ಸಿಟ್ರೋಯನ್ C3 (Citroen C3) ಹ್ಯಾಚ್‌ಬ್ಯಾಕ್ ಮತ್ತು C3 ಎರ್ಕ್ರಾಸ್(C3 Aircross) ಎಸ್ಯುವಿ ಮಾದರಿಗಳು ಮಾರುಕಟ್ಟೆಯಲ್ಲಿ ಲಭ್ಯವಾಗಿದ್ದ ಕೆಲವು ಕಾಲದ ನಂತರ, ಇತ್ತೀಚೆಗೆ ಗಮನಾರ್ಹ ನವೀಕರಣಗಳನ್ನು ಪಡೆದುಕೊಂಡಿವೆ. ಹೊಸ ಆವೃತ್ತಿಗಳು ಹೆಚ್ಚುವರಿ ಸೌಕರ್ಯ, ಅನುಕೂಲತೆ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬಂದಿವೆ, ಇವುಗಳಲ್ಲಿ ಕೆಲವು ವೈಶಿಷ್ಟಗಳು ಇತ್ತೀಚೆಗೆ ಅನಾವರಣಗೊಂಡ ಸಿಟ್ರೋಯನ್ ಬಾಸಾಲ್ಟ್ ಎಸ್ಯುವಿ ಕೂಪ್ ಮಾದರಿಯಲ್ಲಿಯೂ ಕಂಡುಬರುತ್ತವೆ.
ಹೊಸ ಮಾದರಿಗಳು ಗ್ರಾಹಕರು ದೀರ್ಘಕಾಲದಿಂದ ಬಯಸುತ್ತಿದ್ದ ವೈಶಿಷ್ಟ್ಯಗಳನ್ನು ಒಳಗೊಂಡಿವೆ. ಈ ನವೀಕರಿಸಿದ ಆವೃತ್ತಿಗಳು ಮುಂಬರುವ ವಾರಗಳಲ್ಲಿ ಮಾರುಕಟ್ಟೆಯನ್ನು ತಲುಪಲು ಸಜ್ಜಾಗಿವೆ, ಆದರೆ ಹೆಚ್ಚುವರಿ ವೈಶಿಷ್ಟಗಳಿಂದಾಗಿ ಈ ಕಾರುಗಳ ಬೆಲೆಯಲ್ಲಿ ಗಮನಾರ್ಹ ಏರಿಕೆಗೆ ಕಾರಣವಾಗಬಹುದು.
ಸಿಟ್ರೋಯನ್ C3 ಮತ್ತು C3 ಎರ್ಕ್ರಾಸ್ ವೈಶಿಷ್ಟ್ಯಗಳು
ಹೊಸ ಸಿಟ್ರೋಯನ್ ಮಾದರಿಗಳ ಬಾಹ್ಯ ನೋಟದಲ್ಲಿ ಹೆಚ್ಚಿನ ಬದಲಾವಣೆಗಳಿಲ್ಲದಿದ್ದರೂ, ಹಳೆಯ ಹ್ಯಾಲೊಜನ್ ಹೆಡ್‌ಲೈಟ್‌ಗಳ ಬದಲಿಗೆ ಈಗ ಎಲ್ಇಡಿ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳನ್ನು ಅಳವಡಿಸಲಾಗಿದೆ. ಹೊಸ ಮಾದರಿಗಳಲ್ಲಿ ಸೈಡ್ ಮಿರರ್‌ಗಳಿಗೆ ಟರ್ನ್ ಇಂಡಿಕೇಟರ್‌ಗಳನ್ನು ಸೇರಿಸಲಾಗಿದ್ದು, ಹಿಂದಿನ ಸೈಡ್ ಮಿರರ್‌ಗಳಿದ್ದ ಜಾಗದಲ್ಲಿ ಈಗ ಹೊಸ ಸಿಟ್ರೋಯನ್ ಬ್ಯಾಡ್ಜ್ ಕಾಣಿಸುತ್ತದೆ. ಇದಲ್ಲದೆ, ಉತ್ತಮ ಕಾರ್ಯಕ್ಷಮತೆಗಾಗಿ ವಾಷರ್‌ನೊಂದಿಗೆ ಹಿಂಭಾಗದ ವಿಂಡ್‌ಶೀಲ್ಡ್ ವೈಪರ್ ಅನ್ನು ನವೀಕರಿಸಲಾಗಿದೆ.
