2024 ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಹೊಸ 7 ಬಣ್ಣಗಳೊಂದಿಗೆ ಬರಲಿದೆ
ರಾಯಲ್ ಎನ್ಫೀಲ್ಡ್ (Royal Enfield) ತನ್ನ ಬಹುನಿರೀಕ್ಷಿತ 2024 ಕ್ಲಾಸಿಕ್ 350 (Classic 350) ಬೈಕ್ ಅನ್ನು ಬಿಡುಗಡೆಗೊಳಿಸಿದೆ. ತನ್ನ ಸಾಂಪ್ರದಾಯಿಕ ವಿನ್ಯಾಸವನ್ನು ಉಳಿಸಿಕೊಂಡು, ಈ ಹೊಸ ಮಾದರಿಯು ಆಧುನಿಕ ತಂತ್ರಜ್ಞಾನದ ವೈಶಿಷ್ಟ್ಯಗಳನ್ನು ಸೇರಿಸಿಕೊಂಡಿದೆ. ಸ್ಟ್ಯಾಂಡರ್ಡ್ ಮಾದರಿಯ ಬೆಲೆ ರೂ. 1,99,500 ರಿಂದ ಪ್ರಾರಂಭವಾಗಿದ್ದು, ಪ್ರೀಮಿಯಂ ಮಾದರಿಗೆ ರೂ. 2,30,000 ವರೆಗೆ ಹೋಗುತ್ತದೆ. ಈ ಆವೃತ್ತಿಯು ಏಳು ಹೊಸ ಬಣ್ಣಗಳ ಆಯ್ಕೆಗಳೊಂದಿಗೆ ಮತ್ತು ಹಲವಾರು ಹೊಸ ವೈಶಿಷ್ಟ್ಯಗಳೊಂದಿಗೆ, ಈ ಬೈಕ್ ಮೋಟಾರ್‌ಸೈಕಲ್ ಪ್ರಿಯರನ್ನು ಮೆಚ್ಚಿಸುವ ನಿರೀಕ್ಷೆಯಿದೆ.
2024 ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಬೆಲೆಗಳು
| Variants and Colour Options | Price (ex-showroom) |
| Heritage (Madras Red, Jodhpur Red) | Rs 1,99,500 |
| Heritage Premium (Medallian Bronze) | Rs 2,04,000 |
| Signals (Commando Sand) | Rs 2,16,000 |
| Dark (Gun Grey, Stealth Black) | Rs 2,25,000 |
| Chrome (Emerald) | Rs 2,30,000 |
ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್: ಬಣ್ಣ ಮತ್ತು ವೈಶಿಷ್ಟ್ಯಗಳು
2024ರ ಕ್ಲಾಸಿಕ್ 350 (Royal Enfield Classic 350) ಬೈಕ್ ತನ್ನ ಸಾಂಪ್ರದಾಯಿಕ ಸೊಬಗನ್ನು ಕಳೆದುಕೊಳ್ಳದೆ, ಆಧುನಿಕ ತಂತ್ರಜ್ಞಾನದ ಸ್ಪರ್ಶವನ್ನು ಪಡೆದಿದೆ. ಹಳೆಯ ವಿನ್ಯಾಸದ ಹೊರತಾಗಿಯೂ, ಈ ಬೈಕ್ ಒಳಗೊಳಗೆ ಹೊಸತನದ ಸಂಚಲನವನ್ನು ಹೊಂದಿದೆ. ಈಗ ಇದು ಸಂಪೂರ್ಣ ಎಲ್ಇಡಿ ಲೈಟಿಂಗ್ ವ್ಯವಸ್ಥೆಯೊಂದಿಗೆ ಬರುತ್ತಿದ್ದು, ರಾತ್ರಿ ಸವಾರಿಗಳನ್ನು ಇನ್ನಷ್ಟು ಪ್ರಕಾಶಮಯ ಮತ್ತು ಸುರಕ್ಷಿತಗೊಳಿಸುತ್ತದೆ. ಹೈ-ಎಂಡ್ ಮಾದರಿಗಳಲ್ಲಿ ಟರ್ನ್ ಸಿಗ್ನಲ್‌ಗಳು ಕೂಡ ಎಲ್ಇಡಿ ತಂತ್ರಜ್ಞಾನವನ್ನು ಪಡೆದುಕೊಂಡಿದ್ದು, ಬೈಕ್‌ನ ಸೌಂದರ್ಯವನ್ನು ಹೆಚ್ಚಿಸಿದೆ. ಇತರ ಮಾದರಿಗಳಲ್ಲಿ ಹ್ಯಾಲೊಜೆನ್ ದೀಪಗಳಿದ್ದರೂ, ಎಲ್ಇಡಿಗೆ ಅಪ್‌ಗ್ರೇಡ್ ಮಾಡುವ ಆಯ್ಕೆ ನಿಮಗೆ ಇರುತ್ತದೆ.
