ್ನೊಂದಿಗೆ ಮುಂಭಾಗದ ಬಂಪರ್ ಎಕ್ಸ್ಟೆನ್ಶನ್ ಮತ್ತು ಡೋರ್ ಹ್ಯಾಂಡಲ್ಗಳು, ಹೆಡ್ಲೈಟ್ಗಳು ಮತ್ತು ಟೈಲ್ಲೈಟ್ಗಳ ಮೇಲೆ ಡಾರ್ಕ್ ಕ್ರೋಮ್ ವಿವರಗಳಂತಹ ಹಲವಾರು ಬದಲಾವಣೆಗಳನ್ನು ಒಳಗೊಂಡಿದೆ. ಇದು ಫಾಗ್ ಲ್ಯಾಂಪ್ಗಳು ಮತ್ತು ಬಾನೆಟ್ ಸ್ಕೂಪ್ಗಳಿಗಾಗಿ ಡಾರ್ಕ್ ಕ್ರೋಮ್ ಬೆಜೆಲ್ಗಳನ್ನು ಸಹ ಪಡೆಯುತ್ತದೆ. ಈ ಎಸ್ಯುವಿಯಲ್ಲಿ ಆಲ್-ಬ್ಲ್ಯಾಕ್ ರಿಯರ್ ಬಂಪರ್ ಗಾರ್ಡ್, ಡೋರ್ ವೈಸರ್ಗಳು ಮತ್ತು ಕಾರ್ಬನ್ ಫೈಬರ್-ಟ್ರಿಮ್ಡ್ ಒಆರ್ವಿಎಂಗಳಂತಹ ವಿನ್ಯಾಸವು. ಈ ಕಾರಿಗೆ ಒಂದು ಆಧುನಿಕ ಮತ್ತು ಸ್ಪೋರ್ಟಿ ನೋಟವನ್ನು ನೀಡುತ್ತದೆ.
ನೂತನ ಬಾಸ್ ಎಡಿಷನ್ (Boss Edition) ಒಳಾಂಗಣವು ಆಕರ್ಷಕ ಡ್ಯುಯಲ್-ಟೋನ್ ಡ್ಯಾಶ್‌ಬೋರ್ಡ್‌ನೊಂದಿಗೆ ಇನ್ನಷ್ಟು ಆಕರ್ಷಕವಾಗಿದೆ. ಕಪ್ಪು ಬಣ್ಣದ ಆಸನಗಳು ಒಳಾಂಗಣಕ್ಕೆ ಐಷಾರಾಮಿ ಮೆರುಗು ನೀಡುತ್ತವೆ. ಆರಾಮದಾಯಕವಾದ ಕುಶನ್ ಮತ್ತು ನೆಕ್ ಪಿಲ್ಲೋಗಳನ್ನು ಒಳಗೊಂಡ ಕಂಫರ್ಟ್ ಕಿಟ್ ಅನ್ನು ಸೇರಿಸಲಾಗಿದೆ. 7 ಆಸನಗಳ ಆಯ್ಕೆಯೊಂದಿಗೆ, ಈ ಕಾರು ಕುಟುಂಬಗಳು ಮತ್ತು ಸ್ನೇಹಿತರೊಂದಿಗೆ ಪ್ರಯಾಣಿಸಲು ಸೂಕ್ತವಾಗಿದೆ. 5 ಡೋರ್‌ಗಳ ವಿನ್ಯಾಸವು ಪ್ರಯಾಣಿಕರಿಗೆ ಸುಲಭವಾಗಿ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ.
ಮಹೀಂದ್ರಾ ಸ್ಕಾರ್ಪಿಯೋ ಕ್ಲಾಸಿಕ್ ಬಾಸ್ ಎಡಿಷನ್, ತನ್ನ ಆಕರ್ಷಕ ವಿನ್ಯಾಸದ ಜೊತೆಗೆ, 9-ಇಂಚಿನ ಟಚ್‌ಸ್ಕ್ರೀನ್, ಆಟೋಮ್ಯಾಟಿಕ್ ಏರ್ ಕಂಡೀಷನಿಂಗ್, ಕ್ರೂಸ್ ಕಂಟ್ರೋಲ್ ಮತ್ತು ಇನ್ನಿತರ ಹಲವು ಆಧುನಿಕ ವೈಶಿಷ್ಟ್ಯಗಳನ್ನು ಹೊಂದಿದೆ. ಸುರಕ್ಷತೆ ಕೂಡ ಇದರ ಪ್ರಮುಖ ಅಂಶವಾಗಿದ್ದು, ಡುಯಲ್ ಏರ್‌ಬ್ಯಾಗ್‌ಗಳು ಮತ್ತು ಹಿಂಭಾಗದ ಪಾರ್ಕಿಂಗ್ ಸಹಾಯಕ ವ್ಯವಸ್ಥೆಗಳು ಇದನ್ನು ಇನ್ನಷ್ಟು ವಿಶೇಷವಾಗಿಸುತ್ತವೆ.
ಇದನ್ನೂ ಓದಿ: ಮಹೀಂದ್ರಾ ಥಾರ್ ರಾಕ್ಸ್‌ ಬಿಡುಗಡೆ ರೂ.12.99 ಲಕ್ಷಕ್ಕೆ ಪವರ್‌ಫುಲ್ SUV
ಮಹೀಂದ್ರಾ ಸ್ಕಾರ್ಪಿಯೋ ಕ್ಲಾಸಿಕ್ ಬಾಸ್ ಎಡಿಷನ್: ಪವರ್‌ಟ್ರೇನ್
ಮಹೀಂದ್ರಾ ಸ್ಕಾರ್ಪಿಯೋ ಕ್ಲಾಸಿಕ್ ಬಾಸ್ ಎಡಿಷನ್ ಎಸ್‌ಯುವಿ, ತನ್ನ ಶಕ್ತಿಶಾಲಿ 2.2-ಲೀಟರ್ ಡೀಸೆಲ್ ಎಂಜಿನ್‌ನೊಂದಿಗೆ ನಡೆಯುತ್ತದೆ. 132 ಬಿಹೆಚ್‌ಪಿ ಶಕ್ತಿ ಮತ್ತು 300 ಎನ್ಎಂ ಟಾರ್ಕ್‌ನೊಂದಿಗೆ, ಈ ವಾಹನವು ನಿಮಗೆ ಅತ್ಯುತ್ತಮ ಡ್ರೈವಿಂಗ್ ಅನುಭವ ನೀಡುತ್ತದೆ. 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ ಜೊತೆಗೆ, ರೇರ್ ವೀಲ್ ಡ್ರೈವ್ ನೊಂದಿಗೆ ಸಜ್ಜಿತವಾಗಿರುವ ಈ ವಾಹನವು 14.44 ಕಿಮೀ/ಲೀಟರ್‌ನ ಅತ್ಯುತ್ತಮ ಮೈಲೇಜ್ ನೀಡುವುದರ ಜೊತೆಗೆ, ನಿಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ದೀರ್ಘ ಪ್ರಯಾಣಕ್ಕೆ ಸೂಕ್ತವಾಗಿದೆ. ಗಮನಾರ್ಹವಾಗಿ, ಸ್ಕಾರ್ಪಿಯೋ-ಎನ್ ಮಾದರಿಯಿಂದ ಭಿನ್ನವಾಗಿ, ಸ್ಕಾರ್ಪಿಯೋ ಕ್ಲಾಸಿಕ್ 4-ವೀಲ್-ಡ್ರೈವ್ (4WD) ವ್ಯವಸ್ಥೆಯನ್ನು ಹೊಂದಿಲ್ಲ.
