ಕೋಮಾಕಿ ಎಲೆಕ್ಟ್ರಿಕ್ X One Prime ಮತ್ತು X One Ace ಎಂಬ ಎರಡು ಹೊಸ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಬಿಡುಗಡೆ ಮಾಡಿದೆ.
ಪೆಟ್ರೋಲ್ ಬೆಲೆ ಏರಿಕೆ ಮತ್ತು ಪರಿಸರ ಸಂರಕ್ಷಣೆಯ ಕುರಿತಾದ ಜಾಗೃತಿಯ ಹಿನ್ನೆಲೆಯಲ್ಲಿ, ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳು ಭಾರತೀಯರಲ್ಲಿ ಜನಪ್ರಿಯವಾಗುತ್ತಿವೆ. ಈ ಬೆಳವಣಿಗೆಯನ್ನು ಗಮನಿಸಿ, ಕೋಮಾಕಿ ಎಲೆಕ್ಟ್ರಿಕ್ (Komaki Electric) ಕಂಪನಿಯು ತನ್ನ ಎಕ್ಸ್-ಒನ್ ಲಿಥಿಯಂ ಸರಣಿಯ ಎರಡು ಹೊಸ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಬಿಡುಗಡೆ ಮಾಡಿದೆ. ಈ ಹಬ್ಬದ ಸಂದರ್ಭದಲ್ಲಿ, ಕಂಪನಿಯು ಆಕರ್ಷಕ ರಿಯಾಯಿತಿಗಳನ್ನು ನೀಡುವ ಮೂಲಕ ಗ್ರಾಹಕರನ್ನು ಆಕರ್ಷಿಸುತ್ತಿದೆ. ಎಕ್ಸ್-ಒನ್ ಪ್ರೈಮ್ (Komaki X One Prime) ಕೇವಲ ರೂ. 49,999 (ಎಕ್ಸ್ ಶೋರೂಂ) ಮತ್ತು ಎಕ್ಸ್-ಒನ್ ಏಸ್ (Komaki X One Ace) ರೂ. 59,999 (ಎಕ್ಸ್ ಶೋರೂಂ) ಎಂಬ ಆಕರ್ಷಕ ಬೆಲೆಯಲ್ಲಿ ಲಭ್ಯವಿರುವ ಈ ಮಾದರಿಗಳು ಬ್ಯಾಟರಿ, ಚಾರ್ಜರ್ ಮತ್ತು ಇತರ ಪರಿಕರಗಳೊಂದಿಗೆ ಸಂಪೂರ್ಣ ಪ್ಯಾಕೇಜ್‌ನೊಂದಿಗೆ ಬರುತ್ತವೆ.
ಕೊಮಾಕಿ ಎಲೆಕ್ಟ್ರಿಕ್‌ನ ಹೊಸ ಮಾದರಿಗಳಾದ ಎಕ್ಸ್-ಒನ್ ಪ್ರೈಮ್ ಮತ್ತು ಎಕ್ಸ್-ಒನ್ ಏಸ್ (Komaki X One Prime and One Ace) ಎಲೆಕ್ಟ್ರಿಕ್ ವಾಹನ ಮಾರುಕಟ್ಟೆಯಲ್ಲಿ ಅತ್ಯಂತ ಸ್ಪರ್ಧಾತ್ಮಕ ಬೆಲೆಯಲ್ಲಿ ಲಭ್ಯವಿವೆ. ಇವುಗಳ ಕೈಗೆಟುಕುವ ಬೆಲೆ ಮತ್ತು ಹೆಚ್ಚಿನ ದೂರ ಸಾಗುವ ಸಾಮರ್ಥ್ಯದಿಂದಾಗಿ, ವಿಶೇಷವಾಗಿ ನಗರ ಪ್ರದೇಶಗಳಲ್ಲಿ ವಾಸಿಸುವವರಿಗೆ ಇವು ದೈನಂದಿನ ಪ್ರಯಾಣಕ್ಕೆ ಅತ್ಯುತ್ತಮ ಆಯ್ಕೆಯಾಗಿದೆ.
