PRANA 2.0 ಎಲೆಕ್ಟ್ರಿಕ್ ಬೈಕ್‌ಗಳಲ್ಲಿ, ಗ್ರ್ಯಾಂಡ್ ಮಾದರಿ ಒಂದು ಚಾರ್ಜ್‌ನಲ್ಲಿ 150 ಕಿಮೀ ಮತ್ತು ಎಲೈಟ್ ಮಾದರಿ 250 ಕಿಮೀ ವರೆಗೆ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.
ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಕ್ರಾಂತಿ ಜೋರಾಗಿ ಸಾಗುತ್ತಿದ್ದು, ವಿಶೇಷವಾಗಿ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳ ಬೇಡಿಕೆ ಗಗನಕ್ಕೇರುತ್ತಿದೆ. ಈ ಬೆಳವಣಿಗೆಯನ್ನು ಗಮನಿಸಿ, ತಮಿಳುನಾಡಿನ ಪ್ರತಿಷ್ಠಿತ ವಾಹನ ತಯಾರಕ ಕಂಪನಿಯಾದ ಶ್ರೀವಾರು ಮೋಟಾರ್ಸ್(SRIVARU Motors), ಗುರುವಾರ ತನ್ನ ಎರಡು ಹೊಸ ಪ್ರೀಮಿಯಂ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಮತ್ತೊಂದು ಮೈಲಿಗಲ್ಲು ಸಾಧಿಸಿದೆ. ಈ ಹೊಸ ಮಾದರಿಗಳಲ್ಲಿ ನವೀಕೃತ ಪ್ರಾಣಾ 2.0 ಹಾಗೂ ಹೊಸದಾಗಿ ಬಿಡುಗಡೆಯಾದ ಪ್ರಾಣಾ ಎಲೈಟ್ ಸೇರಿವೆ.
ಕೊಯಮತ್ತೂರಿನ ತನ್ನ ಪ್ರಧಾನ ಕಚೇರಿಯಿಂದ ಕಾರ್ಯನಿರ್ವಹಿಸುತ್ತಿರುವ ಈ ಕಂಪನಿಯು, ಮುಂಬರುವ ವರ್ಷದಲ್ಲಿ 10,000ಕ್ಕೂ ಹೆಚ್ಚು ಎಲೆಕ್ಟ್ರಿಕ್ ಬೈಕ್‌ಗಳನ್ನು ಮಾರಾಟ ಮಾಡುವ ಆಕಾಂಕ್ಷೆಯೊಂದಿಗೆ ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಗ್ರಾಹಕರ ಬೇಡಿಕೆಯನ್ನು ಪೂರೈಸಲು, ಕಂಪನಿಯು ತನ್ನ ಪ್ರಮುಖ ಉತ್ಪನ್ನವಾದ ಪ್ರಾಣ 2.0 ಗ್ರ್ಯಾಂಡ್ ಅನ್ನು ಚೆನ್ನೈನಲ್ಲಿ ರೂ. 2,55,150 (ಎಕ್ಸ್ ಶೋರೂಂ) ಮತ್ತು ಪ್ರಾಣ 2.0 ಎಲೈಟ್ ಮಾದರಿಯನ್ನು ರೂ. 3,20,250 (ಎಕ್ಸ್ ಶೋರೂಂ) ಎಂಬ ಆಕರ್ಷಕ ಬೆಲೆಯಲ್ಲಿ ಬಿಡುಗಡೆ ಮಾಡಿದೆ.
