BMW X7 ಸಿಗ್ನೇಚರ್ ಎಡಿಷನ್ ಬೆಲೆ, ಸ್ಟ್ಯಾಂಡರ್ಡ್ ವರ್ಷನ್‌ಗಿಂತ ರೂ. 3 ಲಕ್ಷ ಹೆಚ್ಚಾಗಿದೆ.
ಭಾರತೀಯ ಪ್ರೀಮಿಯಂ SUV ಮಾರುಕಟ್ಟೆಯಲ್ಲಿ ಹೊಸ ಅಧ್ಯಾಯವನ್ನು ಬರೆಯುತ್ತಾ, BMW ಇಂಡಿಯಾ ಇಂದು ತನ್ನ ಅತ್ಯಾಧುನಿಕ ಬಿಎಂಡಬ್ಲ್ಯು ಎಕ್ಸ್7 ಸಿಗ್ನೇಚರ್ ಎಡಿಷನ್ (BMW X7 Signature Edition) ಅನ್ನು ಬಿಡುಗಡೆ ಮಾಡಿದೆ. ಈ ವಿಶೇಷ ಆವೃತ್ತಿಯು xDrive40i M ಸ್ಪೋರ್ಟ್ ವೇರಿಯೆಂಟ್‌ನಲ್ಲಿ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಲಭ್ಯವಿದ್ದು, ರೂ. 1,33,00,000 ಎಕ್ಸ್ ಶೋರೂಂ ಬೆಲೆಯಲ್ಲಿ ಗ್ರಾಹಕರನ್ನು ಸೆಳೆಯುವ ನಿರೀಕ್ಷೆಯಿದೆ. ಚೆನ್ನೈನ BMW ಗ್ರೂಪ್ ಪ್ಲಾಂಟ್‌ನಲ್ಲಿ ಸ್ಥಳೀಯವಾಗಿ ಉತ್ಪಾದಿಸಲಾಗುವ ಈ ಕಾರನ್ನು BMW ಆನ್‌ಲೈನ್ ಮೂಲಕ ಸುಲಭವಾಗಿ ಬುಕ್ ಮಾಡಬಹುದು. ಬಿಎಂಡಬ್ಲ್ಯು ಎಕ್ಸ್7 xDrive40i M ಸಿಗ್ನೇಚರ್ ಎಡಿಷನ್ ಬೆಲೆ, ಸ್ಟ್ಯಾಂಡರ್ಡ್ ವರ್ಷನ್‌ಗಿಂತ ರೂ. 3 ಲಕ್ಷ ಹೆಚ್ಚಾಗಿದೆ. ಸ್ಟ್ಯಾಂಡರ್ಡ್ ವರ್ಷನ್ ಬೆಲೆ ರೂ. 1.30 ಕೋಟಿ.
ಬಿಎಂಡಬ್ಲ್ಯು X7 ಸಿಗ್ನೇಚರ್ ಎಡಿಷನ್ಃ ವೈಶಿಷ್ಟ್ಯಗಳು
ಹೊಸ BMW X7, ಕ್ರೋಮ್ ಹೈಲೈಟ್‌ಗಳಿಂದ ಹೊಳೆಯುವ ದೊಡ್ಡ ಕಿಡ್ನಿ ಗ್ರಿಲ್‌ನೊಂದಿಗೆ ನಿಮ್ಮನ್ನು ಆಕರ್ಷಿಸುತ್ತದೆ. ಮುಂಭಾಗದಲ್ಲಿ ಸ್ವರೋವ್ಸ್ಕಿ ಕ್ರಿಸ್ಟಲ್‌ಗಳಿಂದ ಕಂಗೊಳಿಸುವ ಹೆಡ್‌ಲ್ಯಾಂಪ್‌ಗಳು ವಾಹನಕ್ಕೆ ಅತ್ಯಾಧುನಿಕ ನೋಟವನ್ನು ನೀಡುತ್ತವೆ. ಅಲ್ಯೂಮಿನಿಯಂ ರೂಫ್ ರೈಲ್ಸ್ ಮತ್ತು ಬಾಹ್ಯ ಅಂಶಗಳು ಈ ಐಷಾರಾಮಿ ಕಾರನ್ನು ಇನ್ನಷ್ಟು ಆಕರ್ಷಕವಾಗಿಸುತ್ತವೆ. ಆಂತರಿಕ ಗ್ರಾಫಿಕ್ ವಿನ್ಯಾಸವನ್ನು ಹೊಂದಿರುವ 3D ಟೈಲ್‌ ಲೈಟ್‌ಗಳು ಆಧುನಿಕ ಸ್ಪರ್ಶವನ್ನು ನೀಡುತ್ತವೆ. ಟಾಂಜನೈಟ್ ಬ್ಲೂ ಅಥವಾ ಡ್ರಾವಿಟ್ ಗ್ರೇ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ BMW X7 ಅನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಇದನ್ನೂ ಓದಿ: ಭಾರತದಲ್ಲಿ ಬಿಡುಗಡೆಯಾದ ಐಷಾರಾಮಿ ಆಡಿ ಕ್ಯೂ8 ಫೇಸ್‌ಲಿಫ್ಟ್
ವಿಶೇಷ ಆವೃತ್ತಿಯೊಳಗೆ, ಲೆದರ್ ಮೆರಿನೊದಲ್ಲಿ ಲೇಪಿತ ಕ್ಯಾಪ್ಟನ್ ಸೀಟ್‌ಗಳು ಮತ್ತು ಹಿಂಭಾಗದ ಸೀಟಿನ ಪ್ರಯಾಣಿಕರಿಗೆ ಅಲ್ಕಾಂಟರಾದಲ್ಲಿ ಬ್ಯಾಕ್‌ರೆಸ್ಟ್ ಕುಶನ್‌ಗಳು, ವಿಶೇಷ ಕ್ರಿಸ್ಟಲ್ ಡೋರ್ ಪಿನ್‌ಗಳು. 14.9-ಇಂಚಿನ BMW ಕರ್ವ್ಡ್ ಡಿಸ್ಪ್ಲೇ ಮತ್ತು 12.3-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, 14- ಬಣ್ಣಗಳಲ್ಲಿ ಲಭ್ಯವಿರುವ ಸೆಂಟರ್ ಆಂಬಿಯೆಂಟ್ ಲೈಟ್ ಬಾರ್, ಹೆಡ್-ಅಪ್ ಡಿಸ್ಪ್ಲೇ, ದೊಡ್ಡದಾದ ಪನೋರಮಿಕ್ ಸನ್ರೂಫ್ ಮೂರನೇ ಸಾಲಿನವರೆಗೆ ವಿಸ್ತರಿಸಿದೆ.
