ಮಹೀಂದ್ರಾ ಥಾರ್ ಖರೀದಿಸಲು ಯೋಚಿಸುತ್ತಿರುವ ಗ್ರಾಹಕರಿಗೆ ಇದು ಸುವರ್ಣಾವಕಾಶ. ಹೊಸ ತಂತ್ರಜ್ಞಾನ ಮತ್ತು ವೈಶಿಷ್ಟ್ಯಗಳಿಂದ ಸುಸಜ್ಜಿತವಾದ 5-ಡೋರ್ ಆವೃತ್ತಿಯ ಥಾರ್ ROXX ಆಗಮನದೊಂದಿಗೆ, ಮಹೀಂದ್ರಾ ಕಂಪನಿ ತನ್ನ ಶೋರೂಮ್‌ಗಳಲ್ಲಿರುವ 3-ಡೋರ್ ಥಾರ್ (Mahindra Thar) ಮಾದರಿಗಳನ್ನು ತ್ವರಿತವಾಗಿ ತೆರವುಗೊಳಿಸಲು ಮುಂದಾಗಿದೆ. ಇದಕ್ಕಾಗಿ, ಕಂಪನಿ ಈ ಮಾದರಿಗಳ ಮೇಲೆ ಆಕರ್ಷಕ ಬೆಲೆ ಕಡಿತವನ್ನು ಘೋಷಿಸಿದೆ. ಈಗ ಕಡಿಮೆ ಬೆಲೆಯಲ್ಲಿ ನಿಮ್ಮ ಕನಸಿನ ಥಾರ್ ಅನ್ನು ನೀವು ಖರೀದಿಸಬಹುದು.
ಕಂಪನಿಯು ಈ ಜನಪ್ರಿಯ ಜೀಪ್‌ನ ಮೇಲೆ ಭಾರಿ ರಿಯಾಯಿತಿಯನ್ನು ನೀಡುತ್ತಿದೆ. 1.5 ಲಕ್ಷ ರೂಪಾಯಿಗಳವರೆಗಿನ ಕಡಿತದೊಂದಿಗೆ, ಈಗ ಥಾರ್ ಅನ್ನು ಹೊಂದುವುದು ಇನ್ನಷ್ಟು ಸುಲಭವಾಗಿದೆ. ವಿವಿಧ ಮಾದರಿಗಳು ಮತ್ತು ವೇರಿಯಂಟ್‌ಗಳ ಮೇಲೆ ಈ ರಿಯಾಯಿತಿಗಳು ಅನ್ವಯವಾಗುತ್ತವೆ. ಈ ಆಫರ್ ಕಳೆದ ನಾಲ್ಕು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ನೀಡಲಾಗುತ್ತಿದೆ.
ಇದನ್ನೂ ಓದಿ: ಮಹೀಂದ್ರಾ ಥಾರ್ ರಾಕ್ಸ್ ಬಿಡುಗಡೆ ರೂ.12.99 ಲಕ್ಷಕ್ಕೆ ಪವರ್‌ಫುಲ್ SUV
2.0 LX ಪೆಟ್ರೋಲ್ AT RWD ಮಾದರಿಯಿಂದ ಹಿಡಿದು 4D 1.5 AX OPT ಡೀಸೆಲ್ MT RWD ಮಾದರಿಯವರೆಗೆ ಹಲವಾರು ಮಾದರಿಗಳ ಮೇಲೆ ಈ ರಿಯಾಯಿತಿಗಳು ಅನ್ವಯವಾಗುತ್ತವೆ. 4D 1.5 AX OPT ಡೀಸೆಲ್ MT RWD ಮಾದರಿಯ ಮೇಲೆ 1.36 ಲಕ್ಷ ರೂಪಾಯಿಗಳವರೆಗೆ ಕಡಿತ ಮಾಡಲಾಗಿದೆ. ಮಹೀಂದ್ರ ಥಾರ್ ಕಾರಿನ ಬೆಲೆ 11.35 ಲಕ್ಷ ರೂಪಾಯಿಗಳಿಂದ ಪ್ರಾರಂಭವಾಗಿ 17.60 ಲಕ್ಷ ರೂಪಾಯಿಗಳವರೆಗೆ ಆಗುತ್ತದೆ (ಎಕ್ಸ್ ಶೋರೂಂ ಬೆಲೆ).