ಪ್ರಾಣಾ ಎಲೆಕ್ಟ್ರಿಕ್ ಬೈಕ್‌ಗಳ ಶ್ರೇಣಿಯು ವಿವಿಧ ರೀತಿಯ ಪ್ರಯಾಣಿಕರ ಅಗತ್ಯಗಳನ್ನು ಪೂರೈಸುವಂತೆ ವಿನ್ಯಾಸಗೊಳಿಸಲಾಗಿದೆ. ಪ್ರಾಣಾ 2.0 ಗ್ರ್ಯಾಂಡ್(PRANA 2.0 Grand) ಮಾದರಿಯು ಒಂದೇ ಚಾರ್ಜ್‌ನಲ್ಲಿ 150 ಕಿಲೋಮೀಟರ್‌ವರೆಗೆ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿದ್ದರೆ, ಪ್ರಾಣಾ ಎಲೈಟ್(PRANA 2.0 Elite) ಮಾದರಿಯು 250 ಕಿಲೋಮೀಟರ್‌ವರೆಗೆ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿದೆ. ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬೇಡಿಕೆ ಹೆಚ್ಚುತ್ತಿದ್ದು, ವಿಶೇಷವಾಗಿ ತಮಿಳುನಾಡಿನಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬೇಡಿಕೆ ಗಣನೀಯವಾಗಿರುವುದರಿಂದ, ನಮ್ಮ ಉತ್ಪನ್ನಗಳು ರಾಜ್ಯದ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಯಾಗಲಿವೆ ಎಂದು ನಾವು ನಿರೀಕ್ಷಿಸುತ್ತೇವೆ ಎಂದು ಕಂಪನಿ ತಿಳಿಸಿದೆ.
ಇದನ್ನೂ ಓದಿ: ಓಲಾ ಕಂಪನಿಯ ರೋಡ್‌ಸ್ಟರ್ ಸರಣಿಯ ಎಲೆಕ್ಟ್ರಿಕ್ ಬೈಕ್ ರೂ. 75,000 ಕ್ಕೆ ಬಿಡುಗಡೆ
ಎರಡು ವರ್ಷಗಳ ನಿರಂತರ ಪರೀಕ್ಷೆ ಮತ್ತು ಅಭಿವೃದ್ಧಿಯ ನಂತರ, ನಮ್ಮ ಕಂಪನಿಯು ಇಂದು ಪ್ರಾಣಾ 2.0 ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಅನ್ನು ಬಿಡುಗಡೆ ಮಾಡುವ ಹೆಮ್ಮೆಯನ್ನು ಹೊಂದಿದೆ. ಕೊಯಮತ್ತೂರಿನ ಸುಲೂರಿನಲ್ಲಿರುವ ನಮ್ಮ ಉತ್ಪಾದನಾ ಘಟಕದಲ್ಲಿ ಉತ್ಪಾದಿಸಲಾದ ಈ ವಾಹನವು ಉತ್ತಮ ನಿರ್ಮಾಣ ಗುಣಮಟ್ಟಕ್ಕೆ ಹೆಸರುವಾಸಿಯಾಗಿದೆ ಮತ್ತು ತಿಂಗಳಿಗೆ ಸುಮಾರು 2,000 ಯೂನಿಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಶ್ರೀವರು ಮೋಟಾರ್ಸ್‌ನ(SRIVARU Motors) ಸಂಸ್ಥಾಪಕ ಮತ್ತು ಸಿಇಒ ಮೋಹನ್ರಾಜ ರಾಮಸ್ವಾಮಿ ಅವರು ತಮಿಳುನಾಡು ರಾಜ್ಯವು ದೇಶದ ಎಲೆಕ್ಟ್ರಿಕ್ ವಾಹನ ಮಾರುಕಟ್ಟೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ ಎಂದು ಹೇಳಿದರು. ಅದು ದೇಶದ ಎವಿ ಬೇಡಿಕೆಯಲ್ಲಿ 40%ಗಿಂತ ಹೆಚ್ಚು ಷೇರು ಹೊಂದಿದೆ ಎಂದು ಅವರು ಗಮನಿಸಿದರು. ಭಾರತದ ಮೋಟಾರ್‌ಸೈಕಲ್ ಮಾರುಕಟ್ಟೆಯು 2023ರಲ್ಲಿ $25.6 ಬಿಲಿಯನ್ ಮೀರಿದ್ದು, 2027ರ ವೇಳೆಗೆ $36.1 ಬಿಲಿಯನ್‌ಗೆ ಬೆಳೆಯುವ ನಿರೀಕ್ಷೆಯಿದೆ ಎಂದು ಅವರು ಸೂಚಿಸಿದರು. ಪ್ರಸ್ತುತ 3% ಮಾರುಕಟ್ಟೆ ಷೇರು ಹೊಂದಿರುವ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳು 2030ರ ವೇಳೆಗೆ ಸುಮಾರು 50% ಮಾರುಕಟ್ಟೆ ಷೇರು ಪಡೆಯುವ ನಿರೀಕ್ಷೆಯಿದೆ. ಇದು ಗಣನೀಯ ಬೆಳವಣಿಗೆಯ ಅವಕಾಶವನ್ನು ತೋರಿಸುತ್ತದೆ ಎಂದು ಅವರು ಹೇಳಿದರು.
