Citroen Aircross: ಸಿಟ್ರನ್ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಎಡಿಷನ್ ಏರ್‌ಕ್ರಾಸ್ ಪ್ಲಸ್ ಮತ್ತು ಮ್ಯಾಕ್ಸ್ ವೇರಿಯಂಟ್ಗಳಲ್ಲಿ ಲಭ್ಯವಿದೆ
ಸಿಟ್ರನ್ ಇಂಡಿಯಾ(Citroen India) ಇಂದು ತನ್ನ ಜನಪ್ರಿಯ ಏರ್‌ಕ್ರಾಸ್ ಎಸ್‌ಯುವಿಯ ಸೀಮಿತ ಆವೃತ್ತಿಯಾದ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ (Citroen Aircross Xplorer Edition) ಅನ್ನು ಬಿಡುಗಡೆ ಮಾಡಿದೆ. ಸಾಹಸ ಪ್ರಿಯರು ಮತ್ತು ವಿಶಿಷ್ಟ ವಿನ್ಯಾಸದ ಅಭಿಮಾನಿಗಳನ್ನು ಗಮನದಲ್ಲಿಟ್ಟುಕೊಂಡು ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಈ ಆವೃತ್ತಿಯು ಅನೇಕ ಹೊಸ ವೈಶಿಷ್ಟ್ಯಗಳನ್ನು ಹೊಂದಿದೆ. ಕಂಪನಿಯ ಪ್ರಕಾರ, ಈ ವಾಹನವು ತನ್ನ ಪ್ರೀಮಿಯಂ ಚಾಲನಾ ಅನುಭವದೊಂದಿಗೆ ವ್ಯಾಪಕ ಶ್ರೇಣಿಯ ಗ್ರಾಹಕರನ್ನು ಆಕರ್ಷಿಸುವ ನಿರೀಕ್ಷೆಯಿದೆ.
ಸಿಟ್ರನ್ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಎಡಿಷನ್ ಕಾರಿನ ಬೆಲೆ 10.23 ಲಕ್ಷ ರೂಪಾಯಿಗಳಿಂದ 15.06 ಲಕ್ಷ ರೂಪಾಯಿಗಳವರೆಗೆ ಇರುತ್ತದೆ. ಚಾಲನಾ ಅನುಭವವನ್ನು ಇನ್ನಷ್ಟು ಸುಧಾರಿಸುವ ನಿಟ್ಟಿನಲ್ಲಿ, ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಆವೃತ್ತಿಯು ಗ್ರಾಹಕರಿಗೆ ಎರಡು ಆಕರ್ಷಕ ಪ್ಯಾಕೇಜ್‌ಗಳನ್ನು ನೀಡುತ್ತದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಮಾದರಿಯ ಸಾಮಾನ್ಯ ಪ್ಯಾಕೇಜ್‌ನ ಬೆಲೆ ರೂ. 24,000 ಆಗಿದ್ದರೆ, ಹೊಸ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಆವೃತ್ತಿಯ ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಬರುವ ಐಚ್ಛಿಕ ಪ್ಯಾಕೇಜ್‌ನ ಬೆಲೆ ರೂ. 51,700 ಆಗಿದೆ. ಈ ಐಚ್ಛಿಕ ಪ್ಯಾಕೇಜ್‌ನೊಂದಿಗೆ, ಹಿಂಬದಿ ಸೀಟಿನ ಪ್ರಯಾಣಿಕರಿಗೆ ಡ್ಯುಯಲ್-ಪೋರ್ಟ್ ಅಡಾಪ್ಟರ್‌ನ ಸಹಾಯದಿಂದ ಮನರಂಜನೆಯ ಅನುಭವವನ್ನು ಹೆಚ್ಚಿಸಲಾಗಿದೆ.
ಇದನ್ನೂ ಓದಿ: ಸಿಟ್ರೊಯೆನ್ ಏರ್‌ಕ್ರಾಸ್ 7-ಸೀಟರ್ ಫ್ಯಾಮಿಲಿ ಎಸ್ಯುವಿ ಕೇವಲ ರೂ. 8.49 ಲಕ್ಷಕ್ಕೆ ಲಾಂಚ್!
