ಭಾರತದಲ್ಲಿ ಹೊಸ ಪೀಳಿಗೆಯ Kia Carnival ಕಾರನ್ನು ಖರೀದಿಸಿದ ಮೊದಲ ಗ್ರಾಹಕ ಕ್ರಿಕೆಟಿಗ ಸೂರೇಶ್ ರೈನಾ
ಕಿಯಾ ಇಂಡಿಯಾ (Kia India) ತನ್ನ ಹೊಸ ಪೀಳಿಗೆಯ ಕಾರ್ನೀವಲ್ (Kia Carnival) ಎಂಪಿವಿಯನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಸುರೇಶ್ ರೈನಾ (Suresh Raina) ಅವರು ಈ ಐಷಾರಾಮಿ ವಾಹನವನ್ನು ಮೊದಲಿಗರಾಗಿ ತಮ್ಮದಾಗಿಸಿಕೊಂಡಿದ್ದಾರೆ. ಈ ಪ್ರತಿಷ್ಠಿತ ವಾಹನವು 63.90 ಲಕ್ಷದಂತಹ ಬೆಲೆಬಾಳುವ ವಾಹನವಾಗಿದ್ದರೂ, ಕಿಯಾ ಕಾರ್ನೀವಲ್ ತನ್ನ ಉತ್ತಮ ವಿನ್ಯಾಸ ಮತ್ತು ವೈಶಿಷ್ಟ್ಯಗಳಿಂದಾಗಿ ಗ್ರಾಹಕರನ್ನು ಸೆಳೆಯುತ್ತಿದೆ.
ಈ ವಿಶಿಷ್ಟ ವಾಹನವನ್ನು ಭಾರತದಲ್ಲಿ ಮೊದಲ ಬಾರಿಗೆ ಖರೀದಿಸಿದ ಗೌರವಕ್ಕೆ ಪಾತ್ರರಾದ ಪ್ರಸಿದ್ಧ ಕ್ರಿಕೆಟಿಗ ಸುರೇಶ್ ರೈನಾ (Suresh Raina). ದೆಹಲಿಯ ಜಯಂತಿ ಡೀಲರ್‌ಶಿಪ್‌ನಲ್ಲಿ, ರೈನಾ ಅವರಿಗೆ ಗ್ಲೇಸಿಯರ್ ವೈಟ್ ಪರ್ಲ್ ಬಣ್ಣದ ಆಕರ್ಷಕವಾದ ‘ಕಾರ್ನಿವಲ್ ಲಿಮೋಸಿನ್ ಪ್ಲಸ್’ ಮಾದರಿಯನ್ನು ಹಸ್ತಾಂತರಿಸಲಾಯಿತು. ಸುರೇಶ್ ರೈನಾ ಅವರು ತಮ್ಮ ಹೊಸ ಕಾರಿನೊಂದಿಗೆ ಇರುವ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.
ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಸುರೇಶ್ ರೈನಾ ಅವರು ತಮ್ಮ ಆಕರ್ಷಕ ಆಟದಿಂದ ಕೋಟ್ಯಾಂತರ ಅಭಿಮಾನಿಗಳ ಹೃದಯ ಗೆದ್ದಿದ್ದರು. ಐಪಿಎಲ್‌ನಲ್ಲಿ ‘ಕ್ಯಾಪ್ಟನ್ ಕೂಲ್’ ಎಂ.ಎಸ್. ಧೋನಿಯವರ ನಾಯಕತ್ವದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದ ರೈನಾ ಅವರು, ಆಕ್ರಮಣಕಾರಿ ಬ್ಯಾಟಿಂಗ್‌ಗೆ ಹೆಸರುವಾಸಿಯಾಗಿದ್ದರು. ಅಂತರರಾಷ್ಟ್ರೀಯ ಕ್ರಿಕೆಟ್‌ನ ಎಲ್ಲಾ ಮೂರು ಮಾದರಿಗಳಲ್ಲಿಯೂ ಭಾರತಕ್ಕಾಗಿ ಆಡಿದ ಅವರು, 18 ಟೆಸ್ಟ್ ಪಂದ್ಯಗಳು, 226 ಏಕದಿನ ಪಂದ್ಯಗಳು ಮತ್ತು 78 ಟಿ20 ಪಂದ್ಯಗಳನ್ನು ಆಡಿದ್ದಾರೆ.
