ಭಾರತದಲ್ಲಿ ಹೊಸದಾಗಿ ಪರಿಚಯವಾದ BYD eMax 7ಎಂಪಿವಿ ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ
ಚೀನಾದ ಪ್ರಮುಖ ವಾಹನ ತಯಾರಿಕಾ ಕಂಪನಿಗಳಲ್ಲಿ ಒಂದಾದ ಬಿಲ್ಡ್ ಯುವರ್ ಡ್ರೀಮ್ (BYD) ಕಂಪನಿಯು ಭಾರತೀಯ ಗ್ರಾಹಕರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಹೊಸ ಎಂಪಿವಿ ಮಾದರಿಯಾದ ಇಮ್ಯಾಕ್ಸ್ 7 (BYD eMax 7) ಅನ್ನು ಬಿಡುಗಡೆ ಮಾಡಿದೆ. ಎಲೆಕ್ಟ್ರಿಕ್ ವಾಹನಗಳ ಕ್ಷೇತ್ರದಲ್ಲಿ ವಿಶ್ವದ ಅಗ್ರಗಣ್ಯ ಕಂಪನಿಯಾಗಿ ಹೆಸರು ಮಾಡಿರುವ ಬಿವೈಡಿ, ಈ ಹೊಸ ಮಾದರಿಯ ಮೂಲಕ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಪಾಲನ್ನು ಹೆಚ್ಚಿಸುವ ನಿರೀಕ್ಷೆಯಲ್ಲಿದೆ. ಈ ಮಾದರಿಯ ಆರಂಭಿಕ ಎಕ್ಸ್ ಶೋರೂಂ ಬೆಲೆ ರೂ. 26.90 ಲಕ್ಷವಾಗಿದ್ದು, ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಬರುವ ಟಾಪ್ ಎಂಡ್ ಮಾದರಿಯ ಬೆಲೆ ರೂ. 29.90 ಲಕ್ಷವಾಗಿದೆ.
ಇಮ್ಯಾಕ್ಸ್ 7 ಎಂಪಿವಿ, ಇ-6 ಎಂಪಿವಿಯನ್ನು ಆಧರಿಸಿ ನಿರ್ಮಿಸಲಾದ ಹೊಸ ಪೀಳಿಗೆಯ ವಾಹನವಾಗಿದೆ. ಇದು ಏಳು ಪ್ರಯಾಣಿಕರಿಗೆ ಸುಖಕರವಾದ ಪ್ರಯಾಣವನ್ನು ಒದಗಿಸುವ ವಿಶಾಲವಾದ ಒಳಾಂಗಣವನ್ನು ಹೊಂದಿದೆ. ಬಿವೈಡಿ ಇಮ್ಯಾಕ್ಸ್ 7 ಎಂಪಿವಿ ಕಾರಿನ ಬುಕ್ಕಿಂಗ್ ಪ್ರಕ್ರಿಯೆ ಈಗ ಪ್ರಾರಂಭವಾಗಿದೆ. ಈ ವಾಹನವನ್ನು ಖರೀದಿಸಲು ಆಸಕ್ತಿ ಹೊಂದಿರುವ ಗ್ರಾಹಕರು ಹತ್ತಿರದ ಡೀಲರ್‌ಶಿಪ್‌ಗೆ ಭೇಟಿ ನೀಡಬಹುದು ಅಥವಾ ಕಂಪನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ನೋಂದಾಯಿಸಿಕೊಳ್ಳಬಹುದು. ಬುಕ್ಕಿಂಗ್‌ಗೆ ರೂ.51,000/-ಗಳ ಮುಂಗಡ ಪಾವತಿಯನ್ನು ನಿಗದಿಪಡಿಸಲಾಗಿದೆ. ಈ ಹೊಸ ಮಾದರಿಯನ್ನು ಬುಕ್ಕಿಂಗ್ ಮಾಡುವ ಗ್ರಾಹಕರಿಗೆ ಹಲವಾರು ಆರ್ಥಿಕ ಪ್ರಯೋಜನಗಳನ್ನು ಕಂಪನಿ ಘೋಷಿಸಿದೆ.