ಮಹೀಂದ್ರಾ ಥಾರ್ ಕಾರಿನ 226 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು 2450 ಎಂಎಂ ವೀಲ್ಬೇಸ್‌ನೊಂದಿಗೆ, ನೀವು ಯಾವುದೇ ರಸ್ತೆಯಲ್ಲೂ ಸುಲಭವಾಗಿ ಚಲಿಸಬಹುದು. 3985 ಎಂಎಂ ಉದ್ದ, 1820 ಎಂಎಂ ಅಗಲ ಮತ್ತು 1844 ಎಂಎಂ ಎತ್ತರದೊಂದಿಗೆ, ಥಾರ್ ಕಾರು ನಿಮಗೆ ವಿಶಾಲವಾದ ಮತ್ತು ಆರಾಮದಾಯಕವಾದ ಪ್ರಯಾಣವನ್ನು ನೀಡುತ್ತದೆ. ಅದರ ದೃಢವಾದ ನಿರ್ಮಾಣವು ನಿಮಗೆ ವಿಶ್ವಾಸದಾಯಕ ಪ್ರಯಾಣವನ್ನು ಒದಗಿಸುತ್ತದೆ.
ಇದನ್ನೂ ಓದಿ: ಮಹೀಂದ್ರಾ ಥಾರ್ ರಾಕ್ಸ್ 5-ಡೋರ್ vs ಮಹೀಂದ್ರಾ ಥಾರ್ 3-ಡೋರ್ ಯಾವುದು ಬೆಸ್ಟ್ ?
ಮಹೀಂದ್ರ ಥಾರ್(Mahindra Thar): ಎಂಜಿನ್
ಮಹೀಂದ್ರ ಥಾರ್ (Mahindra Thar), ತನ್ನ ಅತ್ಯುತ್ತಮ ಆಫ್-ರೋಡ್ ಸಾಮರ್ಥ್ಯಕ್ಕೆ ಹೆಸರುವಾಸಿಯಾದ 3-ಡೋರ್ SUV, ಮೂರು ವಿಭಿನ್ನ ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ. ಗ್ರಾಹಕರು 1.5-ಲೀಟರ್ ಟರ್ಬೊ ಡೀಸೆಲ್ ಎಂಜಿನ್‌ನ 117 bhp ಪವರ್ ಮತ್ತು 300 Nm ಟಾರ್ಕ್ ಅನ್ನು ಆಯ್ಕೆ ಮಾಡಬಹುದು ಅಥವಾ 2.2-ಲೀಟರ್ ಟರ್ಬೊ ಡೀಸೆಲ್ ಎಂಜಿನ್‌ನ 130 bhp ಪವರ್ ಮತ್ತು 300 Nm ಟಾರ್ಕ್ ಅನ್ನು ಆರಿಸಬಹುದು.
ಇದಲ್ಲದೆ, 2.0-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಕೂಡ ಲಭ್ಯವಿದ್ದು, ಇದು 150 bhp ಪವರ್ ಮತ್ತು 300 Nm ಟಾರ್ಕ್ ಉತ್ಪಾದಿಸುತ್ತದೆ. 2.0-ಲೀಟರ್ ಡೀಸೆಲ್ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನ್ಯುವಲ್ ಗೇರ್‌ಬಾಕ್ಸ್ ಮತ್ತು ರಿಯರ್ ವೀಲ್ ಡ್ರೈವ್ ವ್ಯವಸ್ಥೆಯೊಂದಿಗೆ ನೀಡಲಾಗುತ್ತದೆ. ಆದರೆ 2.2-ಲೀಟರ್ ಡೀಸೆಲ್ ಎಂಜಿನ್‌ಗಳು 6-ಸ್ಪೀಡ್ ಮ್ಯಾನ್ಯುವಲ್ ಅಥವಾ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ 4×4 ವ್ಯವಸ್ಥೆಯೊಂದಿಗೆ ಬರುತ್ತವೆ.