ಇದನ್ನೂ ಓದಿ: ರಾಯಲ್ ಎನ್ಫೀಲ್ಡ್ ಗೆರಿಲ್ಲಾ450 ರೂ. 2.39 ಲಕ್ಷಕ್ಕೆ ಬಿಡುಗಡೆಯಾಗಿದೆ
ಸೌಕರ್ಯ ಮತ್ತು ಅನುಕೂಲತೆಯ ದೃಷ್ಟಿಯಿಂದ ಗಮನಾರ್ಹವಾದ ಸುಧಾರಣೆಗಳನ್ನು ಮಾಡಲಾಗಿದೆ. ಸಿಗ್ನಲ್ ಮತ್ತು ಎಮರಾಲ್ಡ್ ಆವೃತ್ತಿಗಳು ಸವಾರರ ಆದ್ಯತೆಯಂತೆ ಹೊಂದಾಣಿಕೆ ಮಾಡಬಹುದಾದ ಅಡ್ಜಸ್ಟ್ ಟೇಬಲ್ ಲಿವರ್ ಗಳನ್ನು(adjustable levers) ಒಳಗೊಂಡಿವೆ. ಈ ಅಡ್ಜಸ್ಟ್ ಟೇಬಲ್ ಲಿವರ್ ಇತರ ಮಾದರಿಗಳಿಗೂ ಕೂಡ ನೀವು ಒಂದು ಆಯ್ಕೆಯಾಗಿ ಸೇರಿಸಬಹುದು. ಸೆಮಿ-ಡಿಜಿಟಲ್ ಇನ್ಸ್ಟ್ರುಮೆಂಟ್ ಪ್ಯಾನಲ್ ಈಗ ಗೇರ್ ಪೊಸಿಷನ್ ಅನ್ನು ತೋರಿಸುತ್ತದೆ. ಅಲ್ಲದೆ, ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್ ಅನ್ನು ಸಿ-ಟೈಪ್ಗೆ(C-type) ನವೀಕರಿಸಲಾಗಿದೆ, ಆದ್ದರಿಂದ ಇದು ಹೊಸ ಗ್ಯಾಜೆಟ್ಗಳೊಂದಿಗೆ ಕಾರ್ಯನಿರ್ವಹಿಸುತ್ತದೆ. 2024 ಕ್ಲಾಸಿಕ್ 350 ರ ಪ್ರತಿಯೊಂದು ಮಾದರಿಯು ವಿಭಿನ್ನ ಸಂದರ್ಭಗಳಲ್ಲಿ ಬ್ರೇಕಿಂಗ್ ಅನ್ನು ಸುಧಾರಿಸಲು ಡ್ಯುಯಲ್-ಚಾನೆಲ್ ಎಬಿಎಸ್ನೊಂದಿಗೆ(ABS) ಬರುತ್ತದೆ.