ಸಿಟ್ರನ್ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಎಡಿಷನ್: ವಿನ್ಯಾಸ, ವೈಶಿಷ್ಟ್ಯಗಳು
ಈ ವಿಶೇಷ ಆವೃತ್ತಿಯು ವಾಹನದ ವಿನ್ಯಾಸ ಮತ್ತು ಕಾರ್ಯಕ್ಷಮತೆಯನ್ನು ಹೊಸ ಎತ್ತರಕ್ಕೆ ಏರಿಸುವ ಹಲವಾರು ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಇದರಲ್ಲಿ ಸುರಕ್ಷತೆಯನ್ನು ಹೆಚ್ಚಿಸುವ ಡ್ಯಾಶ್‌ಕ್ಯಾಮ್, ಪ್ರಯಾಣಿಕರಿಗೆ ಪ್ರೀಮಿಯಂ ಅನುಭವವನ್ನು ನೀಡುವ ಫುಟ್‌ವೆಲ್ ಲೈಟಿಂಗ್, ಇಲ್ಯುಮಿನೇಟೆಡ್ ಸಿಲ್ ಪ್ಲೇಟ್‌ಗಳು ಮತ್ತು ಆಕರ್ಷಕವಾದ ಹುಡ್ ಗಾರ್ನಿಶ್ ಸೇರಿವೆ. ಕಂಪನಿಯ ಪ್ರಕಾರ, ಈ ವೈಶಿಷ್ಟ್ಯಗಳು ವಾಹನದ ಪ್ರೀಮಿಯಂ ಅನುಭವವನ್ನು ಹೊಸ ಆಯಾಮಕ್ಕೆ ಕೊಂಡೊಯ್ಯುತ್ತವೆ.
ಸಿಟ್ರನ್ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್‌ಗೆ (Citroen Aircross Xplorer) ಸ್ಪೋರ್ಟಿ ಟಚ್ ನೀಡಲು, ಬೋಲ್ಡ್ ಬಾಡಿ ಡಿಕಾಲ್‌ಗಳು ಮತ್ತು ಖಾಕಿ ಬಣ್ಣದ ಇಂಟೇಕ್‌, ಡೋರ್ ಕ್ಲಾಡಿಂಗ್ಗಳನ್ನು ಬಳಸಿಕೊಂಡು ಹೊರಭಾಗವನ್ನು ಸುಧಾರಿಸಲಾಗಿದೆ. ಈ ವಾಹನದಲ್ಲಿ ದೂರದ ಪ್ರಯಾಣಗಳನ್ನು ಇನ್ನಷ್ಟು ಆನಂದದಾಯಕವಾಗಿಸಲು, ಹಿಂಬದಿ ಸೀಟಿನಲ್ಲಿ ಇನ್‌ಫೋಟೈನ್ಮೆಂಟ್ ವ್ಯವಸ್ಥೆಯನ್ನು ಆಯ್ಕೆ ಮಾಡುವ ಸೌಲಭ್ಯವನ್ನು ನೀಡಲಾಗಿದೆ. ಏರ್‌ಕ್ರಾಸ್ ಐದು ಅಥವಾ ಏಳು ಆಸನಗಳ ಆಯ್ಕೆಯೊಂದಿಗೆ ನಿಮ್ಮ ಅಗತ್ಯಗಳನ್ನು ಪೂರೈಸುತ್ತದೆ.
ಇದನ್ನೂ ಓದಿ: ಬಜೆಟ್‌ಗೆ ಸರಿಹೊಂದುವ ಸಿಟ್ರನ್ ಬಸಾಲ್ಟ್ ಎಸ್ಯುವಿ ಕೂಪೆ ಬಿಡುಗಡೆ
ಸಿಟ್ರನ್ ಏರ್‌ಕ್ರಾಸ್ ಎಕ್ಸ್‌ಪ್ಲೋರರ್ ಎಡಿಷನ್: ಪವರ್‌ಟ್ರೇನ್
ಏರ್‌ಕ್ರಾಸ್ 1.2-ಲೀಟರ್ ಪೆಟ್ರೋಲ್ ಎಂಜಿನ್‌ನ ಎರಡು ಆವೃತ್ತಿಗಳೊಂದಿಗೆ ಲಭ್ಯವಿದೆ. ಟರ್ಬೋಚಾರ್ಜ್ಡ್ ಎಂಜಿನ್ 109 bhp ಶಕ್ತಿ ಮತ್ತು 190 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಮತ್ತು ಸಾಮಾನ್ಯ ಎಂಜಿನ್ 81 bhp ಶಕ್ತಿ ಮತ್ತು 115 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ ಮತ್ತು ಇಂಧನ ದಕ್ಷತೆಯನ್ನು ಹೆಚ್ಚಿಸುತ್ತದೆ. ಟರ್ಬೋ ಎಂಜಿನ್‌ನೊಂದಿಗೆ ಆರು-ಸ್ಪೀಡ್ ಮ್ಯಾನುವಲ್ ಅಥವಾ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆ ಮಾಡಬಹುದು. ಆದರೆ ಸಾಮಾನ್ಯ ಎಂಜಿನ್ ಐದು-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದೆ.
