Maruti Dzire: ಮಾರುತಿ ಸುಜುಕಿ ಡಿಜೈರ್ 5 ಸ್ಟಾರ್ ಸೇಫ್ಟಿ ರೇಟಿಂಗ್ ಜೊತೆಗೆ ಗ್ರಾಹಕರಿಗೆ ಹೊಸ ಭರವಸೆ
ಮಾರುತಿ ಸುಜುಕಿ ಇಂಡಿಯಾ (Maruti Suzuki India) ಕಂಪನಿಯು ತನ್ನ ಗ್ರಾಹಕರ ನಿರೀಕ್ಷೆಗಳನ್ನು ಮೀರಿ, ನವೆಂಬರ್ 11 ರಂದು ನಾಲ್ಕನೇ ತಲೆಮಾರಿನ ಡಿಜೈರ್ ಸೆಡಾನ್ ಕಾರನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಈ ಹೊಸ ಮಾದರಿಯು ಗ್ಲೋಬಲ್ ಎನ್‌ಸಿಎಪಿ ಸುರಕ್ಷತಾ ಪರೀಕ್ಷೆಯಲ್ಲಿ 5-ಸ್ಟಾರ್‌ಗಳನ್ನು ಗಳಿಸುವ ಮೂಲಕ ಮಾರುತಿ ಸುಜುಕಿ ಕಂಪನಿಗೆ ಹೆಮ್ಮೆಯನ್ನು ತಂದಿದೆ. ಇದು ಮಾರುತಿ ಸುಜುಕಿ ಕಂಪನಿಯ ವಾಹನಗಳು ಸುರಕ್ಷತೆಯ ವಿಷಯದಲ್ಲಿ ಎಷ್ಟು ಮುಂದುವರಿದಿವೆ ಎಂಬುದಕ್ಕೆ ಉತ್ತಮ ಉದಾಹರಣೆಯಾಗಿದೆ.
ಗ್ಲೋಬಲ್ ಎನ್‌ಸಿಎಪಿ ನಡೆಸಿದ ಕಠಿಣ ಸುರಕ್ಷತಾ ಪರೀಕ್ಷೆಯಲ್ಲಿ ಮಾರುತಿ ಸುಜುಕಿ ಡಿಜೈರ್ (Maruti Suzuki Dzire) ಅತ್ಯುತ್ತಮವೆಂದು ನಿರೂಪಿಸಿಕೊಂಡಿದೆ. ವಯಸ್ಕರ ರಕ್ಷಣೆ ವಿಭಾಗದಲ್ಲಿ 34ಕ್ಕೆ 31.24 ಅಂಕಗಳನ್ನು ಮತ್ತು ಮಕ್ಕಳ ರಕ್ಷಣೆ ವಿಭಾಗದಲ್ಲಿ 42ಕ್ಕೆ 39.20 ಅಂಕಗಳನ್ನು ಗಳಿಸುವ ಮೂಲಕ, ಡಿಜೈರ್ ತನ್ನ ಸುರಕ್ಷತಾ ಮಾನದಂಡಗಳನ್ನು ಸಾಬೀತುಪಡಿಸಿದೆ. ಈ ಅತ್ಯುತ್ತಮ ರೇಟಿಂಗ್‌ಗಳು ಡಿಜೈರ್ ಕಾರನ್ನು ಸುರಕ್ಷಿತ ಪ್ರಯಾಣಕ್ಕೆ ಅತ್ಯಂತ ಸೂಕ್ತ ಆಯ್ಕೆಯನ್ನಾಗಿ ಮಾಡುತ್ತದೆ.
ಇದನ್ನೂ ಓದಿ: 33 ಕಿ.ಮೀ ಮೈಲೇಜ್ ನೊಂದಿಗೆ ಹೊಸ ಮಾರುತಿ ಡಿಜೈರ್ ಬುಕಿಂಗ್ ಪ್ರಾರಂಭ
ಗ್ಲೋಬಲ್ NCAP ಕ್ರಾಶ್ ಪರೀಕ್ಷೆಯಲ್ಲಿ ಮಾರುತಿ ಸುಜುಕಿ ಡಿಜೈರ್ ಕಾರು ಗಮನಾರ್ಹ ಸಾಧನೆ ಮಾಡಿದೆ. ವಯಸ್ಕ ಪ್ರಯಾಣಿಕರ ಸುರಕ್ಷತೆಗಾಗಿ 34ರಲ್ಲಿ 31.24 ಅಂಕಗಳನ್ನು ಮತ್ತು ಮಕ್ಕಳ ಸುರಕ್ಷತೆಗಾಗಿ 49ರಲ್ಲಿ 39.20 ಅಂಕಗಳನ್ನು ಗಳಿಸುವ ಮೂಲಕ ಈ ಕಾರು 5-ಸ್ಟಾರ್ ರೇಟಿಂಗ್‌ಗೆ ಪಾತ್ರವಾಗಿದೆ. ಇದು ಮಾರುತಿ ಸುಜುಕಿಯ ಇತಿಹಾಸದಲ್ಲಿ ಮೊದಲ 5-ಸ್ಟಾರ್ ರೇಟಿಂಗ್ ಪಡೆದ ಕಾರು ಎಂಬುದು ಗಮನಾರ್ಹ ಸಂಗತಿ. ಟಾಟಾ ಮತ್ತು ಮಹೀಂದ್ರದಂತಹ ಇತರ ಭಾರತೀಯ ವಾಹನ ತಯಾರಕ ಕಂಪನಿಗಳ ಕಾರುಗಳು ಈ ಹಿಂದೆಯೇ 5-ಸ್ಟಾರ್ ರೇಟಿಂಗ್‌ಗಳನ್ನು ಗಳಿಸಿದ್ದರೂ, ಮಾರುತಿ ಸ್ವಿಫ್ಟ್ ಡಿಝೈರ್ ಈಗ ಆ ಗುಂಪಿಗೆ ಸೇರ್ಪಡೆಯಾಗಿದೆ.