ಕ್ಲಾಸಿಕ್ 350(Classic 350) ಈಗ ಎಮರಾಲ್ಡ್, ಜೋಧ್ಪುರ ಬ್ಲೂ, ಕಮಾಂಡೋ ಸ್ಯಾಂಡ್, ಮದ್ರಾಸ್ ರೆಡ್, ಮೆಡಾಲಿಯನ್ ಬ್ರಾಂಜ್, ಸ್ಯಾಂಡ್ ಗ್ರೇ ಮತ್ತು ಸ್ಟೆಲ್ತ್ ಬ್ಲ್ಯಾಕ್ ನಂತಹ ವಿವಿಧ ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ. ಸ್ಟೆಲ್ತ್ ಬ್ಲ್ಯಾಕ್ ಮಾದರಿಯನ್ನು ಆರಿಸುವ ಮೂಲಕ ನೀವು ರಾಯಲ್ ಎನ್ಫೀಲ್ಡ್ನಿಂದ ಅಲಾಯ್ ವೀಲ್ ಗಳನ್ನು ಪಡೆಯಬಹುದು. ಇದಲ್ಲದೆ, ಈ ಮಾದರಿಯು 19 ಇಂಚಿನ ಮುಂಭಾಗದ ಚಕ್ರ ಮತ್ತು 18 ಇಂಚಿನ ಹಿಂಭಾಗದ ಚಕ್ರಗಳೊಂದಿಗೆ ನಿಮ್ಮ ಸವಾರಿಯನ್ನು ಇನ್ನಷ್ಟು ಆನಂದದಾಯಕವಾಗಿಸುತ್ತದೆ.
ಇದನ್ನೂ ಓದಿ: ಯೆಜ್ಡಿ ಅಡ್ವೆಂಚರ್ ಬೈಕ್ 2.10 ಲಕ್ಷ ರೂ.ಗೆ ಬಿಡುಗಡೆ
ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 (Royal Enfield Classic 350): ಎಂಜಿನ್
2024ರ ಕ್ಲಾಸಿಕ್ 350 ಬೈಕ್ ಕೂಡ 2021ರಿಂದಲೂ ಬಳಕೆಯಲ್ಲಿರುವ 349 ಸಿಸಿ ಸಿಂಗಲ್ ಸಿಲಿಂಡರ್ ಜೆ-ಸೀರೀಸ್ ಎಂಜಿನ್‌ನಿಂದಲೇ ಚಾಲಿತವಾಗಿದೆ. ಈ ಶಕ್ತಿಶಾಲಿ ಎಂಜಿನ್ 6,100 ಆರ್‌ಪಿಎಂನಲ್ಲಿ 20.2 ಬಿಹೆಚ್‌ಪಿ ಗರಿಷ್ಠ ಶಕ್ತಿ ಮತ್ತು 4,000 ಆರ್‌ಪಿಎಂನಲ್ಲಿ 27 ಎನ್‌ಎಂ ಗರಿಷ್ಠ ಟಾರ್ಕ್ ಅನ್ನುಉತ್ಪಾದಿಸುತ್ತದೆ ಮತ್ತು 5-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಬರಲಿದೆ . ಡ್ಯುಯಲ್-ಕ್ರೇಡಲ್ ಫ್ರೇಮ್‌ನಲ್ಲಿ ನಿರ್ಮಿತವಾದ ಈ ಬೈಕ್, ಮುಂಭಾಗದಲ್ಲಿ 41 ಎಂಎಂ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಅಡ್ಜಸ್ಟ್ ಮಾಡಬಹುದಾದ ಟ್ವಿನ್ ಶಾಕ್ ಅಬ್ಸಾರ್ಬರ್‌ಗಳನ್ನು ಹೊಂದಿದ್ದು, ಯಾವುದೇ ರಸ್ತೆಯಲ್ಲಿ ಸುಗಮವಾದ ಸವಾರಿಯ ಅನುಭವವನ್ನು ನೀಡುತ್ತದೆ. 300 ಎಂಎಂ ಮುಂಭಾಗದ ಡಿಸ್ಕ್ ಬ್ರೇಕ್ ಮತ್ತು 270 ಎಂಎಂ ಹಿಂಭಾಗದ ಡಿಸ್ಕ್ ಬ್ರೇಕ್‌ಗಳು ಯಾವುದೇ ಪರಿಸ್ಥಿತಿಯಲ್ಲಿಯೂ ವಿಶ್ವಾಸಾರ್ಹ ಬ್ರೇಕಿಂಗ್ ವ್ಯವಸ್ಥೆಯನ್ನು ಒದಗಿಸುತ್ತವೆ.