ಒಳಭಾಗದ ಡ್ಯಾಶ್‌ಬೋರ್ಡ್ ಹಿಂದಿನ ಮಾದರಿಗಳಿಗೆ ಹೋಲುತ್ತದೆಯಾದರೂ, C3 ಮಾದರಿಯಲ್ಲಿ C3 ಎರ್ಕ್ರಾಸ್ ಎಸ್‌ಯುವಿಯಿಂದ ಪ್ರೇರಣೆ ಪಡೆದ ಹೊಸ 7 ಇಂಚಿನ ಡ್ರೈವರ್ ಡಿಸ್ಪ್ಲೇ ಇದೆ. ಆಟೋಮೆಟಿಕ್ ಎಸಿ ಮತ್ತು ಡೋರ್ ಪ್ಯಾನೆಲ್ಗಳಲ್ಲಿ ಎಲೆಕ್ಟ್ರಾನಿಕ್ ಪವರ್ ವಿಂಡೋ ನಿಯಂತ್ರಣಗಳು ಸೇರಿ ಹೊಸ ವೈಶಿಷ್ಟ್ಯಗಳನ್ನು ಸೇರಿಸಲಾಗಿದೆ. ಆದಾಗ್ಯೂ, ಯಾವುದೇ ಸಿಟ್ರೋಯನ್ ಮಾದರಿಯಲ್ಲಿ ಪುಶ್-ಬಟನ್ ಸ್ಟಾರ್ಟ್-ಸ್ಟಾಪ್ ವೈಶಿಷ್ಟ್ಯವನ್ನು ಸೇರಿಸಲಾಗಿಲ್ಲ.
ಎರಡೂ ಮಾದರಿಗಳು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಹೊಂದಿರುವ 10.2 ಇಂಚಿನ ಟಚ್‌ಸ್ಕ್ರೀನ್ ಮನರಂಜನಾ ವ್ಯವಸ್ಥೆಯಂತಹ ಆಕರ್ಷಕ ವೈಶಿಷ್ಟ್ಯಗಳನ್ನು ಒಳಗೊಂಡಿವೆ. ಸ್ಟೀರಿಂಗ್ ವೀಲ್ ನಿಂದ ಆಡಿಯೋವನ್ನು ಸುಲಭವಾಗಿ ನಿಯಂತ್ರಿಸಬಹುದು ಮತ್ತು ಚಾಲಕನ ಸೀಟ್ ಎತ್ತರವನ್ನು ಹೊಂದಿಸಬಹುದು. ಹೆಚ್ಚುವರಿಯಾಗಿ, ಎಸ್ಯುವಿ ಮಾದರಿಯಲ್ಲಿ ಹಿಂಬದಿಯ ಪ್ರಯಾಣಿಕರಿಗೆ ಅನುಕೂಲವಾಗಲೆಂದು ಸೀಲಿಂಗ್‌ನಲ್ಲಿ ಎಸಿ ವೆಂಟ್‌ಗಳನ್ನು ಜೋಡಿಸಲಾಗಿದೆ .
ಸಿಟ್ರೋಯನ್ ನಿಮ್ಮ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು. ಎರಡೂ ಮಾದರಿಗಳಲ್ಲಿ ಆರು ಏರ್ಬ್ಯಾಗ್ಗಳನ್ನು ಸ್ಟ್ಯಾಂಡರ್ಡ್ ವೈಶಿಷ್ಟ್ಯವಾಗಿ ಸೇರಿಸಲಾಗಿದೆ, ಹಾಗೆಯೇ ಹಿಲ್ ಹೋಲ್ಡ್ ಅಸಿಸ್ಟ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಂಎಸ್) ಮತ್ತು ರಿಯರ್ ಪಾರ್ಕಿಂಗ್ ಕ್ಯಾಮೆರಾವನ್ನು ಸೇರಿಸುವ ಮೂಲಕ ಸಿಟ್ರೋಯನ್ ಸುರಕ್ಷತಾ ಕ್ರಮಗಳನ್ನು ಹೆಚ್ಚಿಸಿದ್ದಾರೆ.