ಇದನ್ನೂ ಓದಿ: ಒಂದೇ ದಿನದಲ್ಲಿ200 BYD SEAL ಎಲೆಕ್ಟ್ರಿಕ್ ಐಷಾರಾಮಿ ಸೆಡಾನ್‌ಗಳನ್ನು ವಿತರಿಸಲಾಗೀದೆ
ಬಿವೈಡಿ ಇಮ್ಯಾಕ್ಸ್ 7: ಇಂಟೀರಿಯರ್
BYD eMax 7 ಕಾರಿನ ಒಳಾಂಗಣವನ್ನು ಸಂಪೂರ್ಣವಾಗಿ ಹೊಸದಾಗಿ ವಿನ್ಯಾಸಗೊಳಿಸಲಾಗಿದ್ದು, ಪ್ರಯಾಣಿಕರಿಗೆ ವಿಶಾಲವಾದ ಮತ್ತು ಆರಾಮದಾಯಕವಾದ ಅನುಭವವನ್ನು ನೀಡುತ್ತದೆ. ಇದು ಆರು ಮತ್ತು ಏಳು ಸೀಟುಗಳ ಆಯ್ಕೆಗಳಲ್ಲಿ ಲಭ್ಯವಿದೆ. ದೊಡ್ಡ ಪನರೊಮಿಕ್ ಗ್ಲಾಸ್ ರೂಫ್. ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇಗೆ ಸಂಪರ್ಕಿಸುವ 12.8-ಇಂಚಿನ ಫ್ಲೋಟಿಂಗ್ ಇನ್ಫೋಟೈನ್ಮೆಂಟ್ ಟಚ್‌ಸ್ಕ್ರೀನ್ ಜೊತೆಗೆ ನವೀಕರಿಸಿದ ಡ್ಯಾಶ್ಬೋರ್ಡ್ ಆಧುನಿಕ ನೋಟವನ್ನು ಹೊಂದಿದೆ.
5-ಇಂಚಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌, ಎರಡು ವೈರ್ಲೆಸ್ ಚಾರ್ಜಿಂಗ್ ಪ್ಯಾಡ್‌ಗಳು, ಹೊಸ ಸ್ಟೀರಿಂಗ್ ವ್ಹೀಲ್, ಹೊಸ ಸ್ವಿಚ್‌ಗಳು, ವೆಂಟಿಲೇಟೆಡ್ ಫ್ರಂಟ್ ಸೀಟ್ಗಳು, ವೈರ್ಲೆಸ್ ಚಾರ್ಜಿಂಗ್, ಡ್ಯುಯಲ್-ಝೋನ್ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಮತ್ತು ಆಂಬಿಯೆಂಟ್ ಲೈಟಿಂಗ್ ಸೇರಿದಂತೆ ಅನೇಕ ವೈಶಿಷ್ಟ್ಯಗಳನ್ನು ಇಮ್ಯಾಕ್ಸ್ 7 ಹೊಂದಿದೆ.