ಇದನ್ನೂ ಓದಿ: 100 ಕಿಮೀ ರೇಂಜ್‌ನೊಂದಿಗೆ ಈವಾ ಸೀರೀಸ್ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ರೂ. 56,051 ಬೆಲೆಗೆ ಲಾಂಚ್ ಆಗಿವೆ
ಕೋಮಾಕಿ ಎಕ್ಸ್-ಒನ್(Komaki X One): ಪವರ್‌ಟ್ರೇನ್, ಬ್ಯಾಟರಿ ಪ್ಯಾಕ್
ಎರಡೂ ಮಾದರಿಗಳು 2 ಮತ್ತು 2.2 ಕಿಲೋವ್ಯಾಟ್ ಸಾಮರ್ಥ್ಯದ ಲಿಥಿಯಂ-ಅಯಾನ್ ಬ್ಯಾಟರಿಗಳಿಂದ ನಡೆಯುತ್ತವೆ. ಈ ಬ್ಯಾಟರಿಗಳನ್ನು 4ರಿಂದ 5 ಗಂಟೆಗಳ ಒಳಗೆ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು. ಗ್ರಾಹಕರ ಹಿತದೃಷ್ಟಿಯಿಂದ, ಕಂಪನಿಯು ಮೋಟಾರ್, ಬ್ಯಾಟರಿ ಮತ್ತು ನಿಯಂತ್ರಕಗಳ ಮೇಲೆ 3 ವರ್ಷಗಳ ಅಥವಾ 30,000 ಕಿಲೋಮೀಟರ್‌ಗಳ (ಯಾವುದು ಮೊದಲು ಬರುತ್ತದೋ ಅದು) ವಾರಂಟಿಯನ್ನು ಒದಗಿಸುತ್ತದೆ. ಈ ವಾಹನಗಳ ಕಡಿಮೆ ವೇಗದ ಮಾದರಿಯನ್ನು ಕೇವಲ ₹45,999 ಕ್ಕೆ ಖರೀದಿಸಬಹುದು. ಈ ವಾಹನಗಳ ಲಿಥಿಯಂ-ಅಯಾನ್ ಬ್ಯಾಟರಿಗಳನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ಕೇವಲ 4 ರಿಂದ 5 ಗಂಟೆಗಳ ಕಾಲಾವಧಿ ಮಾತ್ರ ಬೇಕಾಗುತ್ತದೆ. ಒಮ್ಮೆ ಚಾರ್ಜ್ ಆದ ನಂತರ, ಈ ವಾಹನಗಳು 100 ರಿಂದ 150 ಕಿಲೋಮೀಟರ್‌ಗಳವರೆಗೆ ನಿರಂತರವಾಗಿ ಚಲಿಸುವ ಸಾಮರ್ಥ್ಯವನ್ನು ಹೊಂದಿವೆ.
ಇದನ್ನೂ ಓದಿ: 180 ಕಿಮೀ ರೇಂಜ್ ನೀಡುವ iVoomi ಎಸ್1 ಲೈಟ್ ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆ
ಕೋಮಾಕಿ ಎಕ್ಸ್-ಒನ್ ಮಾದರಿಗಳ ವೈಶಿಷ್ಟ್ಯಗಳು
ಈ ಆಧುನಿಕ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಪುನರುತ್ಪಾದಕ ಬ್ರೇಕಿಂಗ್ ವ್ಯವಸ್ಥೆ (Regenerative braking) ಹಾಗೂ ಆಟೋ-ರಿಪೇರಿ ಫಂಕ್ಷನ್ (Auto – repair function), ಹೊಂದಿದ್ದು, ವಾಹನದ ದಕ್ಷತೆಯನ್ನು ಹೆಚ್ಚಿಸುತ್ತವೆ. ಇದಲ್ಲದೆ, ಡಿಜಿಟಲ್ ಇನ್ಸ್ಟ್ರೂಮೆಂಟ್ ಕ್ಲಸ್ಟರ್, ಎಲ್ಇಡಿ ಲೈಟಿಂಗ್ ಗಳು, ಸ್ವಯಂ-ರೋಗನಿರ್ಣಯ ವ್ಯವಸ್ಥ ಮತ್ತು ಬಿಎಲ್‌ಡಿಸಿ ಹಬ್ ಮೋಟಾರ್‌ನಂತಹ ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಅಳವಡಿಸಲಾಗಿದೆ. ಇವುಗಳ ಸಹಾಯದಿಂದ ವಾಹನವು ಸ್ವಯಂಚಾಲಿತವಾಗಿ ತನ್ನ ಸ್ಥಿತಿಯನ್ನು ನಿರ್ಣಯಿಸಿಕೊಂಡು ವಾಹನದ ಸಂಭವನೀಯ ಸಮಸ್ಯೆಗಳನ್ನು ಪತ್ತೆಹಚ್ಚಿ ಪರಿಹರಿಸುವ ಸಾಮರ್ಥ್ಯವನ್ನು ಹೊಂದಿದೆ
ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಬಯಸುವ ಗ್ರಾಹಕರಿಗಾಗಿ, ಈ ಎರಡೂ ಸ್ಕೂಟರ್‌ಗಳಲ್ಲಿ ಆಧುನಿಕ ತಂತ್ರಜ್ಞಾನಗಳಾದ ಪಾರ್ಕಿಂಗ್ ಅಸಿಸ್ಟ್, ಕ್ರೂಸ್ ಕಂಟ್ರೋಲ್, ರಿವರ್ಸ್ ಅಸಿಸ್ಟ್, ಮತ್ತು ಕೀ-ಫೋಬ್ ಮೂಲಕ ಕೀಲೆಸ್ ಎಂಟ್ರಿ ಅನ್ನು ಹೊಂದಿವೆ. ಗಾರ್ನೆಟ್ ರೆಡ್, ಫ್ರಾಸ್ಟ್ ವೈಟ್, ಜೆಟ್ ಬ್ಲ್ಯಾಕ್ ಮತ್ತು ಸೂಪರ್ ಮೆಟಲ್ ಗ್ರೇ ಸೇರಿದಂತೆ ವಿವಿಧ ಆಕರ್ಷಕ ಬಣ್ಣಗಳಲ್ಲಿ ಈ ಸ್ಕೂಟರ್‌ಗಳನ್ನು ಖರೀದಿಸಬಹುದಾಗಿದೆ. ಈ ಸ್ಕೂಟರ್‌ಗಳ ಬಗ್ಗೆ ಇನ್ನಷ್ಟು ತಿಳಿಯಲು ನಮ್ಮ ಶೋರೂಂಗೆ ಭೇಟಿ ನೀಡಿ.