ಇದನ್ನೂ ಓದಿ: ಲಕ್ಷುರಿ ಫೀಚರ್ಸ್ ಜೊತೆಗೆ 561Km ರೇಂಜ್, ಕಿಯಾ EV9 ಎಲೆಕ್ಟ್ರಿಕ್ ಕಾರು ಬಿಡುಗಡೆ
2024 ಕಿಯಾ ಕಾರ್ನಿವಲ್: ಎಕ್ಸ್‌ಟೀರಿಯರ್‌
2024 Kia Carnival ಹೊರಭಾಗದ ವಿನ್ಯಾಸವು ಗಮನಾರ್ಹವಾಗಿ ಬದಲಾವಣಿಗೊಂಡಿದೆ. ಹಿಂದಿನ ಮಾದರಿಗಳಿಗೆ ಹೋಲಿಸಿದರೆ, ಇದು ಹೆಚ್ಚು ಆಕರ್ಷಕ ನೋಟವನ್ನು ಹೊಂದಿದೆ. ಮೊದಲ ನೋಟದಲ್ಲಿಯೇ, ಇದು ಒಂದು ಎಸ್‌ಯುವಿಯಂತೆ ಕಂಡುಬರುತ್ತದೆ. ಎಸ್‌ಯುವಿಗಳ ವಿನ್ಯಾಸದಿಂದ ಪ್ರೇರಿತವಾಗಿ, ವಾಹನದ ಮುಂಭಾಗವು ವಿಶಾಲವಾದ ಟೈಗರ್ ನೋಸ್ ಗ್ರಿಲ್‌ ಮತ್ತು ಲಂಬವಾಗಿ ಜೋಡಿಸಲಾದ ಎಲ್ಇಡಿ ಹೆಡ್‌ಲೈಟ್‌ಗಳೊಂದಿಗೆ ಆಕರ್ಷಕವಾಗಿದೆ. ಎಲ್‌ ಆಕಾರದ ಡೇಟೈಮ್‌ ರನ್ನಿಂಗ್‌ ಲೈಟ್‌ಗಳು, , ಟೈಲ್‌ಗೇಟ್‌ನಲ್ಲಿ ಎಲ್ಇಡಿ ಲೈಟ್ ಬಾರ್, ವಾಹನದ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸುತ್ತವೆ. ರೂಫ್ ರೈಲ್‌ಗಳು ಮತ್ತು ಶಾರ್ಕ್ ಫಿನ್ ಆಂಟೆನಾದೊಂದಿಗೆ, ಈ ಎಂಪಿವಿ ಒಂದು ಆಕರ್ಷಕ ನೋಟವನ್ನು ಹೊಂದಿದೆ. ಸ್ಟೈಲಿಶ್ 18-ಇಂಚಿನ ಡೈಮಂಡ್-ಕಟ್ ಅಲಾಯ್‌ ವೀಲ್‌ಗಳು ಅದರ ರಸ್ತೆ ಉಪಸ್ಥಿತಿಯನ್ನು ಇನ್ನಷ್ಟು ಬಲಪಡಿಸುತ್ತವೆ.
ಹೊಸ ಕಾರ್ನೀವಲ್ ಕಾರು ತನ್ನ ವಿಶಾಲವಾದ ಆಯಾಮಗಳಿಂದಾಗಿ ಸಾಕಷ್ಟು ಗಮನ ಸೆಳೆಯುತ್ತದೆ. 5,155 ಮಿಮೀ ಉದ್ದ, 1,995 ಮಿಮೀ ಅಗಲ ಮತ್ತು 1,775 ಮಿಮೀ ಎತ್ತರದೊಂದಿಗೆ, ಈ ಕಾರು ವಿಶಾಲ ಮತ್ತು ಆರಾಮದಾಯಕವಾದ ಪ್ರಯಾಣವನ್ನು ನೀಡುತ್ತದೆ. 3,090 ಮಿಮೀ ವೀಲ್ಬೇಸ್‌ನೊಂದಿಗೆ, ಒಳಾಂಗಣದಲ್ಲಿ ಸಾಕಷ್ಟು ಸ್ಥಳಾವಕಾಶವನ್ನು ಒದಗಿಸುತ್ತದೆ. ಭಾರತೀಯ ಗ್ರಾಹಕರಿಗೆ, ಗ್ಲೇಸಿಯರ್ ವೈಟ್ ಪರ್ಲ್ ಮತ್ತು ಫ್ಯೂಷನ್ ಬ್ಲ್ಯಾಕ್ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ಈ ಕಾರನ್ನು ಆಯ್ಕೆ ಮಾಡುವ ಆಯ್ಕೆ ಇದೆ.