ಇದನ್ನೂ ಓದಿ: ಲಕ್ಷುರಿ ಫೀಚರ್ಸ್ ಜೊತೆಗೆ 561Km ರೇಂಜ್, ಕಿಯಾ EV9 ಎಲೆಕ್ಟ್ರಿಕ್ ಕಾರು ಬಿಡುಗಡೆ
ಬಿವೈಡಿ ಇಮ್ಯಾಕ್ಸ್ 7: ಎಕ್ಸ್‌ಟೀರಿಯರ್‌, ಫೀಚರ್‌ಗಳು
ಬಿವೈಡಿ ಇಮ್ಯಾಕ್ಸ್ 7 (BYD eMax 7) ಕಾರಿನ ಹೆಡ್‌ಲ್ಯಾಂಪ್‌ಗಳು ಮತ್ತು ಟೈಲ್‌ಲ್ಯಾಂಪ್‌ಗಳನ್ನು ಸಂಪೂರ್ಣವಾಗಿ ನವೀಕರಿಸಲಾಗಿದ್ದು, ಇದರಿಂದ ಕಾರಿನ ವಿನ್ಯಾಸ ಮತ್ತು ಕಾರ್ಯಕ್ಷಮತೆ ಇನ್ನಷ್ಟು ಸುಧಾರಿಸಿದೆ. ಇದರೊಂದಿಗೆ, ಕಾರಿನ ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳಿಗೆ ಹೊಸ ವಿನ್ಯಾಸವನ್ನು ನೀಡಲಾಗಿದೆ. ಕ್ರೋಮ್ ಅಂಶಗಳ ಸೇರ್ಪಡೆಯಿಂದ ಕಾರಿನ ಆಕರ್ಷಣೆ ಹೆಚ್ಚಾಗಿದೆ. ಆಕರ್ಷಕ LED ಡೇಟೈಮ್ ರನ್ನಿಂಗ್ ಲೈಟ್ಸ್ ಮತ್ತು ಹೆಡ್‌ಲ್ಯಾಂಪ್‌ಗಳಿವೆ. ಹಿಂಭಾಗದ LED ಟೈಲ್‌ಲ್ಯಾಂಪ್‌ಗಳು, ಪವರ್ ಟೇಲ್‌ಗೇಟ್, ಫ್ರೇಮ್‌ಲೆಸ್ ಫ್ರಂಟ್ ವೈಪರ್‌ಗಳು , ರೂಫ್ ರೈಲ್‌ಗಳು ಮತ್ತು ಹೊಸ ವಿನ್ಯಾಸದ 17-ಇಂಚಿನ ಅಲಾಯ್ ವ್ಹೀಲ್‌ಗಳನ್ನು ಅಳವಡಿಸಲಾಗಿದ್ದು, ಇವು 225/55 R17 ಗಾತ್ರದ ಟೈರ್‌ಗಳನ್ನು ಹೊಂದಿವೆ.
ಹೊಸ ಬಿವೈಡಿ ಇಮ್ಯಾಕ್ಸ್ 7 ಕಾರು ಕ್ವಾರ್ಟ್ಜ್ ಬ್ಲೂ, ಹಾರ್ಬರ್ ಗ್ರೇ, ಕ್ರಿಸ್ಟಲ್ ವೈಟ್ ಮತ್ತು ಕಾಸ್ಮೊಸ್ ಬ್ಲ್ಯಾಕ್ ಎಂಬ ನಾಲ್ಕು ಅದ್ಭುತ ಬಣ್ಣಗಳಲ್ಲಿ ಲಭ್ಯವಿದೆ. ಪ್ರತಿ ಪ್ರಯಾಣವನ್ನು ಸುರಕ್ಷಿತವಾಗಿಸಲು, ಈ ಕಾರು ಆರು ಏರ್‌ಬ್ಯಾಗ್‌ಗಳು, ಪಾರ್ಕಿಂಗ್ ಸುಲಭವಾಗಿಸಲು ಮುಂಭಾಗದ ಕ್ಯಾಮೆರಾ, 360-ಡಿಗ್ರಿಯ ಕ್ಯಾಮೆರಾಗಳು, ಪಾರ್ಕಿಂಗ್ ಸೆನ್ಸರ್‌ಗಳು, ಟಿಪಿಎಂಎಸ್ ಮತ್ತು ಎಲ್ಲಾ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್‌ಗಳನ್ನು ಹೊಂದಿದೆ. ವಾಹನವು ಹೆಚ್ಚುವರಿ ಸುರಕ್ಷತೆ ಮತ್ತು ಅನುಕೂಲಕ್ಕಾಗಿ ಲೆವೆಲ್ 2 ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ಎಡಿಎಎಸ್) ಅನ್ನು ಸಹ ನೀಡುತ್ತದೆ.