ಸಿಟ್ರೋಯನ್ C3 ಮತ್ತು C3 ಎರ್ಕ್ರಾಸ್ ಪವರ್‌ಟ್ರೇನ್
ಸಿಟ್ರೋನ್ ಸಿ3 ವಾಹನವು ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ. ಮೊದಲನೆಯದು 1.2 ಲೀಟರ್‌ನ ಟರ್ಬೋ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 110 ಬಿಎಚ್‌ಪಿ ಪವರ್ ಮತ್ತು 190 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‌ಗೆ 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಜೋಡಿಸಲಾಗಿದೆ. ಎರಡನೆಯ ಆಯ್ಕೆಯು 1.2 ಲೀಟರ್‌ನ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 82 ಬಿಎಚ್‌ಪಿ ಪವರ್ ಮತ್ತು 115 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ ಮತ್ತು 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಜೊತೆಗೆ ಬರುತ್ತದೆ.
ಸಿಟ್ರೊಯೆನ್ ಸಿ3 ಎರ್ಕ್ರಾಸ್ ವಾಹನವು 1.2 ಲೀಟರ್‌ನ ಪೆಟ್ರೋಲ್ ಟರ್ಬೋ ಎಂಜಿನ್‌ನೊಂದಿಗೆ ಬರುತ್ತದೆ. ಈ ಎಂಜಿನ್ 110 ಬಿಎಚ್‌ಪಿ ಪವರ್ ಉತ್ಪಾದಿಸುತ್ತದೆ ಮತ್ತು ಗರಿಷ್ಠ 205 ಎನ್ಎಂ ಟಾರ್ಕ್ ಅನ್ನು ನೀಡುತ್ತದೆ. ಈ ಎಂಜಿನ್‌ಗ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅಥವಾ ಆಯ್ಕೆಗೆ ಅನುಗುಣವಾಗಿ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ನೊಂದಿಗೆ ಬರುತ್ತದೆ.
Citroen C3 and C3 Aircross: ಬೆಲೆಗಳು
ಸಿಟ್ರೊಯೆನ್‌ನ ಹೊಸ ಮಾದರಿಗಳ ಬೆಲೆಯನ್ನು ಇನ್ನೂ ಪ್ರಕಟಿಸಲಾಗಿಲ್ಲ. ಹೆಚ್ಚುವರಿ ವೈಶಿಷ್ಟ್ಯಗಳಿಂದಾಗಿ ಬೆಲೆ ಸ್ವಲ್ಪ ಹೆಚ್ಚಾಗುವ ಸಾಧ್ಯತೆ ಇದೆ. ನವೀಕರಣಗಳ ಮೊದಲು, ಸಿಟ್ರೊಯೆನ್ ಸಿ3 ರ ಬೆಲೆ 6.16 ಲಕ್ಷ ರೂಪಾಯಿಗಳಿಂದ 9 ಲಕ್ಷ ರೂಪಾಯಿಗಳವರೆಗೆ ಇತ್ತು ಮತ್ತು ಸಿ3 ಎರ್ಕ್ರಾಸ್‌ನ ಬೆಲೆ 9.99 ಲಕ್ಷ ರೂಪಾಯಿಗಳಿಂದ 14.11 ಲಕ್ಷ ರೂಪಾಯಿಗಳವರೆಗೆ ಇತ್ತು.
ಇದನ್ನೂ ಓದಿ: ಟಾಟಾ ಕರ್ವ್ ಇವಿಯ ಕಿಲೋಮೀಟರ್ ರೇಂಜ್ ಮತ್ತು ಬ್ಯಾಟರಿ ಪ್ಯಾಕ್ ವಿಶೇಷತೆಗಳು