ಇದನ್ನೂ ಓದಿ: ಕಿಯಾ ಸೆಲ್ಟೋಸ್ X-ಲೈನ್ ಈಗ ಹೊಸ ಬಣ್ಣದಲ್ಲಿ ಮಿಂಚುತ್ತಿದೆ
2024 ಕಿಯಾ ಕಾರ್ನೀವಲ್: ಇಂಟೀರಿಯರ್, ವೈಶಿಷ್ಟ್ಯಗಳು
ಈ ಹೊಸ ಕಾರಿನಲ್ಲಿ, ಏಳು ಜನರು ಸುಖವಾಗಿ ಕುಳಿತುಕೊಂಡು ದೂರದ ಪ್ರಯಾಣವನ್ನು ಮಾಡಬಹುದು. 12.3-ಇಂಚಿನ ಟಚ್‌ಸ್ಕ್ರೀನ್‌ನಲ್ಲಿ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಮೂಲಕ ನಿಮ್ಮ ಸ್ಮಾರ್ಟ್‌ಫೋನ್‌ನನ್ನು ಸುಲಭವಾಗಿ ಸಂಪರ್ಕಿಸಬಹುದು. 11-ಇಂಚಿನ ಹೆಡ್-ಅಪ್ ಡಿಸ್ಪ್ಲೇ ಮತ್ತು 12.3-ಇಂಚಿನ ಡಿಜಿಟಲ್ ಡ್ರೈವರ್‌ನ ಡಿಸ್ಪ್ಲೇ ನಿಮಗೆ ಎಲ್ಲಾ ಪ್ರಮುಖ ಮಾಹಿತಿಯನ್ನು ಒಂದೇ ನೋಟದಲ್ಲಿ ನೀಡುತ್ತದೆ. ಒಳಗೆ, ಪ್ರೀಮಿಯಂ 12-ಸ್ಪೀಕರ್ ಬೋಸ್ ಸೌಂಡ್ ಸಿಸ್ಟಮ್, ಡ್ಯುಯಲ್ ಎಲೆಕ್ಟ್ರಿಕ್ ಸನ್ರೂಫ್ಗಳು ಮತ್ತು 3-ಜೋನ್ ಕ್ಲೇಮೇಟ್ ಕಂಟ್ರೋಲ್, 12-ವೇ ಅಡ್ಜೆಸ್ಟ್ ಮಾಡಬಹುದಾದ ಡ್ರೈವರ್ ಸೀಟ್ ಮತ್ತು ವೈರ್‌ಲೆಸ್ ಚಾರ್ಜಿಂಗ್ ಪ್ಯಾಡ್‌ಗಳಿವೆ. 4-ಸ್ಪೋಕ್ ಸ್ಟೀರಿಂಗ್ ವೀಲ್, ಡ್ಯುಯಲ್ ಎಲೆಕ್ಟ್ರಿಕ್ ಸನ್ರೂಫ್ಗಳು ಸೇರಿದಂತೆ ಹಲವು ವೈಶಿಷ್ಟ್ಯಗಳು ಇವೆ.