ಇದನ್ನೂ ಓದಿ: ಭಾರತದಲ್ಲಿ ಬಿಡುಗಡೆಯಾಯ್ತು ಮರ್ಸಿಡಿಸ್ ಬೆಂಝ್ ಇಕ್ಯೂಎಸ್ 580 ಎಸ್ಯುವಿ
ಬಿವೈಡಿ ಇಮ್ಯಾಕ್ಸ್ 7: ಪವರ್ ಟ್ರೈನ್, ಬ್ಯಾಟರಿ, ರೇಂಜ್
BYD eMax 7 ಕಾರಿನಲ್ಲಿ ಪ್ರೀಮಿಯಂ ಮತ್ತು ಸುಪೀರಿಯರ್ ಎಂಬ ಎರಡು ವಿಭಿನ್ನ ಮಾದರಿಗಳ ಆಯ್ಕೆ ಲಭ್ಯವಿದೆ. ಪ್ರತಿ ಮಾದರಿಯೂ ತನ್ನದೇ ಆದ ಬ್ಯಾಟರಿ ಪ್ಯಾಕ್‌ನೊಂದಿಗೆ ಫ್ರಂಟ್-ವೀಲ್-ಡ್ರೈವ್ ಮೋಟರ್ ಅನ್ನು ಹೊಂದಿದ್ದು. ಪ್ರೀಮಿಯಂ ಮಾದರಿಯ 55.4 kWh ಬ್ಯಾಟರಿಯು ಒಮ್ಮೆ ಚಾರ್ಜ್ ಮಾಡಿದರೆ 420 ಕಿಲೋಮೀಟರ್‌ವರೆಗೆ ಸಾಗಲು ಸಾಧ್ಯವಾಗಿಸುತ್ತದೆ. ಆದರೆ, ಸುಪೀರಿಯರ್ ಮಾದರಿಯ 71.8 kWh ಬ್ಯಾಟರಿಯು ಇದಕ್ಕಿಂತ ಹೆಚ್ಚಿನ ದೂರವಾದ 530 ಕಿಲೋಮೀಟರ್‌ವರೆಗೆ ಸಾಗಲು ಅನುವು ಮಾಡಿಕೊಡುತ್ತದೆ.
ಶಕ್ತಿಯ ವಿಷಯಕ್ಕೆ ಬಂದರೆ, ಪ್ರೀಮಿಯಂ ಮಾದರಿಯು 163 ಹೆಚ್‌ಪಿ ಶಕ್ತಿಯನ್ನು ಉತ್ಪಾದಿಸಿದರೆ, ಸುಪೀರಿಯರ್ ಮಾದರಿಯು 204 ಹೆಚ್‌ಪಿ ಶಕ್ತಿಯನ್ನು ಉತ್ಪಾದಿಸುತ್ತದೆ. ಆದಾಗ್ಯೂ, ಎರಡೂ ಮಾದರಿಗಳು ಒಂದೇ 310 ಎನ್‌ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತವೆ. ಇದು 8.6 ಸೆಕೆಂಡುಗಳಲ್ಲಿ 0-100 ಕಿಮೀ/ಗಂ ವೇಗವನ್ನು ತಲುಪುತ್ತದೆ. 71.8 kWh ಡಿಸಿ ಫಾಸ್ಟ್ ಚಾರ್ಜರ್ನೊಂದಿಗೆ ಕೇವಲ 37 ನಿಮಿಷಗಳಲ್ಲಿ ಇಮ್ಯಾಕ್ಸ್ 7 ಅನ್ನು ಶೇಕಡಾ 0 ರಿಂದ 80 ರಷ್ಟು ಚಾರ್ಜ್ ಮಾಡಬಹುದು ಎಂದು BYD ಹೇಳುತ್ತದೆ.