ಇದನ್ನೂ ಓದಿ: ಭಾರತ್ ಎನ್ ಸಿಎಪಿ ಕ್ರಾಶ್ ಟೆಸ್ಟ್ ನಲ್ಲಿ ಟಾಟಾ ಕರ್ವ್ ಮತ್ತು ಕರ್ವ್ ಇವಿ ಕಾರಿಗೆ 5 ಸ್ಟಾರ್ ರೇಟಿಂಗ್
ನೀವು ಕೈಗೆಟುಕುವ ಬೆಲೆಯಲ್ಲಿ ಉತ್ತಮ ಮೈಲೇಜ್ ನೀಡುವ ಕಾರು ಹುಡುಕುತ್ತಿದ್ದರೆ, ಮಾರುತಿ ಸುಜುಕಿ ನಿಮ್ಮ ಮೊದಲ ಆಯ್ಕೆಯಾಗಿರಬಹುದು. ಆದರೆ, ಸುರಕ್ಷತೆಯ ವಿಷಯದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳಲು ಇಷ್ಟವಿಲ್ಲದಿದ್ದರೆ, ಹೊಸ ಮಾರುತಿ ಸ್ವಿಫ್ಟ್ ಡಿಜೈರ್ (Maruti Suzuki Dzire) ನಿಮಗಾಗಿ ಸೂಕ್ತ ಆಯ್ಕೆಯಾಗಿದೆ. ನವೆಂಬರ್ 11 ರಂದು, ಈ ಹೊಸ ಡಿಜೈರ್ ಕಾರು ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ನಿಮ್ಮ ಹತ್ತಿರದ ಡೀಲರ್‌ಗೆ ಭೇಟಿ ನೀಡಿ ಅಥವಾ ಆನ್‌ಲೈನ್‌ನಲ್ಲಿ ಬುಕ್ ಮಾಡಿ., ನಿಮ್ಮ ಕನಸಿನ ಕಾರನ್ನು ಕೇವಲ 11,000 ರೂ.ಗಳಿಗೆ ಬುಕ್ ಮಾಡಿಕೊಳ್ಳಿ.
Maruti Dzire: ಮಾರುತಿ ಡಿಜೈರ್ ಪವರ್‌ಟ್ರೇನ್
ಹೊಸ ಮಾರುತಿ ಡಿಝೈರ್ (Maruti Dzire) ಕಾರು ತನ್ನ ಸೊಗಸಾದ ವಿನ್ಯಾಸ ಮತ್ತು ಶಕ್ತಿಶಾಲಿ ಎಂಜಿನ್‌ನೊಂದಿಗೆ ಗಮನ ಸೆಳೆಯುತ್ತಿದೆ. ಪೆಟ್ರೋಲ್ ಮತ್ತು ಸಿಎನ್‌ಜಿ ಎಂಜಿನ್ ಆಯ್ಕೆಗಳೊಂದಿಗೆ, ಮಾನ್ಯುಯಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್ ಆಯ್ಕೆಗಳನ್ನು ಒಳಗೊಂಡ ಈ ಕಾರು, ಚಾಲಕರಿಗೆ ಆರಾಮದಾಯಕ ಮತ್ತು ಆನಂದದಾಯಕ ಸವಾರಿಯನ್ನು ನೀಡುತ್ತದೆ. 1.2 ಲೀಟರ್, 3 ಸಿಲಿಂಡರ್ ಎಂಜಿನ್‌ನೊಂದಿಗೆ, ಕಾರು ಉತ್ತಮ ಮೈಲೇಜ್ ಮತ್ತು ಆಕರ್ಷಕ ನೋಟವನ್ನು ಹೊಂದಿದೆ. ಪೆಟ್ರೋಲ್ ವೇರಿಯೆಂಟ್‌ನ 82 PS ಪವರ್ ಮತ್ತು 112 Nm ಟಾರ್ಕ್ ನೀವು ರಸ್ತೆಯಲ್ಲಿ ಚುರುಕಾಗಿ ಚಲಿಸಲು ಸಹಾಯ ಮಾಡುತ್ತದೆ. ಸಿಎನ್‌ಜಿ ವೇರಿಯೆಂಟ್‌ನ 70 PS ಪವರ್ ಮತ್ತು 102 Nm ಟಾರ್ಕ್ ಪರಿಸರ ಸ್ನೇಹಿ ಆಯ್ಕೆಯಾಗಿದೆ.