ಭಾರತದಲ್ಲಿ ಸುಮಾರು ಹತ್ತು ಸಾವಿರ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳನ್ನು ಯಶಸ್ವಿಯಾಗಿ ಮಾರಾಟ ಮಾಡಿದ ನಂತರ, ನಮ್ಮ ಕಂಪನಿಯು ಈಗ ಆಸಿಯಾನ್ ಮಾರುಕಟ್ಟೆಯನ್ನು ಪ್ರವೇಶಿಸಲು ನಿರ್ಧರಿಸಿದೆ. ಆರಂಭಿಕ ಹಂತದಲ್ಲಿ ಮಲೇಷ್ಯಾ ಮತ್ತು ಸಿಂಗಾಪುರ ದೇಶಗಳನ್ನು ಆಯ್ಕೆ ಮಾಡಿಕೊಳ್ಳಲಾಗಿದ್ದು, ಈ ದೇಶಗಳಲ್ಲಿ ನಮ್ಮ ಕಂಪನಿಯು ಉತ್ತಮ ಮೂಲಸೌಕರ್ಯವನ್ನು ಹೊಂದಿದೆ.
ಕಂಪನಿಯು ತನ್ನ ವಿಸ್ತರಣೆಯ ಮೊದಲ ಹಂತದಲ್ಲಿ 100ಕ್ಕಿಂತ ಕಡಿಮೆ ಶಾಖೆಗಳನ್ನು ಸ್ಥಾಪಿಸುವ ಗುರಿ ಹೊಂದಿದೆ. ಈ ಶಾಖೆಗಳನ್ನು ಕಂಪನಿಯ ಸ್ವಂತ ಹಣಕಾಸಿನಲ್ಲಿ ನಡೆಸುವುದು ಮತ್ತು ಫ್ರ್ಯಾಂಚೈಸಿ ಮಾದರಿಯಲ್ಲಿ ಬೇರೆಯವರಿಗೆ ನೀಡುವುದು ಎಂಬ ಎರಡು ಮಾರ್ಗಗಳಲ್ಲಿ ಸ್ಥಾಪಿಸಲಾಗುವುದು. ಕಂಪನಿಯು ಈ ಗುರಿಯನ್ನು ಮುಂದಿನ ಎರಡು ವರ್ಷಗಳ ಕಾಲದಲ್ಲಿ ಸಾಧಿಸುವ ನಿರೀಕ್ಷೆಯಿದೆ. ಆರಂಭಿಕ ಹಂತದಲ್ಲಿ, ದೊಡ್ಡ ನಗರಗಳಲ್ಲಿ ಗ್ರಾಹಕರನ್ನು ತಲುಪುವುದೇ ಕಂಪನಿಯ ಮುಖ್ಯ ಉದ್ದೇಶವಾಗಿದೆ ಎಂದು ಹೇಳಿದರು.
ಇದನ್ನೂ ಓದಿ: ಜಿಟಿ ಫೋರ್ಸ್ ತನ್ನ ಜಿಟಿ ಟೆಕ್ಸಾ ಎಲೆಕ್ಟ್ರಿಕ್ ಬೈಕ್ ಅನ್ನು ರೂ 1.20 ಲಕ್ಷಕ್ಕೆ ಬಿಡುಗಡೆ ಮಾಡಿದೆ