ಈ ವಾಹನವು ಅತ್ಯಾಧುನಿಕ ಸುರಕ್ಷತಾ ವೈಶಿಷ್ಟ್ಯಗಳನ್ನು ಹೊಂದಿದೆ. 8 ಏರ್‌ಬ್ಯಾಗ್‌ಗಳು, ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಹಿಲ್ ಅಸಿಸ್ಟ್ ಕಂಟ್ರೋಲ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ರಿಯರ್ ಮತ್ತು ಸೈಡ್ ಪಾರ್ಕಿಂಗ್ ಸಂವೇದಕಗಳು, 360 ಡಿಗ್ರಿ ಕ್ಯಾಮೆರಾ ಮತ್ತು ಎಬಿಎಸ್ ಜೊತೆ ಇಬಿಡಿ. ಹೆಚ್ಚುವರಿಯಾಗಿ, ಇದು ಲೆವೆಲ್-2 ಎಡಿಎಎಸ್ ವ್ಯವಸ್ಥೆಯನ್ನು ಹೊಂದಿದ್ದು, ಲೇನ್ ಕೀಪ್ ಅಸಿಸ್ಟ್, ಲೇನ್ ಡಿಪಾರ್ಚರ್ ವಾರ್ನಿಂಗ್, ಬ್ಲೈಂಡ್ ಸ್ಪಾಟ್ ಘರ್ಷಣೆ ವಾರ್ನಿಂಗ್, ಫ್ರಂಟ್ ಕೊಲಿಷನ್ ವಾರ್ನಿಂಗ್ ಮತ್ತು ಅವಾಯ್ಡೆನ್ಸ್ ಅಸಿಸ್ಟ್, ಹೈ ಬೀಮ್ ಅಸಿಸ್ಟ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ ಮುಂತಾದ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಈ ವೈಶಿಷ್ಟ್ಯಗಳು ನಿಮಗೆ ರಸ್ತೆಯಲ್ಲಿ ಸುರಕ್ಷಿತ ಪ್ರಯಾಣವನ್ನು ಖಚಿತಪಡಿಸುತ್ತವೆ.
ಇದನ್ನೂ ಓದಿ: ಭಾರತದಲ್ಲಿ 4.5 ಲಕ್ಷ ಕಿಯಾ ಸೋನೆಟ್‌ ಮಾರಾಟದೊಂದಿಗೆ ಹೊಸ ದಾಖಲೆ
2024 ಕಿಯಾ ಕಾರ್ನೀವಲ್: ಪವರ್‌ಟ್ರೇನ್
ಭಾರತೀಯ ಮಾರುಕಟ್ಟೆಯಲ್ಲಿ, ಕಿಯಾ ಕಾರ್ನಿವಲ್(Kia Carnival) ಕೇವಲ ಒಂದು ಎಂಜಿನ್ ಆಯ್ಕೆಯೊಂದಿಗೆ ಲಭ್ಯವಿದೆ. ಇದು ಕಂಪನಿಯ ವಿಶ್ವಾಸಾರ್ಹ ಸ್ಮಾರ್ಟ್‌ಸ್ಟ್ರೀಮ್ 2.2-ಲೀಟರ್, 4 ಸಿಲಿಂಡರ್, ಸಿಆರ್ಡಿಐ ಟರ್ಬೋಚಾರ್ಜ್ಡ್ ಡೀಸೆಲ್ ಎಂಜಿನ್ ಆಗಿದ್ದು, ಇದು ಹಿಂದಿನ ಮಾದರಿಯಲ್ಲೂ ಬಳಕೆಯಾಗಿತ್ತು. ಈ ಶಕ್ತಿಶಾಲಿ ಎಂಜಿನ್ 193 ಅಶ್ವಶಕ್ತಿಯ ಬಿಎಚ್‌ಪಿ ಶಕ್ತಿ ಮತ್ತು 441 ಎನ್‌ಎಂ ಗರಿಷ್ಠ ಟಾರ್ಕ್‌ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ 8 ಸ್ಪೀಡ್‌ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ ಹೊಂದಿದೆ. ಮತ್ತು ವಾಹನದ ಮುಂಭಾಗದ ಚಕ್ರಗಳಿಗೆ ಶಕ್ತಿಯನ್ನು ವರ್ಗಾಯಿಸುತ್ತದೆ. ಆದರೆ ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ವಿನ್ಯಾಸಗೊಳಿಸಲಾದ ಆವೃತ್ತಿಯು 3.5-ಲೀಟರ್ V6 ಪೆಟ್ರೋಲ್ ಎಂಜಿನ್ ಮತ್ತು 1.6-ಲೀಟರ್ ಟರ್ಬೋ-ಪೆಟ್ರೋಲ್ ಹೈಬ್ರಿಡ್ ಎಂಜಿನ್‌ನೊಂದಿಗೆ ಬರುತ್ತದೆ.