ಉನ್ನತ ದರ್ಜೆಯ 16-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್, ಇದಲ್ಲದೆ, ಪ್ರಿಸ್ಮಾಟಿಕ್ ರಚನೆಯ ಗೇರ್ ಸೆಲೆಕ್ಟರ್, ಐಡ್ರೈವ್ ಕಂಟ್ರೋಲ್ ವೀಲ್, ಆಡಿಯೊ ಕಂಟ್ರೋಲ್ ಬಟನ್ ಮತ್ತು ಸ್ಟಾರ್ಟ್/ಸ್ಟಾಪ್ ಬಟನ್ ನೀಡಲಾಗಿದೆ. ಬಿಎಂಡಬ್ಲ್ಯು ಇಂಟೆಲಿಜೆಂಟ್ ಪರ್ಸನಲ್ ಅಸಿಸ್ಟೆಂಟ್, ಡಿಜಿಟಲ್ ಕೀ ಮತ್ತು ಎಡಿಎಎಸ್(ADAS) ಟೆಕ್ ಜೊತೆಗೆ ಅನೇಕ ಇತರ ಅತ್ಯಾಕರ್ಷಕ ವೈಶಿಷ್ಟ್ಯಗಳನ್ನು ಸಹ ಆನಂದಿಸಬಹುದು. ನೀವು ದೊಡ್ಡ 2,120-ಲೀಟರ್ ಬೂಟ್ ಜಾಗವನ್ನು ಸಹ ಆನಂದಿಸುತ್ತೀರಿ.
ಇದನ್ನೂ ಓದಿ: ಐಷಾರಾಮಿ ಮಾಸೆರಾಟಿ ಗ್ರಿಕೇಲ್ SUV ಬಿಡುಗಡೆಯಾಗಿದೆ: ಬೆಲೆ ರೂ 1.31 ಕೋಟಿ
BMW X7 Signature Edition: ಎಂಜಿನ್ ವಿಶೇಷತೆಗಳು
ಹೊಸ BMW X7 ಸಿಗ್ನೇಚರ್ ಆವೃತ್ತಿಯು 3.0 ಲೀಟರ್, ಆರು ಸಿಲಿಂಡರ್ ಇನ್‌ಲೈನ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಸಜ್ಜಾಗಿದೆ. ಈ ಎಂಜಿನ್ ಟರ್ಬೋಚಾರ್ಜ್ಡ್ ತಂತ್ರಜ್ಞಾನದೊಂದಿಗೆ 381 ಹಾರ್ಸ್‌ಪವರ್ ಮತ್ತು 520 ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಶಕ್ತಿಯುತ ಎಂಜಿನ್ ಅನ್ನು 8-ಸ್ಪೀಡ್ ಸ್ವಯಂಚಾಲಿತ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ. ಇದಲ್ಲದೆ, 48 ವೋಲ್ಟ್ ಮೈಲ್ಡ್-ಹೈಬ್ರಿಡ್ ಸಿಸ್ಟಮ್‌ನ ಸೇರ್ಪಡೆಯು 12hp ಪವರ್ ಮತ್ತು 200Nm ಟಾರ್ಕ್ ಉತ್ಪಾದನೆಯೊಂದಿಗೆ ಕಡಿಮೆ ವೇಗದಲ್ಲಿ ವಾಹನದ ಸ್ಥಿರತೆಯನ್ನು ಹೆಚ್ಚಿಸುವುದರ ಜೊತೆಗೆ ಇಂಧನ ದಕ್ಷತೆಯನ್ನು ಸುಧಾರಿಸುತ್ತದೆ. ಈ ಎಲ್ಲಾ ತಾಂತ್ರಿಕ ಅನುಕೂಲಗಳೊಂದಿಗೆ, BMW X7 ಕೇವಲ 5.8 ಸೆಕೆಂಡುಗಳಲ್ಲಿ 0 ರಿಂದ 100 ಕಿಮೀ ವೇಗವನ್ನು ತಲುಪುವ ಸಾಮರ್ಥ್ಯ ಹೊಂದಿದೆ.
